Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

АИХқәа: Евроеидгыла урыстәылатәи аҳаиртә хеилакқәа рзы аҳауатә еимадара анаркит

© Sputnik / Александр Кряжев / Афотобанк ахь аиасраСамолёты в аэропорту Новосибирска
Самолёты в аэропорту Новосибирска - Sputnik Аҧсны, 1920, 27.02.2022
Анапаҵаҩра
Yandex newsTelegram
Европатәи атәылақәа жәпакы, хаҭала Словакиа, Литва, Румыниа, Чехиа, Польша урыстәылатәи аҳаиртә хеилакқәа рзы аҳауатә еимадара адыркит, Урыстәыла убас аҭак ҟанаҵеит.
АҞӘА, жәабран 27 – Sputnik. Евроеидгыла урыстәылатәи аҳаиртә хеилакқәа рзы аҳауатә еимадара анаркит, абри аәы аанацҳауеит РИА Новости берлинтәи ателеканал ARD ажәақәа шьаҭас иганы.

"Евроеидгыла урыстәылатәи аҳаиртә хеилакқәа рзы аҳауатә еимадара адыркит, абри атәы аинформациатә хыҵхырҭақәа рҟны ишьақәдырӷәӷәеит", - ҳәа Twitter аҟны иҩуан ARD ажурналист.

Уажәтәи аамҭазы урыстәылатәи аҳаиртә хеилакқәа рзы аҳауатә еимадара адыркит Словакиа, Литва, Румыниа, Чехиа, Польша. Ас еиԥш ашьаҿа шыҟанаҵо азы аҳәамҭа ҟанаҵеит Германиагьы. Росавиациа аԥкрақәа рҭак ҟаҵо арҭ атәылақәа иртәу аҳаиртә хеилакқәа рзы аҳауатә еимадара аркра иалагеит.
Жәабран 21 аза Урыстәыла ахада Владимир Путин инапы аҵаҩит Донецки Лугански жәлар рреспубликақәа рхьыԥшымра азхаҵаразы Аусԥҟа. Жәабран 24 азы ДЖәРи ЛЖәРи рнапхгара иҟарҵаз аҳәарала Донбасс аоперациа ҷыда иалагеит. Мраҭашәаратәи атәылақәа Урыстәылеи уи анапхареи рганахьала асанкциа ҿыцқәа аларгалеит.
США. - Sputnik Аҧсны, 1920, 23.02.2022
ЕАА Урыстәыла ихьыԥшым ауал асанкциақәа ақәнаҵеит
Аԥкра ҿыцқәа ирыҵаркит урыстәылатәи аҵәахырҭатә банкқәа-Сбербанк, ВТБ. Германиа агазцәаҳәа "Северный поток-2" асертификациа ааннакылеит. Британиа ду "Аерофлот" азы аҳауатә еимадара ааннакылеит.
Иара убас, ЕАА ЕА аҟны ирҳәоит абанктә система SWIFT ахархәара аԥкра алагалахоит ҳәа, аха макьаназы мраҭашәаратәи атәылақәа зегьы ари азҵааразы гәаанагарак еицрымам.
Урыстәылатәи анапхараҟны ирҳәеит аԥкра ҿыцқәа ҟалозар ҳәа аҽазыҟаҵара ишаҿыз, асанкциақәа ирыхҟьаны ауадаҩра иҭагылоу зегьы ацхыраара шрырҭо азы аҳәамҭа ҟарҵеит, иара убас Урыстәыла арҭ аԥкрақәа рҭак ҟанаҵоит.
Ажәабжьқәа зегьы
0