https://sputnik-abkhazia.info/20220114/isazaara-dalit-khatgakharala-eibashuaz-asny-afyrkhaa-alkhazur-suleimanov-1037147934.html
Иԥсҭазаара далҵит хатәгәаԥхарала еибашьуаз Аԥсны Афырхаҵа Алхазур Сулеиманов
Иԥсҭазаара далҵит хатәгәаԥхарала еибашьуаз Аԥсны Афырхаҵа Алхазур Сулеиманов
Sputnik Аҧсны
Алхазур Сулеиманов - 1992 шықәса нанҳәа 19 рзы Аԥсныҟа раԥхьа хәатәгәаԥхарала иааз ҳашьцәа рыгәҭа дыҟан. 14.01.2022, Sputnik Аҧсны
2022-01-14T20:00+0300
2022-01-14T20:00+0300
2022-01-15T00:09+0300
аԥсны
ажәабжьқәа
https://cdnn1.img.sputnik-abkhazia.info/img/102537/62/1025376229_0:0:8256:4644_1920x0_80_0_0_1039ae804b731442258b9ae0d9e055b0.jpg
АҞӘА, ажьырныҳәа 14 - Sputnik. Иԥсҭазаара далҵит Чечентәылантәи хатәгәаԥхарала Аԥсны еибашьуаз, Аԥсны Афырхаҵа Алхазур Сулеиманов.Аԥсны ахада Аслан Бжьаниа Сулеиманов иуацәеи иҭынхацәеи дрыдышшылеит."Гәалсра дула иҳадаҳкылеит Аԥсны Афырхаҵа Алхазур Сулеиманов иԥсҭазаара иалҵра. Ҳара зегь ҳзы ари даара ицәыӡ дууп. Алхазур Сулеиманов зажәеи зуси акырԥхылнадоз уаҩын. Ҳара уи ҳаҭыр ду иқәаҳҵон. Аԥсны ашьаарҵәыра ианҭагылаз игәы-ишьа ишиҵанаҳәоз еиԥш ашьха дхыҵны дааит иашьцәа дрыцхраарц. Уи алагьы иԥсҭазаара зегьы ҳара иҳадиҳәалеит. Алхазур Сулеиманов игәалашәара наӡаӡа аԥсуа жәлар ргәаҵаҿ иаанхоит", - ҳәа иануп адышшылара атекст аҿы.Алхазур Сулеиманов диит Ҟазахсҭан 1959 шықәса рзы. 1968 шықәса рзы иҭаацәа Грозныиҟа нхара ҳәа ииасит.Алхазур Сулеиманов - 1992 шықәса нанҳәа 19 рзы Аԥсныҟа раԥхьа хәатәгәаԥхарала иааз ҳашьцәа рыгәҭа дыҟан. Аибашьра ҟалаанӡа иара Грозныитәи ателехәаԥшра аиҳабы атехникатә хәҭазы ихаҭыԥуаҩс дыҟан. Аха имаҵуреи иусқәеи кажьны иашьцәа ршьа иурц дааит."Аибашьра ианалагаз хәашан, ҳара ателехәаԥшраҿы ҳаҟан, адырҩаҽны хатәгәаԥхарала Аԥсныҟа еибашьра ицоз рҭыхра ҳцар акәын. Убра сахьнеиз ауп раԥхьаӡа Гена Аламиа дахьызбаз. Иара ида уаанӡа аԥсуаа аӡәгьы сыздырӡомызт. Иара усҟан ииҳәаз ажәақәа ахааназ схаҿы иаанхоит - 12-ҩык рымацара аӷа итанкқәа рҟынтәи ацҳа шырыхьчоз. Нас дықәгылеит Џьохар Дудаев. Иара сиазҵааит: "Уаргьы уцома Аԥсныҟа?" ҳәа. Ааи иҳәеит иара. На сара гызмалрак ҟасҵеит. Аҩны снеин, сан ус ласҳәеит: "Ҳаҷкәынцәа хатәгәаԥхарала Аԥсныҟа рашьцәа ирыцхраарц еибашьра ицоит. Бгәы ишԥаанаго, ииашоума иҟарҵо?" - ҳәа. Ааи ҳәа салҳәеит сангьы. Уи акәын иагьысҭахыз. Амашьына слақәтәан, нанҳәа 19 рзы сҩызцәеи сареи Аԥсны ҳаицны ҳааит", - ҳәа игәалаиршәон Алхазур Сулеиманов Абаза ТВ аинтервиу анеиҭоз.Алхазур Сулеиманов Аԥсны раԥхьатәи ахада Владислав Арӡынба хаҭала дидыруан. Изныкымкәа иинтервиуқәа рҟны иҳәахьан Аԥсны Арӡынба иакәмызҭгьы иахагылаз, аибашьра алҵшәа зеиԥшрахарыз уаҩы ишизымдыруаз.Аԥсны Аџьынџьтәылатә еибашьраан Сулеиманов иааирԥшыз агәымшәаразы иреиҳаӡоу аҳәынҭқарратә хьӡы ихҵан - Аԥсны Афырхаҵа ҳәа.1999 шықәса инаркны Сулеиманов Гагра дынхон, иара агәра ганы дыҟан Аԥсны аибашьра аан адагьы, аҭынч ԥсҭазаараҿгьы ацхыраара шаҭаху.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Иԥсҭазаара далҵит хатәгәаԥхарала еибашьуаз Аԥсны Афырхаҵа Алхазур Сулеиманов
20:00 14.01.2022 (ирҿыцуп: 00:09 15.01.2022) Алхазур Сулеиманов - 1992 шықәса нанҳәа 19 рзы Аԥсныҟа раԥхьа хәатәгәаԥхарала иааз ҳашьцәа рыгәҭа дыҟан.
