https://sputnik-abkhazia.info/20211213/sputnik-amchybzh-aar-akhada-yts-gazla-aiyrsharazy-aishaara-alaaaarazy-aakhara-1036698548.html

Sputnik амчыбжь: ААР ахада ҿыц, газла аиқәыршәаразы аиқәшаҳаҭра, алаҵаҟаҵаразы ааԥхьара

Sputnik амчыбжь: ААР ахада ҿыц, газла аиқәыршәаразы аиқәшаҳаҭра, алаҵаҟаҵаразы ааԥхьара

Sputnik Аҧсны

Ииасыз амчыбжь азы имаҷмызт ареспубликаҿы имҩаԥысуаз ахҭысқәа – Аҩныҵҟатәи аусқәа рминистр иаҭара, атәыла газла аиқәыршәаразы аиқәшаҳаҭра, алаҵаҟаҵаразы... 13.12.2021, Sputnik Аҧсны

2021-12-13T09:20+0300

2021-12-13T09:20+0300

2021-12-13T18:35+0300

аԥсны

ажәабжьқәа

аспорт

ауаажәларра

аекономика

https://cdnn1.img.sputnik-abkhazia.info/img/07e5/05/0b/1032393057_0:161:3067:1886_1920x0_80_0_0_8bc01b8f1a2202eb87dce78f71700266.jpg

