АҞӘА, ԥхынҷкәын 19 - Sputnik. Аԥсны иҟоу Урыстәылатәи арратә база артиллеристцәеи амотохысцәеи Аԥсны ашьхара иахьаҵанакуа аҭыԥқәа рҟны аштаттә хысрақәа мҩаԥыргон ҳәа аанацҳауеит Урыстәыла Аладатәи арратә округ апресс-маҵзура.
Аррамаҵзурауаа рҽазыҟаҵашьа аадырԥшит еиуеиԥшым ахырхарҭақәа рыла.
Абри аан ахархәара рыман САУ "Акация", аминаршәгақәа "Сани", агаубицақәа Д-30, агранатаршәгақәа РПГ-7, апулемиотқәа "Печенег", ареактивтә системақәа "Град", атанкқәа Т-72Б3, БТР-82АМ.
Аруаа разыҟаҵаразы ахархәара рыҭан арԥжәагақәеи еиуеиԥшым абџьари. "Атеррористцәа" рроль нарыгӡон абаза аррамаҵзурауаа рыҟәшақәа руак.
Аҽазыҟаҵарақәа раан ахархәара аҭан Шьамтәылатәи Арабтә республика аԥышәа. Аҽазыҟаҵарақәа иааидкыланы 3000-ҩык рҟынӡа аруаа рылахәын. Ахархәара рыҭан 200 цырак арратә техника.
Иара убас шәаԥхьар ҟалоит:
-
Урыстәылатәи аруаа 40 000 рҟынӡа аҽазыҟаҵаратә хысра мҩаԥыргеит
-
Аԥырҩы дызҭам аурыс аруаа рыԥрыгақәа Аԥсны ажәҩан аҿы рҽазыҟарҵеит
