Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Тамшь имҩаԥысуаз ашахматтә атурнир аҿы иаиааиз аицлабра игәаҿы ишаанхаз далацәажәеит

© Sputnik / Леон Адлейба Первый международный шахматный рапид-турнир
Первый международный шахматный рапид-турнир - Sputnik Аҧсны, 1920, 24.01.2022
Анапаҵаҩра
Раԥхьатәи жәларбжьаратәи ирццаку (рапид) ашахматтә турнир "Аԥсны. Тамшь-Village 2022" мҩаԥысуан ажьырныҳәа 22- 23 азы Тамшь ақыҭан.
АҞӘА, ажьырныҳәа 24 – Sputnik, Бадраҟ Аҩӡба. Атурнир "Аԥсны. Тамшь-Village 2022" аҭагылазаашьа маншәалақәа аманы имҩаԥысуан ҳәа арадио Sputnik иазеиҭеиҳәеит агроссмеистерцәа рыбжьара аиааира згаз Павел Смирнов.

"Аиԥыларақәа мҩаԥысуан амшын аԥшаҳәаҿы, аҭыԥ ссир аҿы. Ахәмаррақәа раан амшын абжьы ҳлымҳа иҭасуан. Ааигәа акаҳуажәырҭа аус ауан. Ианаҳҭахыз акаҳуа аажәуан ма какал ҳкуан. Аԥсны акырҵуан смааижьҭеи. 2009 шықәса рзы Пицундеи Гагреи сыҟан. Уатәи аԥшӡарақәа зегь сгәаԥхеит" , - иҳәеит иара.

Мрагыларатәи Аԥсны аҭыԥ ԥшӡарақәа рбаразы аамҭа шимамызгьы, асас иибаз-иаҳаз игәаԥхеит. Атурнир аҿы иҟан зындаҭлара мариамыз ахәмарыҩцәа.
"Рындаҭлара уадаҩын Голубев Савели, Луговскои Максим уҳәа жәларбжьаратәи аҟазацәа. Аиааира мариамызт. Сгәы иаанагон аԥхьатәи ахҩык срылашәоит ҳәа, аха аиааира сылшеит. Уи даара игәахәароуп", - ҳәа иҳәеит ашахматасыҩ.
Первый международный шахматный рапид-турнир - Sputnik Аҧсны, 1920, 24.01.2022
Аԥсны
Тамшьтәи адебиут: ашахматтә турнир аҿы иаиааизи аԥхьахәқәа згази
Тамшьтәи атурнир мҩаԥысуан ажьырныҳәа 22 - 23 рзы. Агроссмеистерцәа рыбжьара актәи аҭыԥ игеит Павел Смирнов, аҩбатәи - Миран Оганиан, ахԥатәи - Савели Голубев, аԥшьбатәи - Давид Закариан, ахәбатәи - Максим Луговскои. Зегьы урыстәылаа роуп.
Раԥхьатәи жәларбжьаратәи ирццаку (рапид) ашахматтә турнир "Аԥсны. Тамшь-Village 2022" аҿы аиааира згаз иранашьан ахраҿақәа, амедалқәа, аҳаҭыртә шәҟәқәа.
Аицлабра "Аԥсны.Тамшь-Village 2022" мҩаԥыргоит аспорт азы Аԥсны Аҳәынҭеилаки Аԥсны ашахмат азы Афедерациеи Аԥсны аҵареи абызшәатә политикеи рминистрра ацхыраара ала. Афинанстә цхыраара ҟарҵеит "Унив­ерсал банк", "Амобаи­л", Гәылрыԥшь араион ахадара.
Sputnik Аԥсны аинформациатә дгылара анаҭоит Жәларбжьаратәи атурнир "Аԥсны.Тамшь-Village 2022".
"Тамшь Village" - ари амшын аԥшаҳәаҿы игылоу 1000-ҩык зкуа ҳаамҭа иақәшәо коттеџьтә комплексуп, уи аргыларазы аинвестициақәа аланаҵеит урыстәылатәи атуристтә еилахәыра "Библио-Глобус". Иара аартын 2021 шықәса ԥхынгәымза алагамҭазы.
Первый международный шахматный турнир в Абхазии_АБХ - Sputnik Аҧсны, 1920, 22.01.2022
Аԥсны
Шахи мати: жәларбжьаратәи аицлабра "Аԥсны.Тамшь-Village 2022" раԥхьатәи амш
Ажәабжьқәа зегьы
0