АҞӘА, ԥхынҷкәын 8 - Sputnik. Аминистрцәа реилазаара ақәҵарала акриптавалиута аиуразы аусурақәа зегьы 2021 шықәса рашәара 1 аҟынӡа иааннакылоит.
- Аминистрцәа реилазаара аамҭала Аԥсныҟа амаинингтә хархәагақәа ралагалара азин ааннакылоит
Ԥхынҷкәын 8 рзы Аԥсны аекономика аминистрраҿы имҩаԥысыз "Амшынеиқәафымцамч" анапхгареи амчратә структурақәа рхаҭарнакцәеи азлахәыз аенергетика иазку аилацәажәараҿ Аԥсны аԥыза-министр ихаҭыԥуаҩ, аекономика аминистр Кристина Озганԥҳа аҳәамҭа ҟалҵеит ареспубликаҿы амаинингтә фермақәа зегьы аҿыхтәуп, урҭ зтәу ирыхьмырԥшыкәа ҳәа.
Аԥсны Апарламент ақәҵара аднакылахьан атәыла аҵакыраҿы акриптовалиутатә маининг аанкылазарц ЕгрыГЕС аремонт азыруанаҵы.
