Бибилов ибжьы аиҭеит Аахыҵ Уаԥстәыла ахада иалхрақәа раан

© Sputnik / Томас ТхайцукАнатолий Бибилов
Анатолий Бибилов - Sputnik Аҧсны, 1920, 10.04.2022
Анапаҵаҩра
Yandex newsTelegram
Аахыҵ Уаԥстәыла ахада иалхрақәа мҩаԥысуеит амҽыша мшаԥы 10 рзы. Кандидатцәас иқәгылоуп хәҩык, уажәтәи ахада Анатоли Бибиловгьы дназлоу.
АҞӘА, мшаԥы 10 - Sputnik. Аахыҵ Уаԥстәыла уажәтәи ахада Анатоли Бибилов ибжьы аиҭеит атәыла ахада иалхрақәа рҿы, абри атәы аанацҳауеит Sputnik Аахыҵ Уаԥстәыла.
Цхинвал дахьынхо иацәыхарамкәа иҟоу алхратә ҭыԥ ахь иара днеит иҭаацәа иманы.
"Алхрақәа - ари ныҳәоуп, еиндаҭлараӡам. Уаанӡа иҟаз акәын аполитикатә еиндаҭлара. Иахьа Аахыҵ Уаԥстәыла ажәлар ԥхьаҟатәи аԥеиԥш алырхуеит. Дара рыгәҭакқәа назыгӡаша, ԥхьаҟа изгаша далырхуеит", - иҳәеит Бибилов.
Аахыҵ Уаԥстәыла Алхратә комиссиа хада адыррала, асааҭ 11 рзы 13,2 % ауаа рыбжьы арҭахьан, абжьыҭира ҭынчны имҩаԥысуеит.
Бибилов ида атәыла ахадарахьы иқәгылоуп апарламент адепутатцәа Гарри Мулдарови Александр Плиеви, апарламенттә партиа "Ныхас" ахантәаҩы Алан Гаглоев, уаанӡатәи адепутат Дмитри Тасоев.
Избирательные участки в Сухуме  - Sputnik Аҧсны, 1920, 10.04.2022
Аԥсны
Аԥсны иҟоу Аахыҵ Уаԥстәыла Ацҳаражәҳәаҩ Аҟәа иаарту алхратә ҭыԥ аусушьа далацәажәеит
Алхрақәа рыҽны иаартуп алхратә ҭыԥқәа 76, урҭ рахьтә 72 - Аахыҵ Уаԥстәыла, ҩба - Владикавказ, акака - Москвеи Аҟәеи. Зынӡа икьыԥхьуп 40 нызқь биуллетень.
Ажәабжьқәа зегьы
0