https://sputnik-abkhazia.info/20220118/akrizis-alrazy-amaa-auaazhlarrat-palatay-aitsazharaa-irytsyroit-1037188505.html

Акризис алҵразы амҩақәа: Ауаажәларратә палатаҿы аицәажәарақәа ирыцырҵоит

Акризис алҵразы амҩақәа: Ауаажәларратә палатаҿы аицәажәарақәа ирыцырҵоит

Sputnik Аҧсны

Ауаажәларратә палатаҿы аицәажәарақәа реихшьаалақәа инарықәыршәаны ауаажәларратә еиқәшаҳаҭразы адокумент адкылара азԥхьагәаҭоуп. 18.01.2022, Sputnik Аҧсны

2022-01-18T16:10+0300

2022-01-18T16:10+0300

2022-01-18T16:10+0300

аԥсны

ажәабжьқәа

https://cdnn1.img.sputnik-abkhazia.info/img/07e6/01/12/1037185608_0:0:1280:721_1920x0_80_0_0_4f7e3873d7a0844444b157f5c6ed92c1.jpg

АҞӘА, ажьырныҳәа 18 – Sputnik, Бадраҟ Аҩӡба. Аполитикатә партиақәа "Аԥсны акзаареи" "Аԥсны жәлар ракзаара афоруми" рхаҭарнакцәа Аԥсны ауаажәларратә Палата аҟны реиԥылара мҩаԥысит ажьырныҳәа 18 азы."Ауаажәларратә палата апартиақәа рхадацәа реилацәажәарақәа мҩаԥнагоит. Иахьа иаҳҭан "Аԥсны акзаара" ахантәаҩы Сергеи Шамба, "Аԥсны жәлар ракзаара афорум" ахада Аслан Барцыц. Уаанӡа "Амцахареи" "Аруааи" рнапхгара ҳарԥылеит. Иаҳҭахуп аполитикатә мчрақәа зегьы ҳрыҿцәажәар", - ҳәа лҳәеит Аԥсны ауаажәларратә Палата ахантәаҩы Гәыли Кьычԥҳа.Лара иазгәалҭеит, аиԥылараҿы ишырзааҭгылаз еиуеиԥшым азҵаарақәа, аицәажәара хра аманы ишылыԥхьаӡо. Ауснагӡатә алахәылацәа зегьы атәылаҿ аҭынчреи аҭышәынтәалареи ыҟазар рҭахуп ҳәа лҳәеит лара.Аполитикатә партиа "Аԥсны акзаара" ахантәаҩы Сергеи Шамба Апалата аԥшьгамҭа дшадгылаҩу иҳәеит."Иахьа атәыла аполитикатә мчрақәа реизыҟазаашьаҿы акризистә ҭагылазаашьа иалацәажәан, иҟаҵан ажәалагала Ауаажәларратә палата абри азҵаараҿы бжьаҟазара ауырц, ауаажәларратә еиқәшаҳаҭраз адокумент апроект азнархиарц. Ҳара иаҳҭахуп иҟазарц аиҿцәажәара", – иҳәеит Шамба.Аполитикатә партиа "Аԥсны жәлар ракзаара афорум" ахада Аслан Барцыц Ауаажәларратә палата аԥшьгамҭа ҭабуп ҳәа ахиҳәааит."Ауаажәларратә палата аҳәынҭқарра аҿаԥхьа иаду аҭакԥхықәра иазхәыцны абжьаҟазара аус ахахьы иагеит. Абри аганахь ала Апалата аусура конструктивтәуп, избанзар иара ахықәкыс иамоу аполитикатә партиақәеи амчреи реизааигәатәра ауп", - ҳәа иҳәеит иара.Иахьа атәылаҿ аполитика-економикатә ҭагылазаашьа уадаҩуп. Аганқәа зегьы иҟоу акризис ахысра рҭахуп ҳәа азгәеиҭеит Аслан Барцыц.Аџьынџьтәылатә еибашьара аветеранцәа руаажәларратә еиҿкаара "Амцахара" ахаҭарнакцәеи аветерантә еиҿкаара "Аруаа" ахаҭарнакцәеи Аԥсны ауаажәларратә Палата алахәылацәеи аԥхьатәи реиԥылара мҩаԥысит ажьырныҳәа 12 азы.

https://sputnik-abkhazia.info/20220112/asny-auaazhlarrat-palata-any-ialatsazheit-apolitikat-krizis-alshas-iaatu--1037121944.html

https://sputnik-abkhazia.info/20220113/ashyg-amtsakharei-aruaai-rkhaarnaktsa-reiylarazy-agyra-uzo-lshoup--1037134439.html

https://sputnik-abkhazia.info/20220112/akhra-bzhania-amila-eitsyrzeishu-aky-any-aitsaairoup-1037124344.html

2022

Ажәабжьқәа

ab_AB

ажәабжьқәа