"Иахьа ауниверситетқәа рҿы аҵара зҵо ҳаԥхьаҟа аҳәынҭқарра иахагылаша роуп. Урҭ Аԥсны аҭагылазаашьа, ҳаԥхьаҟатәи астратегиаҿы пату шақәлауа, уи аҭоурых, Ҭырқәтәыла иқәынхауа ажәлари Аԥсны иҟоу ҳашьцәеи шәышықәса раахыс реимадара шыҭбаау, уи ҳхы ишԥаҳархәари ҳәа ацәажәарақәа мҩаԥган. Зегьы иақәшаҳаҭхеит аҩҳәынҭқаррак реимадара шырҭбаатәу, хара имгакәа Ҭырқәтәыла Аԥсны азханаҵароуп, уи аус адаҳулароуп зегьы. Ауаажәларра рыбжьара ари азҵаара аганахьала арефередум амҩаԥгара алшара. Абас еиԥш уҳәа азҵаарақәа ыҟан. Аԥсны Жәлар Реизара адепутатцәа зҭааз Бурсатәи ауниверситет иахьа иреиҳаӡоу хә-ҵараиурҭак рыбжьара иҟоуп. 75-ҩык астудентцәа уа аҵара рҵоит, урҭ рахьынтә Кавказынтә иаақәазгьы иҟоуп. Сгәаанагарала азхаҵара азҵаара, хымԥада, алҵшәа аманы иҟалоит, уи лассы иҟамларгьы. Ҭырқәтәылеи Аԥсни реимадара даҽа мҩак иқәланы ицалароуп. Уи ада ԥсыхәагьы иҟаӡам ҳәа дҳардыруеит. Уи атәы рҳәоит Ҭырқәтәыла аҳәынҭқарра аганахьалагьы, ҳара ҳеиԥш ихәыцуа, аус ҳадызуло ыҟоуп", - ҳәа еиҭеиҳәеит Аҟәысба.
Инеицыху аиҿцәажәара шәазыӡырҩы арадио Sputnik Аԥсны аефир аҿы.
