Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны анаркотикқәа рыҭиразы гәҩарас ишьҭыхны гәыԥҩык аҳәаанырцәуаа аанкылоуп

© Sputnik / Томас Тхайцук Машины милиции Абхазии
Машины милиции Абхазии  - Sputnik Аҧсны, 1920, 01.05.2022
Анапаҵаҩра
Yandex newsTelegram
Узбекисҭани Кырӷызсҭани ртәылауаа аанкылан мшаԥы 19 рзы, урҭ рахьтә ҩыџьа анаркотикатә маҭәашьарқәа рыдырбалеит.
АҞӘА, лаҵара 1 - Sputnik. Аҟәатәи ақалақьтә ӡбарҭа аӡбара аднакылеит мҽхакы ҭбаала анаркотикатә маҭәашьарқәа реикәыршаразы гәҩарас ишьҭырхыз еиҿкааз агәыԥ алахәылацәа раанкыларазы, абри атәы аанацҳауеит Аҟәатәи аӡбарҭа асаит.
Еиҿкаау агәыԥ шьақәгылоуп Кырӷызсҭан атәылауаа Арууке Руслан Кызыи Гульмира Жоошбаевеи, Узбексиҭан атәылауаа Камронмирзо Турсункулови Саидолимхон Усмонови.
Заанаҵтәи ашьаусԥшаара агәаанагарала, дара анаркотикқәа реикәыршаразы еиуеиԥшым ахырхарҭақәа рхы иадырхәон, амилаҭбжьаратә еимадарақәагьы налаҵаны, дара уи ала хықәкыс ирыман анаркотикқәа изакәанымкәа реикәыршара, ацәгьоура бааԥсқәа рыҟаҵара.
Аҟәатәи ақалақьтә ӡбарҭа аӡбаҩ Милана Џьынџьалԥҳа Арууке Руслан Кызыи Гульмира Жоошбаевеи аанкылазарц лыӡбеит рашәарамза 13 2022 шықәса рҟынӡа.
Камронмирзо Турсункулови Саидолимхон Усмонови рганахьала аӡбаҩ Леуарса Багаҭелиа иӡбеит иаанкылазарц рашәарамза 13 2022 шықәса рҟынӡа.
Уаанӡа Турсункулови Усмонови азинхьчаҩцәа ирымырхит апсихотроптә маҭәашьар, уи агероин акәын. Арууке Руслан Кызы илыдбалан 22 грамм инареиҳаны аметадон.
Зеиԥшла иаанкылаз рызегь ирыдбалаз аметадон 197 грамм иҟан, агероин – 18,5 грамм.
Служба госбезопасности Абхазии - Sputnik Аҧсны, 1920, 20.04.2022
Аԥсны
Узбекистани Кыргызстани ртәылауаа Аԥсны анаркотикқәа аладырҵәоит ҳәа иаанкылоуп
Ажәабжьқәа зегьы
0