АҞӘА, жәабран 17 – Sputnik, Бадри Есиава. Аԥсны ахада иеиҭалхраан Сҭампыл ақалақь аҿы алхырҭатә ҭаԥ аадыртуам ҳәа Sputnik иазеиҭеиҳәеит Аԥсны Алхратә комиссиа хада ахантәаҩы Ҭамаз Гогьиа.
"Аԥсны азакәан инақәыршәаны алхрақәа мҩаԥысроуп асиа хадақәа инарықәыршәаны. Ииасыз алхрақәа раангьы Ҭырқәтәыла алхырҭатә ҭыԥқәа аартымызт. Убри азы уажәгьы алхрақәа мҩаԥысраны иҟоуп уаанӡа иахьымҩаԥысуаз аҭыԥқәа рҿы", - ҳәа азгәеиҭеит Гогьиа.
Аԥсны ахада иеиҭалхра мҩаԥгахоит хәажәкыра 22 рзы. Абри азы аӡбамҭа рыдкылан Иреиҳаӡоу аӡбарҭа ахашшааратә коллегиа 2019 шықәсазтәи алхрақәа раантәи Аԥсны АКХ алкаақәа иашамызт ҳәа ианазхарҵа ашьҭахь.
Акандидатцәа рықәыргылара хацыркын ажьырныҳәа 22 рзы. Ашәҟәы иҭагалан аԥшьгаратә гәыԥқәа ҩба – Адгәыр Арӡынбеи Аслан Бжьаниеи кандидатс рықәыргыларазы, апартиа "Акзаара" – Леонид Ӡаԥшьба кандидатс иқәыргыларазы.
Иара убас шәаԥхьар ҟалоит:
-
Аԥсны АКХ ахадарахьы акандидатцәеи урҭ рхаҭыԥуааи ашәҟәы иҭарҩит
-
Урыстәылатәи анаԥшцәа Аԥснытәи алхрақәа рылахәра иазыхиоуп
-
Сҭампыл Аԥсны ахада иалхрақәа аҩбатәи ртур ҟалаӡом