АҞӘА, ажьырныҳәа 14 - Sputnik. Иԥсҭазаара далҵит Чечентәылантәи хатәгәаԥхарала Аԥсны еибашьуаз, Аԥсны Афырхаҵа Алхазур Сулеиманов.
Аԥсны ахада Аслан Бжьаниа Сулеиманов иуацәеи иҭынхацәеи дрыдышшылеит.
"Гәалсра дула иҳадаҳкылеит Аԥсны Афырхаҵа Алхазур Сулеиманов иԥсҭазаара иалҵра. Ҳара зегь ҳзы ари даара ицәыӡ дууп. Алхазур Сулеиманов зажәеи зуси акырԥхылнадоз уаҩын. Ҳара уи ҳаҭыр ду иқәаҳҵон. Аԥсны ашьаарҵәыра ианҭагылаз игәы-ишьа ишиҵанаҳәоз еиԥш ашьха дхыҵны дааит иашьцәа дрыцхраарц. Уи алагьы иԥсҭазаара зегьы ҳара иҳадиҳәалеит. Алхазур Сулеиманов игәалашәара наӡаӡа аԥсуа жәлар ргәаҵаҿ иаанхоит", - ҳәа иануп адышшылара атекст аҿы.
Алхазур Сулеиманов диит Ҟазахсҭан 1959 шықәса рзы. 1968 шықәса рзы иҭаацәа Грозныиҟа нхара ҳәа ииасит.
Алхазур Сулеиманов - 1992 шықәса нанҳәа 19 рзы Аԥсныҟа раԥхьа хәатәгәаԥхарала иааз ҳашьцәа рыгәҭа дыҟан. Аибашьра ҟалаанӡа иара Грозныитәи ателехәаԥшра аиҳабы атехникатә хәҭазы ихаҭыԥуаҩс дыҟан. Аха имаҵуреи иусқәеи кажьны иашьцәа ршьа иурц дааит.
"Аибашьра ианалагаз хәашан, ҳара ателехәаԥшраҿы ҳаҟан, адырҩаҽны хатәгәаԥхарала Аԥсныҟа еибашьра ицоз рҭыхра ҳцар акәын. Убра сахьнеиз ауп раԥхьаӡа Гена Аламиа дахьызбаз. Иара ида уаанӡа аԥсуаа аӡәгьы сыздырӡомызт. Иара усҟан ииҳәаз ажәақәа ахааназ схаҿы иаанхоит - 12-ҩык рымацара аӷа итанкқәа рҟынтәи ацҳа шырыхьчоз. Нас дықәгылеит Џьохар Дудаев. Иара сиазҵааит: "Уаргьы уцома Аԥсныҟа?" ҳәа. Ааи иҳәеит иара. На сара гызмалрак ҟасҵеит. Аҩны снеин, сан ус ласҳәеит: "Ҳаҷкәынцәа хатәгәаԥхарала Аԥсныҟа рашьцәа ирыцхраарц еибашьра ицоит. Бгәы ишԥаанаго, ииашоума иҟарҵо?" - ҳәа. Ааи ҳәа салҳәеит сангьы. Уи акәын иагьысҭахыз. Амашьына слақәтәан, нанҳәа 19 рзы сҩызцәеи сареи Аԥсны ҳаицны ҳааит", - ҳәа игәалаиршәон Алхазур Сулеиманов
Абаза ТВ аинтервиу анеиҭоз.
Алхазур Сулеиманов Аԥсны раԥхьатәи ахада Владислав Арӡынба хаҭала дидыруан. Изныкымкәа иинтервиуқәа рҟны иҳәахьан Аԥсны Арӡынба иакәмызҭгьы иахагылаз, аибашьра алҵшәа зеиԥшрахарыз уаҩы ишизымдыруаз.
Аԥсны Аџьынџьтәылатә еибашьраан Сулеиманов иааирԥшыз агәымшәаразы иреиҳаӡоу аҳәынҭқарратә хьӡы ихҵан - Аԥсны Афырхаҵа ҳәа.
1999 шықәса инаркны Сулеиманов Гагра дынхон, иара агәра ганы дыҟан Аԥсны аибашьра аан адагьы, аҭынч ԥсҭазаараҿгьы ацхыраара шаҭаху.
