АҞӘА, лаҵара 27- Sputnik. Аԥсни Урыстәылеи рҳәааҿы апассаџьыртә трафик уахыки-ҽнаки рыҩныҵҟа 30 нызқьҩык рҟынӡа инаӡеит, атранспорт хархәагақәа –6,5 нызқь рҟынӡа. Абри атәы аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.
Уаҩԥсык идокументқәа ргәаҭара х-минуҭк рҟынӡа иадхалоит.
Аҳәаахьчаҩ гәыҩбарак иоур, азин имоуп азҵаарацҵақәа рыҭира.
Атәылауаа аҳәаа иахрыжьуеит рхаҭара шьақәзырӷәӷәо адокументқәа рыла. Убри азы џьара ацара аламҭалаз атәылауаҩшәҟә аҿҳәареи аҭагылазаашьеи гәаҭалатәуп.
Аусбарҭа апресс-маҵзураҿы иазгәарҭеит аҳәаахьчаратә ҭыԥ аҟны агәаҭараан амаҵзурауаа рхымҩаԥгашьа атәылауаҩ изинқәа еиланагозар изашшра ҟалоит.
Аҳәынҭқарратә ҳәаа ахысра иадҳәало аимак зҵаарақәа рцәырҵраан атәылауаа Урыстәыла АШәМ Краснодартәи атәылаҿацә аҿы Аҳәаахьчаратә усбарҭа аҭел ҷыдахь иасыр алшоит: 8(861) 239-68-92.
