https://sputnik-abkhazia.info/20211118/asny-iou-urystyla-atsarazha-khyrkhararatsalati-amobilt-gospital-daaait-1036385569.html

Аԥсны иҟоу Урыстәыла ацҳаражәҳәаҩ хырхарҭарацәалатәи амобилтә госпиталь даҭааит

Аԥсны иҟоу Урыстәыла ацҳаражәҳәаҩ хырхарҭарацәалатәи амобилтә госпиталь даҭааит

Sputnik Аҧсны

Урыстәыла Атәылахьчара аминистрра амобилтә госпиталь Аԥсныҟа иаашьҭын акоронавирустә инфекциа аԥырҟәҟәаразы ацхыраара аҟаҵараз нанҳәа 18 рзы. Урыстәыла... 18.11.2021, Sputnik Аҧсны

2021-11-18T14:52+0300

2021-11-18T14:52+0300

2021-11-18T15:59+0300

аԥсны

ажәабжьқәа

аҿкчымазара, алаҵаҟаҵара: акоронавирус азы аԥсны аҭагылазаашьа

ауаажәларра

алексеи двинианин

https://cdnn1.img.sputnik-abkhazia.info/img/07e5/0b/12/1036381769_0:160:3072:1888_1920x0_80_0_0_35d8d9b64845ef04eeef0dcb68811fcc.jpg

АҞӘА, абҵара 18 - Sputnik. Бадраҟ Аҩӡба. Аԥсны иҟоу Урыстәыла ацҳаражәҳәаҩ Алексеи Двинианин "Аиҭар" игылоу Урыстәыла Атәылахьчара аминистрра амобилтә госпиталь даҭааит.Агоспиталь аиҳабы Абдулмеџьиҭ Магомедов адипломат изеиҭеиҳәеит ачымазцәа рыхәшәтәразы агоспиталь амедусзуҩцәа имҩаԥырго аусурақәа ртәы.Иара убасгьы иҳәеит, нанҳәа 18 раахыс ишрыдыркылахьоу ҩ-нызқьҩык инареиҳаны ареспублика ауааԥсыра амбулатор ҳасабла, астационар иахысхьеит 600-ҩык рҟынӡа ҳәа. Иахьазы агоспиталь иҭоуп 83-ҩык, урҭ рҟынтәи 12-ҩык рҭагылазаашьа уадаҩуп.Ацҳаражәҳәаҩ даҭааит амедусзуҩцәа ПЦР-диагностика ахьымҩаԥырго аҭыԥ. Магомедов инаҵшьны иазгәеиҭеит аҳақьымцәа аматериал анроулак ашьҭахь иара агоспиталь аҵакыраҿы иҟоу алабораториахь ишынарышьҭуа."Ауаа ааиуеит, ПЦР-диагностика иахысуеит, ҩба-хԥа сааҭ рыла аҭак роуеит", - иҳәеит иара. Ацҳаражәҳәаҩ ирбан алабораториа."Зыхә ҳараку ареактивқәа ҳамоуп. Урҭ архьшәашәагақәа ирҭоуп. Аҳақьым-лаборант ПЦР-диагностика мҩаԥигоит", - иҳәеит Магомедов.Аԥсны иҟоу Урыстәыла ацҳаражәҳәаҩ Алексеи Двинианин Урыстәыла Атәылахьчара аминистрра амобилтә госпиталь аусура ахә ҳаракны ишьеит акороновирустә инфекциа иаҿагыланы ақәԥараҿы.Уи адагьы Двинианин идырбеит ацифратә ренген ахьгылоу аҟәша, днеины ибеит ачымазцәа ахьырхәышәтәуа.Агоспиталь ахь иааиуа ауааԥсыра рыдыркылоит уахи-ҽни, ашьҭаҵареи ахәшәтәреи рзы аӡбамҭа рыдыркылоит рынхарҭа ҭыԥ иаҵанакуа аҳақьым иақәшаҳаҭрала.Хырхарҭарацәалатәи амобилтә госпиталь аҟны имҩаԥыргоит ареспублика ақалақьтә лабораториақәа рҟынтәи инарго анализқәа ПЦР-диагностика. Анаҩс аҭакқәа иахьынтәаашьҭу идырхынҳәуеит. Алабораториа иалшоит аамҭак ала 24 биологиатә материал адкылара.Агоспиталь амобилтә лабораториақәа рҿы имҩаԥгоуп 8 000 рҟынӡа аклиникатә ҭҵаара, х-нызқь ПЦР-тест, зқьы инеиҳаны рентгенограмма.Амобилтә госпиталь акоронавирустә инфекциа ҿыц зыхьуа рыхәшәтәразы астационартә медицинатә хәшәтәырҭоуп. Хырхарҭарацәалатәи амобилтә госпиталь зынӡа 100 иара-ҭыԥ амоуп, урҭ даҽа 24 иара-ҭыԥ рыла ихарҭәаауп, даҽа 26 ҭыԥ аҟаҵаразы алшара ыҟоуп. Аҳақьымцәа ргәыԥ шәҩык ыҟоуп, аус руеит бригада-бригадала рҽеихшаны.Урыстәыла Атәылахьчара аминистрра амобилтә госпиталь уаанӡа Аԥсныҟа иаашьҭын акоронавирустә инфекциа аԥырҟәҟәаразы ацхыраара аҟаҵараз нанҳәа 18 рзы.Урыстәыла Атәылахьчара аминистрра ҩынтәуп Аԥсныҟа ацхырааразы агоспиталь аарышьҭуеижьҭеи.

https://sputnik-abkhazia.info/20211116/aa-iou-urystyla-arrat-mobilt-gospital-aynt-ilaaup-470-yk-apatsienttsa-1036358280.html

https://sputnik-abkhazia.info/20211029/agabziarakhchara-aministr-asny-aepidagylazaasha-akhshara-aieit-1036107684.html

https://sputnik-abkhazia.info/20211116/asnya-iaagoup-alaa-sputnik-v-apartia-1036349276.html

2021

Ажәабжьқәа

ab_AB

ажәабжьқәа, аҿкчымазара, алаҵаҟаҵара: акоронавирус азы аԥсны аҭагылазаашьа, ауаажәларра, алексеи двинианин