Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Абоксиор Харитон Агрба даиааит "Аинтерконтиненталтә храҿа" афинал аҿы

 Харитон Агрба - Sputnik Аҧсны, 1920, 26.06.2022
Анапаҵаҩра
Yandex newsTelegram
Аҵыхәтәантәи аиԥылараҿы еиԥылеит агәыԥтә стадиаҿы иреиӷьыз акомандақәа ҩба - Урыстәылеи Азиеи ркомандақәа, урҭ актәи аетап аан ириааит Африкеи Америкеи ркомандақәа.
АҞӘА, рашәара 26 - Sputnik. Урыстәыла ахьӡала иқәгыло аԥснытәи аспортсмен Харитон Агрба аиааира игеит Узбекситанынтәи абоксиор Бобо-Усмон Батуров иҟны "Аинтерконтиненталтә храҿа" асуперфинал аан амҽыша рашәара 26 рзы Москва.
Агрба даиааит аӡбаҩцәа ԥшь-раундк рылҵшәақәа ианеихыршьала ашьҭахь. Уажәшьҭа ԥшьынтәуп иара "Аинтерконтиненталтә храҿа" аҿы даиааиуеижьҭеи.
Аҵыхәтәантәи аиԥылараҿы еиԥылеит агәыԥтә стадиаҿы иреиӷьыз акомандақәа ҩба - Урыстәылеи Азиеи ркомандақәа, урҭ актәи аетап аан ириааит Африкеи Америкеи ркомандақәа. Харитон Агрба данаиааиз ашьҭахь афинал аҿы 1:1 ҳәа аиҭахара ҟалеит. Аицлабрақәа ирыцҵан. Афинал алҵшәақәа рыла, "Аинтерконтиненталтә храҿа" аҟны 4:1 ҳәа аиааира агеит Урыстәыла акоманда.
Атурнир арегламент ала, акомандақәа зегьы ирылахәын зыкапан еиуеиԥшымыз аспортсменцәа: 63 килограмм рҟынӡа, 68 килограмм рҟынӡа, 75 килограмм рҟынӡа, 80 килограмм рҟынӡа, 90 килограмм рҟынӡа. Аиқәԥара аформула - хԥа-хԥа минуҭ иҟоу ԥшь-раундк.
Харитон Агрба – Аԥснытәи аспортсмен, Урыстәылатәи Афедерациа абираҟ даҵагыланы дықәԥоит, жәларбжьаратәи акласс аспорт азҟаза. Атитулқәа WBA Fedecaribe, WBA Continetal, IBF European имоуп, 2019 шықәса раахыс апрофессионалтә ринг аҿы дықәгылоит: зныкгьы даҵамхацт, хә-еиԥыларак рҟны нокаутла даиааихьеит.
Ажәабжьқәа зегьы
0