Микрофон  - Sputnik Аҧсны
Арадио

Ахба: амилаҭ ыҟазар, атеатргьы аԥсы ҭазароуп

© Sputnik / Томас ТхайцукЛаврик Ахба
Лаврик Ахба - Sputnik Аҧсны
Анапаҵаҩра
Адыгатәылеи Аԥсни зҽаԥсазтәыз рартист Лаврик Ахба арадио Sputnik Аԥсны аефир аҿы еиҭеиҳәеит Аҟәа раԥхьатәи атеатралтә студиа аартра шыҟалаз, насгьы уи ҵакыс иамоу атәы.

Жәабранмза 17, 1929 шықәса рзы Аԥсны раԥхьаӡа акәны иаԥҵан аԥсуа драматә театр.

Ҳазлацәажәаша ҳамоуп: Ахба раԥхьатәи аԥсуа театралтә студиа иазкны

"Аԥхьа Дырмит Гәлиа атеатр анеиҿикаа, ақыҭақәа рахь ицо ауааԥсыра ақәыргыламҭа маҷқәа ддырбо иҟан. 1929 шықәса рзы иаартын раԥхьатәи аԥсуа театралтә студиа, уи напхгаҩыс, насгьы рҵаҩыс даман Васили Домогаров. Усҟан ақыҭақәа рҟынтә изҭахыз ауаа еидкыланы, апрофессионалтә театр ашьақәыргылара далагеит. Иахьагьы еиқәханы иҟоуп афиша, 1929 шықәса рзы раԥхьаӡа аԥсуа актиорцәа аԥсышәала Аҟәа ахәаԥшцәа ақәыргыламҭа ддырбеит ҳәа. Раԥхьаӡатәи актиорцәа Минадора Зыхәԥҳа, Лео Касланӡиа, Азиз Агрба раԥхьаӡа акәны Аԥсны анҭыҵ ицаны аспектакль ахәаԥшцәа иддырбеит Баҭым. Уи ҟалеит 1931 шықәса рзы. Қарҭ иҭыҵуаз агазеҭқәа уи ақәыргыламҭа ахәшьара бзиа аҭаны, хҭыск аҳасабала акьыԥхь иадырбеит. Амилаҭ ыҟазар, атеатргьы аԥсы ҭазароуп, ансамбльгьы ыҟазароуп, избанзар ари ажәлар ркультура аизырҳара иатәуп. Аԥснытәи атеатр аҳәаанырцә ацара акраҵанакуеит атәыла ахьыӡ аҭыгаразы", - ҳәа еиҭеиҳәеит Ахба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы. 

 

Ажәабжьқәа зегьы
0