SputnikCOVID-19 иахада иааԥхьареиАԥсны акоронавирустә инфекциа иаҿагыланы ақәԥара ишаҿыц иаҿуп, иаарԥшуп 36 нызқь COVID-19 хҭыс, 29 нызқьҩык ргәы бзиахахьеит, 539-ҩык рыԥсҭазаара иалҵит.Акоронавирус рыхьны ҭаацәала Аԥсны ахәшәтәырҭақәа ианырҭашәо ыҟоуп иҳәеит агәабзиарахьчара аминистр Едуард Быҭәба Аԥсуа телехәаԥшра аефир аҿы. Иара иҳәеит Гәдоуҭатәи аковид центр аҿы ацҵа ҭыԥқәа 30 шеиҿыркаауа.Ԥхынҷкәын 8 азы Аԥсны ахада Аслан Бжьаниа гагратәи аилацәажәараҿы ажәалагала ҟаиҵеит аҵара аусхк аҿы аус зуа зегьы алаҵа ҟарҵароуп, иҟарымҵар русура нрыжьроуп ҳәа.Бжьаниа иажәақәа рыла алаҵаҟаҵаратә компаниа аҭагылазаашьа арманшәалартә имҩасуам.Ахада иара убасгьы анапынҵа ҟаиҵеит аҵара аусхк аусзуҩцәа школцыԥхьаӡа алаҵаҟаҵаразы аграфик аздырхиарц, ақыҭа школқәа рырҵаҩцәа Аҟәаҟа иааргаларц. Бжьаниа иҳәеит хаҭала ари аус дшахылаԥшуа.Атәыла газла аиқәыршәаразы аиқәшаҳаҭраАԥсни Урыстәылеи рыбжьара аиқәшаҳаҭра анапы аҵарҩит Аԥсны газла аиқәыршәара ахсаала хада ашьақәыргылараҿ аусеицуразы, ҳәа аанацҳауеит аминистрцәа реилазаара апресс-маҵзура.Адокумент иазԥхьагәанаҭоит Аԥсны газла аиқәыршәара ахсаала хада ашьақәыргыларазы 2021-2022 шықәсқәа рзы аусурақәа рымҩаԥгара.2020-2022 шықәсқәа рызтәи Аинвестпрограмма аҳәаақәа ирҭагӡаны Аԥсны газла аиқәыршәара ахсаала хада аҟаҵаразы аԥара азоужьра азгәаҭоуп.Аԥсны ААР ахада ҿыц даҭоупАԥсны ахада Аслан Бжьаниа ԥхынҷкәын 6 рзы Аҩнуҵҟатәи аусқәа рминистрс Вальтер Быҭәба иҟаҵаразы аусԥҟа инапы аҵаиҩит. Вальтер Быҭәба диит нанҳәа 13 1975 шықәса рзы Очамчыра.Уаанӡа еилкаахеит ԥхынҷкәын 2 рзы Аслан Бжьаниа Аԥсны аҩнуҵҟатәи аусқәа рминистр Дмитри Дбар имаҵураҟынтә ихы дақәиҭтәны Аҳәынҭқарратә ахьчаратә маҵзура аиҳабыс дҟаиҵеит. Аԥсны Аҩнуҵҟатәи аусқәа рминистр инапынҵақәа аамҭала рынагӡара инапы ианиҵеит аминистр актәи ихаҭыԥуаҩ аинрал-маиор Руслан Ажьиба.Иара убри аҽны Аԥсны Аҩнуҵҟатәи аусқәа рминистрраҿы имҩаԥысит аусбарҭа аиҳабыра, аппарат хада аҟәшақәа реиҳабацәа, ақалақьтәи араионтәи усбарҭақәа реиҳабацәа реилацәажәара.Аԥсны ААР аҿы аколлектив иддырдырит аминистр ихаҭыԥуаҩ Зураби Занҭариеи ауаажәларратә шәарҭадара аиҳабы Дмитри Қәычбериеи.Егьырҭ акадртә еиҭакрақәаУаанӡа Аԥсны адәныҟатәи аусқәа рминистрс иҟаз Даур Ақаҩба жәларбжьаратәи аимадарақәеи аекономикатә зҵаарақәеи рзы ААУ аректор ихаҭыԥуаҩыс дҟаҵоуп. Абри атәы Facebook идаҟьаҿы ианиҵеит.Даур Ақаҩба Аԥсны адәныҟатәи аусқәа рминистрс дыҟан 2016 шықәса раахыс. Ари аҭыԥ аҿы иара диԥсахит Инал Арӡынба.Ԥхынҷкәын акы азы Ашәарҭадаратә хеилак амаӡаныҟәгаҩ ихаҭыԥуаҩык иҳасаб ала Минск аиԥыларақәа мҩаԥигеит.Аҳәынҭқарратә унитартә наплакы "Аԥсныавтомҩа" аиҳабыс даҭоуп Михаил Логәуа. Аусԥҟа лнапы аҵалҩит Аԥсны аекономика аминистр Кристина Озган жьҭаара 22 рзы.Уи аԥхьа "Аԥсныавтомҩа" напхгара аиҭон Борис Ачба, уи иганахьала лаҵара 5 2021 шықәсазы Аҟәатәи ақалақьтә ӡбарҭа абиуџьет ԥара хыԥхьаӡара рацәала итәитәит ҳәа ахарадҵа ҟаҵаны азеиԥш режим иаҵанакуа ариашаратә колониаҿ быжьшықәса ҭакрыла ихигарци, имазара имхзырци қәҵараны иаднакылеит.Аҳәынҭқарратә АИХқәа еидырҵеитԤхынҷкәын 8 азы Ареспубликатә газеҭқәа "Аԥсны", "Республика Абхазия", иара убас аинформациатә маҵзура "Аԥсныпресс" ареспубликатә ҳәынҭқарратә еилахәыра "Аԥснымедиа" ҳәа еидырҵеит."Аԥснымедиа" аиҳабыс даҭоуп ажурналист, Sputnik аусзуҩ Роберт Џьопуа. Иахьа иара аҳәынҭқарратә газеҭқәа ҩбеи аинформациатә маҵзуреи рколлективқәа дыддырдырит.Анаҩс аиԥылара иалахәыз зегьы аилахәыра ҿыц ахықәкқәеи, уи арҿиаразы шьаҿақәас инагӡатәуи, иара убас аштаттә еихшанҵеи, ауалафахәқәа рышьҭыхреи уҳәа егьырҭ аиҿкааратә зҵаарақәеи ирылацәажәеит.Аԥсны аихамҩа аҿиара апрограммаАимператор Александр I ихьӡ зху Санкт-Петербургтәи аимадаратә ҳәынҭуниверситет аҟазауаа 2035 шықәсанӡа Аԥснытәи аихамҩақәа рыҿиара апрограмма аус адырулоит. Абри атәы "Аԥсныпресс" иазеиҭеиҳәеит анаплакы "Аԥснытәи аихамҩақәа" аиҳабы Арсоу Ҷыҭанаа.Санкт-Петербург Ҷыҭанаа диԥылеит акционертә еилазаара "ЛенГипрострой" адиректор хада Алексеи Драпезо. Дара алацәажәеит аихамҩа аенергетикатә нхашәа амодернизациа, аҟазауаа астанциа маҷқәа рҭагылазаашьа аҭҵааразы арахь раара.Ҷыҭанаа Москва дахьынӡаҟаз Урыстәылатәи аихамҩақәа (РЖД) рнапхгарагьы дырԥылеит. Аганқәа алацәажәеит Аԥсныҟа амагистралтә електровози атепловози раашьҭра азҵаара."Аԥснытәи аихамҩа ахархәара рнаҭоит аелектровозқәа ВЛ-8. Дара акыр иажәхьеит. 50 шықәса рхыҵуеит. Амашьына ҿыцқәа иааиуа 10 шықәса проблемада аус рулоит. Хара имгакәа ҳделегациа Урыстәылаҟа ицоит арҭ амашьынақәа раагарази адокументқәа анапы рыҵаҩрази", - ҳәа иҳәеит иара."Аԥсны аихамҩақәеи" жәларбжьаратәи аконтеинертә оператор "РЖД Бизнес Активи" аиқәшаҳаҭра рыбжьарҵеит. Уи инақәыршәаны Аԥснынтәи Урыстәылаҟа аидарақәа аконтеинерқәа рыла имҩаныргалоит.Аспорт аҿы аихьӡарақәаАԥснытәи абоксиор Игорь Адлеиба даиааит ҳәа аӡбаҩцәа еицҿакны аӡбамҭа рыдыркылеит асабша ԥхынҷкәын 11 рзы Екатеринбург ақалақь аимҩаԥысуаз аиндаҭлара RCC Boxing Promotions аҟны Асиф Керимови иареи рыбжьара имҩаԥысыз аиндаҭлараҿы."Ҳара ф-раундк ҳаиндаҭлон, сара мшаԥымзаахыс смеиқәԥаӡацызт, сгәабзиара аганахьала ауадаҩрақәа сыман. Анаҩс сҽазыҟасҵеит, ажьырныҳәамзазы аиндаҭлара сҽаласырхәыр акәын, аха апандемиа иахҟьаны уи аҟәырхит. Аҩныҟа сцоит ҳәа иӡбаны ишҳамаз аамҭазы еилкаахеит ари ареитингтә еиқәԥара сҽаласырхәырц азы алшара шыҟоу. Саргьы сақәшаҳаҭхеит, избанзар акыр ҵуан аринг ахь сцәырымҵыижьҭеи", - иҳәеит Игор Адлеиба аиндаҭлара ашьҭахь Sputnik аинтервиу аҭо.Аԥсуа спортсмен Даниил Кәыҵниа абокс азы СССР зҽаԥсазтәыз азыҟаҵаҩ Борис Греков игәалашәара иазку Урыстәылазегьтәи аицлабрақәа рҟны аразны медал ианашьахеит. Аицлабрақәа мҩаԥысуан ԥхынҷкәын 4 -11 азы Москва.Аԥснытәи абоксер Даниил Кәыҵниа Урыстәылатәи еизго акоманда далахәхеит урыстәылазегьтәи аицлабрақәа рылҵшәақәа рыла 2008-2009 шықәсқәа рзы ииз рыбжьара.Иара убас ԥхынҷкәын 12 рзы Борис Багаҭелиа дзиудо азы аветеранцәа рыбжьара Урыстәыла Ахраҿа даиааит.Аветеранцәа рыбжьара Урыстәыла Ахраҿазы аиндаҭларақәа мҩаԥысит ԥхынҷкәын 12 рзы Москва. Урҭ Урыстәыла Аԥсадгьыл Афырхацәа рымш аҳаҭыр иазкын.

