АҞӘА, хәажәкыра 31 – Sputnik. Асмаҭ Ҵәыџьԥҳа. Аԥсны иҟоу Урыстәыла Ацҳаражәҳәарҭахь аӡәгьы ацхырааразы дыдымҵаалацт аҩныҟа сшәырхынҳә ҳәа иҳәеит Sputnik аинтервиу азҭаз аусбарҭа апресс-маӡаныҟәгаҩ Денис Лавриков. Аԥсны иҟоу Урыстәылатәи Афедерациа Ацҳаражәҳәарҭа аконсултә маҵзура аҭааҩцәа рыдкылара иаҟәыҵит хәажәкыра 30 инаркны мшаԥымза 7 рҟынӡа Аԥсны аиҳабыра акоронавирус аламырҵәаразы иаланагалаз аԥкрақәа инарықәыршәаны.
"Акоронавирустә инфекциа адунеи анамҽханакуа аамҭазы Урыстәыла аҳәаанырцә иҟоу атәылауаа ацхыраара рыҭара иазыхиоуп. Ҳаргьы абри аус анагӡара ҳазыхиоуп", - иҳәеит иара.
Уаанӡа Аԥсны иҟоу Урыстәылатәи Афедерациа Ацҳаражәҳәарҭа аконсултә маҵзура аҭааҩцәа рыдкылара иаҟәыҵуеит хәажәкыра 30 инаркны мшаԥымза 7 рҟынӡа Аԥсны аиҳабыра акоронавирус аламырҵәаразы иаланагалаз аԥкрақәа инарықәыршәаны ҳәа аацҳара ҟанаҵахьан.
Иара убас шәаԥхьар ҟалоит:
-
Аԥсны иҟоу Урыстәыла Ацҳаражәҳәарҭа аконсултә маҵзура амза 30 инаркны ауаа аднакылом
-
Аԥсны иҟоу Урыстәыла Ацҳаражәҳәарҭа атуристцәа ацхыраара рынаҭалоит
