Гагра араион аҿы акоменданттә сааҭ аилагаразы жәохәҩык ааныркылеит

© Sputnik / Виталий Белоусов / Амедиаҵәахырҭахь аиасраГагра араион аҿы акоменданттә сааҭ аилагаразы жәохәҩык ааныркылеит
Гагра араион аҿы акоменданттә сааҭ аилагаразы жәохәҩык ааныркылеит - Sputnik Аҧсны
Анапаҵаҩра
НовостиTelegram
Гагра араион аҿы акоменданттә сааҭ арежим аус ауеит ахәылбыҽха асааҭ ааба инаркны ашьыжь асааҭ быжьа рҟынӡа, ари аҩыза аԥкрақәа аларгалеит атәылаҿы акоронавирус алаҵәара алмыршаразы.

АҞӘА, мшаԥы 11 - Sputnik. Гагра араион аҿы иалагалоу акоменданттә сааҭ мшаԥы 10, 20:00 инаркны мшаԥы 11, 7:00 рҟынӡа ирыбжьаркыз аамҭазы иазгәаҭан ишьақәыргылоу арежим еилагарақәа 156, ари атәы аанацҳауеит Аԥсны Аҩнуҵҟатәи аусқәа рминистрра апресс-маҵзура Facebook адаҟьаҟны.

Валерий Бганба - Sputnik Аҧсны
Бганба Гагра араион иалагалоу аԥкрақәа ахыхзар аналшо иҳәеит

Гагра ақалақь иахьаҵанакуа иаанкылан автомашьынақәа 97, Пицунда ақалақь амашьынақәа раанкыларҭаҿы иргылан ԥшь-автомашьынак, Бзыԥҭа аҳаблан автоаанкыларҭахь ргылан 40 автотранспорттә хархәагак, аҳәоит ААР адырраҭараҿы.  

Акоменданттә сааҭ аилагаразы амилициа аҟәшақәа рахь инаган 15-ҩык атәылауаа. Урҭ рахьтә жәеизаҩык Гагра иаанкылан, ԥшьҩык Пицунда.

"Иаанкылаз зегьы аужьын ашьыжь асааҭ 7:00 рзы, урҭ иақәнагаз абжьгарақәа рыҭан. Автотранспорттә хархәага арыжәтә ршьа иаланы иныҟәызцоз ԥшьҩык рганахьала административтә ԥкаанҵақәа еиқәыршәан", - аанацҳауеит аусбарҭа.

Гагра араион аҿы акоменданттә сааҭ ауааԥсыра ахьынӡақәныҟәо иахылаԥшуеит Аԥсны ААР аиҵаҟәшақәа русзуҩцәеи Гагра араион Аҩнуҵҟатәи аусқәа русбарҭеи еилахәны.

Мшаԥы 7 рзы Аԥсны официалла ишьақәырӷәӷәан акоронавирус зыхьыз ауаҩы дыҟоуп ҳәа. Уи идырбалеит Гагра ақалақь аҟны инхо ауаҩԥсы. Иара хәажәкыра 29 рзы аусура аганахьала дахьыҟаз Москва ақалақь аҟынтәи дхынҳәит. Мшаԥы 6 рзы иара Гәдоуҭатәи ахәышәтәырҭа дҭарҵеит.

Акоменданттә сааҭ иара убас Гал араион аҿгьы ишьақәыргылоуп. Уи аларгалеит Аберқыҭ инхо аԥҳәыс Қырҭтәыла ақалақь Жәыргьыҭ ахәышәтәырҭа дахьҭашәаз адиагноз акоронавирус анылзышьақәдыргылаз ашьҭахь.

Иара убас шәаԥхьар ҟалоит:

Ажәабжьқәа зегьы
0