Аԥсны ААР ПМР-ҟа адышшылара нанашьҭит Бендертәи арыцҳара 30 шықәса ахыҵра инамаданы

© Sputnik / Томас Тхайцук Лого МИДа Абхазии
Лого МИДа Абхазии - Sputnik Аҧсны, 1920, 19.06.2022
Анапаҵаҩра
Yandex newsTelegram
Рашәара 19 1992 шықәса рзы молдавиатәи амчрақәа "аконституциатә зинеиҿкаара" ашьақәыргыларазы ақалақь ижәыланы иааныркыларц иаԥшьыргеит.
АҞӘА, рашәара 19 - Sputnik. Аԥсны Адәныҟатәи аусқәа рминистрра Приднестровие-Молдавиатәи Ареспублика Адәныҟатәи аусқәа рминистррахь адышшылара нанашьҭит Бендеры ақалақь аҿы иҭахаз ауаа Ргәалашәара амш 30 шықәса ахыҵра инамаданы.
"1992 шықәсазтәи аԥхынразы иҟалаз ашьаарҵәыратә хҭысқәа наунагӡа имӷьо хьааны приднестровиатәи ажәлар ргәаҵаҿ инхоит. Гәалсрала ҳрыдышшылоит зыуацәеи згәакьацәеи зцәыӡыз зегьы, Зыԥсадгьыл зхы ақәызҵаз аҵеицәа ргәалашәара аҿаԥхьа ҳхырхәоит", - ҳәа ануп адырраҭараҿы.
Рашәара 19 1992 шықәса рзы молдавиатәи амчрақәа "аконституциатә зинеиҿкаара" ашьақәыргыларазы ақалақь ижәыланы иааныркыларц иаԥшьыргеит.
Ақалақь амҩақәа рҿы бџьаршьҭыхлатәи аиҿагыларақәа 30 мшы инареиҳаны ицон. Ақалақь аиҳабыра иҟарҵаз адыррақәа рыла, усҟан иҭахеит 489-ҩык ауааԥсыра, 132-ҩык аҭынч нхацәеи хәҩык ахәыҷқәеи, 1 242-а ахәрақәа роуит, 87-ҩык хабарда ибжьаӡит. Рыҩнқәа ааныжьны ихҵәеит 100 нызқьҩык рҟынӡа ауаа.
Ақалақь аҿы еилаԥыххаан 1 280 нхарҭа ҩны, аҵараиурҭақәа 19, ахәшәтәырҭақәа 15, ааглыхратә наплакқәа 46.
Ажәабжьқәа зегьы
0