АҞӘА, рашәара 14 - Sputnik. Аԥснынтәи Урыстәылаҟа иаларгало асигарет лых 17,5 рыла еиҳахеит ҳәа аанацҳауеит Шәача аҳазалхратә усбарҭа апресс-маҵзура.
Ашықәс иаалагазар, Евразиатәи аекономикатә форум адгьылҵакырахь аҳәаа иахыганы закәаншьаҭада аҭаҭынаалыҵ аиагаразы ихацыркуп 207 ус, ирымхуп 4 125 ҭоԥ асигарет. Ииасыз ашықәс иара абри аамҭазы - 126 ус хацыркын, ирымхын 235 ҭоԥ асигарет.
Ахаша, аршәара 12 рзы аушьҭырҭатә ҭыԥ аҿы иаанкылан автомашьына "Даймлер Крайслер", зыҵаҿы аҵәахырҭа ҭыԥ аҵаҟаҵаз. Уа иҵәахын шәкы инарзынаԥшуа аҭаҭын ҭоԥқәа", - аҳәоит адырраҭараҿы.
Амашьына зтәу, Аԥсны атәылауаҩ аҳазалхратә декларациа хеимырҭәааӡеит, атауар аиагара азин ҟазҵо ашәҟәқәа имамызт.
Атауари автомашьынеи ырбаандаҩуп. Аҭаҭын аалыҵ аекспертизахь инашьҭуп. Административтә зинеилагара ҳәа ҩ-уск аартуп.
