Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Алашара ахә ахызшәаауа быжьнызқьҩык рҟынӡа азинҷыда рымоуп

© Sputnik Лампочка
Лампочка  - Sputnik Аҧсны, 1920, 31.03.2022
Анапаҵаҩра
Yandex newsTelegram
Аԥсны аԥыза-министр ихаҭыԥуаҩ, аекономика аминистр Кристина Озган аилацәажәара мҩаԥылгеит Аԥсны хаз игоу атәылауаа ркатегориақәак афымцалашара ахәԥса ашәаразы азинҷыда змоу рызҵааразы.
АҞӘА, хәажәкыра 31 - Sputnik. Алашара ахәшәаразы 23-категориа ирыҵаркуа 7 225-ҩык рҟынӡа азинҷыда рыманы АУН "Амшынеиқәафымцамч" абазаҿы иарбоуп ҳәа аанацҳауеит Аекономика аминистрра асаит.
Иахьа Аԥсны аус зуа асистемала АУН "Амшынеиқәафымцамч" алагалақәа ирыҵанакуам азинҷыда змоу алашара ахархәаҩцәа ирымшәо аԥарақәа, урҭ аҳәынҭқарра иахьханамырҭәаауа азы ҳәа аҳәоит адырраҭараҿы.

"Аибашьра ашьҭахьтәи аамҭақәа рзы ахырхарҭақәа зегь рыла мааҭк арҭ азинҷыдақәа рцынхәрас аҳәынҭқарраҟынтә иаҳмоуцт. Ари иашам. Аҳәынҭқарра атәылауаа азинҷыда рнаҭозар, уи акала иханарҭәаароуп. Ҳара анхамҩатә ргыларақәа азинҷыдақәа рзы аҳәынҭқарратә хыдҵақәа ирыҵаҳҵеит шықәсыла ртарифқәа мԥсахуа. Уажәы иаабоит асистема аус шамуа", - ҳәа лҳәеит аилацәажәараҟны Аԥсны аԥыза-министр ихаҭыԥуаҩ, аекономика аминистр Кристина Озган.

Иҿырԥшуп: аррамаҵзурауаа азинҷыдақәа рыҭаразы атәыла ахада идҵа 25 шықәса раԥхьа, 1997 шықәсазы анапы шаҵаҩыз. Азинҷыда зҭоу абонентцәа рхыԥхьаӡареи иаланамгало аԥареи есышықәса ирызҳалоит азнеишьа ԥсахымхар ҳәа рҳәеит аусбарҭаҿы.
АУН афинанстә ҭагылазаашьа аҭышәныртәаларази альгота зҭатәу акатегориақәа рышьақәырӷәӷәарази аекономика аминистрра иазнархиеит анорматив-зинтә актқәа рахь аиҭакрақәа рзы ажәадгалақәа. Анорматив-зинтә актқәа рпроектқәа Аминистрцәа реилазаарахь ахәаԥшраз инагахоит хара имгакәа.
Алхас Чанба - Sputnik Аҧсны, 1920, 16.02.2022
Аԥсны
Ҷанба афымцамч ахархәара ахәԥҵәа аиҭакра далацәажәеит
Ажәабжьқәа зегьы
0