https://sputnik-abkhazia.info/20211212/byba-asny-araiona-ry-covid-19-aiashazy-auaa-aatsala-akhshtyra-iashoit-1036695826.html

https://sputnik-abkhazia.info/20211208/bzhania-ada-aieit-alaa-azymo-aaradyrra-auskhk-auszutsa-rusura-iamyrkhyrts-1036646240.html

https://sputnik-abkhazia.info/20211209/asny-gazla-aiyrsha-akhsaala-khada-ashayrgylaraz-aishaara-napaaup-1036667594.html

https://sputnik-abkhazia.info/20211206/asny-anuati-ausa-rministr-yts-daoup-1036616016.html

https://sputnik-abkhazia.info/20211206/asny-aar-ay-akollektiv-iddyrdyrit-aministr-ikhayuai-auaazhlarrat-sharadara-aiabi-1036614396.html

https://sputnik-abkhazia.info/20211211/gablia-eieieit-belorussiei-moskvei-imaigaz-aiylaraa-rty-1036686318.html

https://sputnik-abkhazia.info/20211210/mikhail-logua-aun-asnyavtoma-aiabys-daoup-1036680934.html

https://sputnik-abkhazia.info/20211208/asny-aynarrat-aikha-kha-ailakhyra-asnymedia-a-eidyreit-1036652922.html

https://sputnik-abkhazia.info/20211206/urystylati-aazauaa-2035-shysana-asnyti-aikhamaa-ryiara-aprogramma-aus-adyruloit-1036616945.html

https://sputnik-abkhazia.info/20211211/aiaaira-gany-skhynueit-igor-adleiba-ekaterinburg-aboks-azy-ieindalara-iazkny-1036689822.html

https://sputnik-abkhazia.info/20211212/boris-bagaelia-dziudo-azy-aveterantsa-rybzhara-urystyla-akhraa-daiaait-1036698032.html

2021

Ажәабжьқәа

ab_AB

ажәабжьқәа, аспорт, ауаажәларра, аекономика