АҞӘА, ажьырныҳәа 30 – Sputnik. Акыраамҭа зегьы ззыԥшыз авокалтә конкурс "Ты супер!" аԥшьбатәи асезон ахацыркразы иреиӷьқәоу ралыԥшаара иалагоит.
Аицлабра иалахәхоит 7-18 шықәса ирҭоу, зани-заби ыҟам ахәыҷқәа, ашкол-интернатқәа рҟны ирааӡо мамзаргьы атәым ҭаацәарақәа рҟны ирааӡо: Урыстәыла, Аԥсны, Азербаиџьан, Ермантәыла, Белоруссиа, Қырҭтәыла, Ҟазахсҭан, Кыргызсҭан, Молдавиа, Украина, Естониа, Аахыҵ Уаԥстәыла рҟынтә.
Авокалтә конкурс аҟны алхрақәа мҩаԥысуеит уаанӡеиԥш.
Акастинг уалахәхарц азы аелектронтә ԥошьҭахь ашәҟәы нашьҭтәуп: info.abk@sputniknews.com Sputnik Аԥсны аредакциа.
1. Акастинг алахәыла ихы дахьахцәажәо авидео (ихьӡ, ижәла, ишықәс, дахьатәиу аҭыԥ, истатус: ахәыҷқәа рыҩнаҿы дынхо/аҭаацәараҿ дыҟоу) иара убасгьы ахәыҷы иқәгыларақәа.
2. Арзаҳал.
Алхратә тур алҵшәақәа еилкаахоит 2020 шықәса ааԥынразы.
Апроект "Ты супер!" аӡыргара мҩаԥысит жәабран 11, 2017 шықәса рзы. Усҟан уи адгылара анаҭеит Урыстәыла Аҵареи аҭҵаарадырреи рминистрра. Апроект амҩаԥгаҩыс дыҟан Вадим Такмениов. Ахәыҷтәы вокалтә еиндаҭлара "Ты супер!" мҩаԥысуеит ателеканал НТВ аҟны. Апроект азы инарҭбаау аинформациа аиура ҟалоит НТВ асаит аҟны. Ашоу иазкыз ажәабжьқәа реилкаара алшоит Sputnik Аԥсны аресурсқәа рҟынгьы. Аханатә аинформациатә маҵзуреи арадио Sputnik аиндаҭлара амҩаԥысшьа хылаԥшра арҭон. Аԥснытәи Валериа Адлеиԥҳа аконкурс лалахәра адагьы, актәи асезон аҟны иреиӷьу лакәхеит, аиааира лгеит.
Арҭ ашықәсқәа рыҩнуҵҟа апроект иалнаршеит 174-ҩык аҿар рмузыкатә мҩа аартра.
"Ты супер!" алахәылацәа иахьа еиуеиԥшым аиндаҭаларақәа ирылахәуп. Аҩбатәи асезон аҿы аиааира згаз Диана Анкудинова YouTube аҿы 2018 шықәсазы реиҳа ахәаԥшыҩцәа зауз ҳәа далкаауп.
Валериа Адлеиԥҳа арадио Sputnik Аԥсны аҟны автортә дырраҭара "Нетрудный возраст" мҩаԥылгоит. Уи амҩаԥгаҩцәеи асасцәа хәыҷқәеи ихәыҷтәым апроблемақәа рылацәажәоит.
Апроект НТВ асаит аҿи иофициалтәу YouTube-канал аҿи 300 миллионҩык ахәаԥшхьеит.
Иара убас шәаԥхьар ҟалоит:
-
Очамчырантәи Кремльҟа: Валериа Адлеиԥҳа лыԥсҭазаараҟынтәи еимгеимцарақәак
-
Адлеиԥҳа "Ты супер!" азы: ара аҟазаара гәазырҳагоуп
-
Акәашара, аокеанариум, "Кингсман": Миленеи Леони рыԥсшьара мшы
