Аԥсны Агәабзиарахьчара аминистр инапынҵақәа назыгӡо Ҭамаз Ҵахнакьиа мшаԥымза 27 рзы ахәшьара аиҭеит атәылаҿ иҟоу асанитар-епидемиологиатә ҭагылазаашьа, убри аан иара игәаанагарала аԥкрақәа шыҟоу иааныжьтәуп лаҵара 15-нӡа.
"Ачымазара рызгәамҭаӡакәа, иԥсыҽны изхызго ауаа ыҟоуп. Ахьаа имамкәа, ашоура имамкәа дҳалазар ауеит аӡәы. Убри аан иара егьы дирчмазаҩыр алшоит. Иара адунеи аҿы, ҳгәылацәа рҿгьы ачымазара зыхьуа ауаа рхыԥхьаӡара даара ирацәоуп, уимоу есааирагьы иацлоит. Убри азы макьана ашәарҭара ыҟоуп ҳәа сгәы иаанагоит. Ачымазара аламырҵәаразы иҟоу аԥҟарақәа макьана иаҟәыхтәым, ҩымчыбжь еиҭа инареиҵамкәа иааныжьтәуп. Ашколқәеи ахәыҷбаҳчақәеи макьана иаарттәым ҳәа азысыԥхьаӡоит. Избанзар дара ачымазара иаҳа иԥсыҽны зхызго рахь иаҵанакуеит. Ахәыҷқәа еиҳабык ачымазара зцәа иалоу данрықәшәа нахыс, аларҵәара аиуеит, убри алагьы иара ишәарҭоуп", - ҳәа еиҭеиҳәеит Џьопуа.
Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
-
Агәабзиарахьчара аминистрра аԥкрақәа лаҵара 15 рҟынӡа ирнахатәуп рҳәеит
-
Аԥсны раԥхьа акоронавирус зыхьыз апациент ахәышәтәырҭа дҭырҩааит
