АҞӘА, ажьырныҳәа 28 - Sputnik. Аԥсны АҶА аиқәырхаҩцәа Гагреи Очамчыреи рқыҭақәа рҿы абнаратә мцакрақәа дырцәеит ҳәа аанацҳауеит аусбарҭа апресс-маҵура.
Гагра иахыкәшо амҩа 24-тә акилометр аҿы аҳаскьынҩара амца акит, 30 гектар рҟынӡа амҽханакит. Абри азы АҶА ахь адырра ҟаҵан ажьырныҳәа 27 асааҭ 16:50 рзы.
Амцарцәаҩцәа рыҟәшақәа хԥеи аиқәырхаратә ҟәшаки аҭыԥ ахь инашьҭын. Атехника ҷыда ахьзымнеиуаз азы амца напыла идырцәон. Аамҭақәак рыла амца ырцәан.
Амцакра аҭыԥ аман Очамчыра араион Мықәи Маркәылеи ақыҭақәа рҿгьы. Амца ркит 10 гектарк рҟынӡа аҭыԥқәа. Х-мцарцәагатә гәыԥ амцакра ахьыҟаз зегьы арцәара алдыршеит.
Иара убас шәаԥхьар ҟалоит:
- Абнақәа рымцакра азԥхьагәаҭаразы Аԥсны аусбарҭабжьаратә гәыԥ аԥырҵараны иҟоуп
-
Амцарцәаразы: Аԥсны АҶА аусзуҩцәеи Урыстәыла ААО аруааи аицҽазыҟаҵарақәа мҩаԥыргеит
