https://sputnik-abkhazia.info/20220730/aarauaa-eilyrkaait-aati-abaay-irshaaz-abzarbzan-zaku-1040608896.html
Аҵарауаа еилыркааит Аҟәатәи абааҿы иарбан бзарбзану ирԥшааз
Аҵарауаа еилыркааит Аҟәатәи абааҿы иарбан бзарбзану ирԥшааз
Sputnik Аҧсны
Ари аҩыза аԥшаахқәа Аԥсны уаанӡа ирымԥыхьашәаӡацызт, аиԥш зеиԥшу абзарбзанқәа ыҟоуп Махачкалеи Санкт-Петербурги. 30.07.2022, Sputnik Аҧсны
2022-07-30T18:06+0300
2022-07-30T18:06+0300
2022-07-30T18:10+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e6/07/1e/1040609132_42:0:2559:1416_1920x0_80_0_0_3bebff8d84a7d1d9aa0a146dbf9d40db.jpg
АҞӘА, ԥхынгәы 30 - Sputnik, Сариа Кәарцхьиаԥҳа. Аҵарауаа еилыркааит Аҟәатәи абааҿы ирԥшааз абзарбзан закәу, абри атәы Sputnik акорреспондент даниацәажәоз илеиҳәеит аҭоурыхтә факультет адекан, аҭоурыхтә ҭҵаарадыррақәа ркандидат Алик Габелиа.Иара иажәақәа рыла, зыхгәыцә дуу абзарбзан XIX ашәышықәса азбжа иаҵанакуеит. Иара амодель иахьӡуп "Аџьынџьтәылатә ма аурыс ԥышәаратә абомбатә аҟәаратә бзарбзан" ("Отечественная или русская 3-пудовая опытная бомбовая береговая пушка"). Ианхысуа ахылҳәа наӡоит 2,5 километра анаӡаранӡа. Ари аҩыза абзарбзан Урыстәылатәи аимпериа арбџьармчқәа ирылан.Ари аҩыза амаҭәар Аԥсны ирԥыхьамшәаӡацызт. Аиԥш зеиԥшу артефактқәа ықәыргылоуп Махачкалеи Санкт-Петербурги рмузеиқәа рҿы.Абзарбзан макьана адгьыл иҵрымхӡацт. Аԥснытәи археологцәа аволонтиорцәа рыцырхырааны ажрақәа ирыцырҵоит. Аха, Алик Габелиа иажәақәа рыла, ирымоу ацхыраара рызхаӡом."Ари абзарбзан аҵхразы амч рацәаны иаҭахуп. Иара даара ихьанҭоуп, тоннак аҟара акапануеит. Иҷыдоу атехникагьы аҭаххоит", - иҳәеит аҵарауаҩ.Абзарбзан ыҵхны ианҭырҵаалак ашьҭахь, артефакт Аҟәатәи абаа аҵакыраҿы идыргылар ҟалап. Ари аҭыԥ аҿы, Габелиа иажәақәа рыла, иаарту ажәҩан аҵаҟа амузеи аадыртып ҳәа ргәы иҭоуп.Аҟәатәи абааҿы ажрақәа мҩаԥнагоит Аԥснытәи аҳәынҭқарратә университет мызкы еиҳаны. Раԥхьа иара астудентцәа рыпрактика аҳасабала имҩаԥысуан, анаҩс аԥсуа археологцәа ҿарацәеи аволонтиорцәеи рҽадыркылеит. Абаа аҵакыраҿы ирԥшаахьеит зыхгәыцә хәыҷу абзарбзан ианаало ахылҳәақәа 100 цырак инареиҳаны, акыцлых, аҭырқәа ҭаҭынжәыгақәа.
https://sputnik-abkhazia.info/20220730/xix-ashyshysa-abzarbzan-akzar-aloit-arkheologtsa-aati-abaay-irshaaz-1040605412.html
https://sputnik-abkhazia.info/20220718/1040328328.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Аҵарауаа еилыркааит Аҟәатәи абааҿы иарбан бзарбзану ирԥшааз
18:06 30.07.2022 (ирҿыцуп: 18:10 30.07.2022) Ари аҩыза аԥшаахқәа Аԥсны уаанӡа ирымԥыхьашәаӡацызт, аиԥш зеиԥшу абзарбзанқәа ыҟоуп Махачкалеи Санкт-Петербурги.
АҞӘА, ԥхынгәы 30 - Sputnik, Сариа Кәарцхьиаԥҳа. Аҵарауаа еилыркааит Аҟәатәи абааҿы ирԥшааз абзарбзан закәу, абри атәы Sputnik акорреспондент даниацәажәоз илеиҳәеит аҭоурыхтә факультет адекан, аҭоурыхтә ҭҵаарадыррақәа ркандидат Алик Габелиа.
Иара иажәақәа рыла, зыхгәыцә дуу абзарбзан XIX ашәышықәса азбжа иаҵанакуеит. Иара амодель иахьӡуп "Аџьынџьтәылатә ма аурыс ԥышәаратә абомбатә аҟәаратә бзарбзан" ("Отечественная или русская 3-пудовая опытная бомбовая береговая пушка"). Ианхысуа ахылҳәа наӡоит 2,5 километра анаӡаранӡа. Ари аҩыза абзарбзан Урыстәылатәи аимпериа арбџьармчқәа ирылан.
"Излаҳдыруа ала, Аҟәатәи абаа аурысцәеи аҭырқәцәеи акыршықәса еимаркуан. Убас, аурысцәа шьҭахьҟа ианхьаҵуаз знык ари абзарбзан жны ирҵәахит", - иҳәеит Габелиа.
Ари аҩыза амаҭәар Аԥсны ирԥыхьамшәаӡацызт. Аиԥш зеиԥшу артефактқәа ықәыргылоуп Махачкалеи Санкт-Петербурги рмузеиқәа рҿы.
Абзарбзан макьана адгьыл иҵрымхӡацт. Аԥснытәи археологцәа аволонтиорцәа рыцырхырааны ажрақәа ирыцырҵоит. Аха, Алик Габелиа иажәақәа рыла, ирымоу ацхыраара рызхаӡом.
"Ари абзарбзан аҵхразы амч рацәаны иаҭахуп. Иара даара ихьанҭоуп, тоннак аҟара акапануеит. Иҷыдоу атехникагьы аҭаххоит", - иҳәеит аҵарауаҩ.
Абзарбзан ыҵхны ианҭырҵаалак ашьҭахь, артефакт Аҟәатәи абаа аҵакыраҿы идыргылар ҟалап. Ари аҭыԥ аҿы, Габелиа иажәақәа рыла, иаарту ажәҩан аҵаҟа амузеи аадыртып ҳәа ргәы иҭоуп.
Аҟәатәи абааҿы ажрақәа мҩаԥнагоит Аԥснытәи аҳәынҭқарратә университет мызкы еиҳаны. Раԥхьа иара астудентцәа рыпрактика аҳасабала имҩаԥысуан, анаҩс аԥсуа археологцәа ҿарацәеи аволонтиорцәеи рҽадыркылеит. Абаа аҵакыраҿы ирԥшаахьеит зыхгәыцә хәыҷу абзарбзан ианаало ахылҳәақәа 100 цырак инареиҳаны, акыцлых, аҭырқәа ҭаҭынжәыгақәа.
