Макрон: Европа ашәарҭадараз ак заҵәык иаҭаху аиҿцәажәара ауп

© Sputnik / Михаил Климентьев / Афотобанк ахь аиасраПрезидент РФ В. Путин принял участие в ПМЭФ - 2018
Президент РФ В. Путин принял участие в ПМЭФ - 2018 - Sputnik Аҧсны, 1920, 08.02.2022
Анапаҵаҩра
Yandex newsTelegram
Жәабран 7 азы ҩ-ҳәынҭқаррак ахадацәа Москва реиԥылараҿы иалацәажәеит Европа ашәарҭадаратә ҭагылазаашьа.
АҞӘА,жәабран 8 - Sputnik. Европа ашәарҭадаратә ҭагылазаашьа уацәшәартә иҟоуп, аиҿцәажәарақәа хымԥадатәиуп уаҟа аҭынчра ҟаларцаз ҳәа иҳәеит Франциа ахада Емманиуель Макрон Владимир Путин даниԥылоз.

"Иахьазы Европа иҟоу аҭагылазаашьа агәҭынчымра ҳнаҭоит. Убри азы ҳара зегьы ҭакԥхықәрала ҳхы мҩаԥаагалароуп", - ҳәа иҳәеит Франциаа рхада.

Урыстәылеи Мраҭашәаратәи атәылақәеи рыбжьара аиҿцәажәарақәа еицәахеит Украина аҭагылазаашьа инадҳәаланы. Киев изныкымкәа урыстәылатәи аган иахаранаҵахьан иара аҩнуҵҟатә усқәа ахы рыланагалоит ҳәа. Убри аан Москва уи мап ацәкны Украина ахара аднаҵон Минсктәи аиқәшаҳаҭрақәа ирықәныҟәом ҳәа.
Урыстәыла ААР Сергеи Лавров уаанӡа иҳәахьан ЕАА зхадараҿы иҟоу мраҭашәаратәи атәылақәа украинатәи ахада Владимир Зеленски рхы дадырхәоит Европа аибарххара аҟаҵаразы ҳәа.
Мраҭашәаратәи АИХқәа рҿы ицәырҵуа иалагеит Урыстәыла Украина ажәлара аҽазнархиоит ҳәа ацәажәарақәа.
Урыстәыла ААР ари ҟалашьа амамкәа иахәаԥшуеит. Атәыла ахада ипресс-маӡаныҟәгаҩ Дмитри Песков инаҵшьны иазгәеиҭеит НАТО атәылақәа Украина арратәии афинанстәии цхыраара ахьынӡарҭо урыстәылатәи аган ар иара аҵакыраҿ ауп иахьынеиҭаҵ ааиҭаҵуа ҳәа.
Президент РФ В. Путин принял участие в расширенном заседании коллегии Министерства иностранных дел - Sputnik Аҧсны, 1920, 14.01.2022
Лавров: НАТО-и ЕАА-и ашәарҭадаразы рҭак ҳазыԥшнаҵы ҳгәыҳҽануп
Ажәабжьқәа зегьы
0