Микрофон  - Sputnik Аҧсны, 1920
Арадио

Ҳашыг аепидемиологиатә ҭагылазаашьазы: ҳаидышшыло ҳаанымхарц, аҽаанкылара ӷәӷәа аҭахуп

Хра злоу ахҭысқәа: Ҳашыг аепидемиологиатә ҭагылазаашьеи аныҳәамшқәа рзы ахымҩаԥгашьеи ирызкны
Анапаҵаҩра
Ажурналист, Ауаажәларратә палата алахәыла Руслан Ҳашыг арадио Sputnik аефир аҟны иахьа аепидемиологиатә ҭагылазаашьа аҽанарцәгьо аамҭазы ауаа рхымҩаԥгашьазы игәаанагара иҳәеит.
Сынтәа ашықәсҿыцазтәи аныҳәамшқәа рзы Аԥсныҟа зыԥсшьарамшқәа зхызгарц Урыстәылантәи иаауа рхыԥхьаӡара иацлоит егьырҭ ашықәсқәа ирҿырԥшны иугозар ҳәа иҟоу ҵаҵӷәы змоу адыррақәа ҳасаб рзуны, иара убас атәылаҟны ишьақәгылаз аепидимиологиатә ҭагылазаашьа ииашаны ахәшьара замҭахар, акыр ауадаҩрақәа цәырҵыр алшоит ҳәа агәаанагара ааирԥшит арадио Sputnik аефир аҟны ажурналист, Ауаажәларратә палата алахәыла Руслан Ҳашыг.
"…хаҭа-хаҭала, ҭаацәала, инеизакны аҳәынҭқарраҿы ииашаны аҽазыҟаҵара ҳалымшар, ҳара аҵыхәтәаны, аныҳәақәа рышьҭахь даҽа гәалаҟазаарак, аныҳәатә иацәыхароу аҭагылазаашьа, ҳхала ҳхы ҭаҳаргылар ҟалоит. Убри аҟынтәи аизхәыцреи аизыӡырҩреи аҭахуп, аҳақьымцәа иҟарҵо абжьгара даара иқәныҟәатәуп. Аԥсуаа ражәа иалоуп: "Ауаҩы ма дшәароуп, ма дыԥхашьароуп" ҳәа. Аҳәынҭқарра ажәлар изаԥырҵо, аԥҟарақәа рықәныҟәаразы ауп. Аԥҟара аԥҵара азин змоу аҳәынҭқарратә маҵурауаа, аоперативттә штаб, аҿкычымазара иаҿагыланы аусура зықәнагоу Аԥсны аҳәынҭқарра ахада, абарҭ аҭагылазаашьақәа ирызхәыцны иназыцҵоу аԥҟарақәа аларгалароуп. Урҭ рықәныҟәаразы иахәҭоу амаҵзурақәа еиҿыркаарц ирыду аусқәа ҟарҵароуп. Ақьафурҭақәа урыдҵаалар, иулшоит аилкаара, аныҳәа азгәаҭаразы ажәалагалақәа рымҽхак ахьынӡаҭбаау арҭ мшқәа рзы. Уажәшьҭан ҳаидышшыло ҳаанхар аасҭа, аҽаанкылара ӷәӷәа аҭахуп ", - иҳәеит Ҳашыг.
Аицәажәара инарҭбааны ишәаҳар шәылшоит аудиофаил аҟны.
Ажәабжьқәа зегьы
0