https://sputnik-abkhazia.info/20221029/abi-aatsei-nikala-khagysh-ikhsharei-iarei-rourykh-1042171496.html
"Аби аԥацәеи": Никәала Хагәышь ихшареи иареи рҭоурых
"Аби аԥацәеи": Никәала Хагәышь ихшареи иареи рҭоурых
Sputnik Аҧсны
Аԥсны егьараан аҭоурыхтә цәқәырԥақәа ирыгәҭылак иаман. Уи иахәланарӡуан шәҩыла ҳажәлар рхаҭарнакцәа. Баша-машагьы ракәмызт, атәыла уаҵәтәи аԥеиԥш знапы... 29.10.2022, Sputnik Аҧсны
2022-10-29T15:20+0300
2022-10-29T15:20+0300
2022-10-29T23:12+0300
аналитикеи аиҿцәажәарақәеи
https://cdnn1.img.sputnik-abkhazia.info/img/07e6/0a/15/1042175632_0:167:891:668_1920x0_80_0_0_fa834d0fddd7a37ca73709b48bce693e.jpg
Аԥсны егьараан аҭоурыхтә цәқәырԥақәа ирыгәҭылак иаман. Уи иахәланарӡуан шәҩыла ҳажәлар рхаҭарнакцәа. Баша-машагьы ракәмызт, атәыла уаҵәтәи аԥеиԥш знапы ианылараны иҟаз аҵеицәа хьӡырҳәагақәа ҳацәнарӡуан. Иахьатәи сажәабжь рызкуп Бзыԥҭа аҳабла иалҵыз аби аԥацәеи Хагәшьаа. Аамҭа кьаҿ иалагӡаны аҭаацәара иацәыӡуеит аҩнаҭа ашьаҟақәа. Аҭоурых анҵоуп дара ирхылҵышьҭроу Мирена Хагәшьԥҳа лажәақәа рыла.Саида Жьиԥҳа, SputnikБзыԥҭа аҳаблан хатә џьабаала инхоз, ахшара рацәа раб Никәала Осман-иԥа Хагәышь уаҩы диԥырхагамызт. Цәгьарак идырбалахьан ҳәа цәажәаракгьы аӡәы имаҳацыз, аха Сталини Бериеи рполитика имҩаԥнагоз арепрессиатә аамҭақәа раан ажәлар раӷа ҳәа ддырӡит. Никәала иқәрагьы маҷмызт, аха асабицәа зымшаҭоз иара дрыцҳаршьозма. Абырг фҩык аԥацәа драбын. Иара данҭаркуаз иԥеиҳабы Лемца 27 шықәса ихыҵуан. Гал араион қыҭак аҟны ақыҭсовет ахантәаҩыс аус иуан. Аб харада ахара идҵаны ддырӡит ҳәа игәырҩоз аҭаацәа наҟ-наҟ ирзыԥшын иҵегь арыцҳарақәа. 1941 шықәсазы иалаго Аџьынџьтәылатәи аибашьра Ду ахь еиҳабы-еиҳабыла Николаи иԥацәа аарыԥхьоит. Раԥхьа дцоит Лемца, уи ишьҭагыланы Цикор ҳәа зарҳәоз Григори, Ҭаҭар ҳәа ашәҟәы ианыз рашьеи, убас Максими. Аиҵбацәа Георгии Шоҭеи рықәра аҵанакӡомызт аҟнытә аҩны инхеит."Санду Шьакәа Зыхәԥҳа лԥацәа аибашьра ианырга ашьҭахь амыткәма ҳәо аҩны дыҩнан. Есыҽны адәыӷбаанҿасырҭахь дцон, ишԥамаари ҳәа. Ан лцәалашәарақәа ҽеимызт аҟнытә, лгәы дартәомызт. Аибашьра анеилга, ихынҳәыз Максим заҵәык иоуп. Лемца хабарда дыбжьаӡоит, Ҭаҭар дымшынуаҩын, дызҭаз аӷба афашистцәа Керч иӡаадырҟәрылеит. Григори Германиа дҭахеит аиааира мчыбжьқәак шагыз. Уи еилкаахеит шықәсқәак раԥхьа аинтернет ала. Джуп иара ақалақь Бад-Мускау азааигәара иҟоу ақыҭа Линденхаин", - лҳәеит Николаи имаҭа Мирена Хагәшьԥҳа.Аибашьрахь ицаз аишьцәа рахьтә Максим далахәын Кавказ ахьчара. Иара илшеит аӷацәа рҳаирплангьы аҭархара. Ҩынтә ӷәӷәала дхәын. Максим аҳамҭа ианашьаразы акомандаҟаҵара ашәҟәы ршьҭхьан Сталин иахь. Аха инапаҟынӡа иԥсы ахьынӡаҭаз имааит. Аҭаацәа алацәажәара рҭахымхеит, аха Максим ирҭараны иҟаз амедал ҽаӡәы итәитәит.Лемца афронт ахь даныршьҭуаз дҭаацәаран, аԥеи аԥҳаи иман, аха аҷкәын ачымазара иахырҟьаны дшыхәҷыз иԥсҭазаара далҵит. Ҭаҭар иакәзар, амшынтә флот аҿы командаҟаҵаҩс имаз аурыс иԥҳа диразҟхеит. Урҭ аԥҳа дырхылҵит, аха ларгьы лықәра шмаҷӡаз лыдунеи лыԥсахит. Германиа иҭахаз Григори дҭаацәараӡамызт. Николаи егьырҭ зыԥсы ҭаны инхаз иԥацәа анцәа иџьшьаны аизҳара роуит.Аҷкәынцәа ран Шьакәа Зыхәԥҳа абриаҟара агәаҟрақәа шылхылгазгьы, ҳазшаз ақәра ду лиҭеит. Анду еиҵагылаз лмаҭацәа рыла лгәы лҟажеит.
https://sputnik-abkhazia.info/20221022/aibashra-du-ibzhanatyz-aslan-agba-isy-sheikhaz-iazkny-1042171689.html
https://sputnik-abkhazia.info/20220604/ilshaz-ratsoup-ayntylat-eibashra-du-aveteran-msas-chykbar-ieibashrat-ma-1039307780.html
https://sputnik-abkhazia.info/20220509/dakheit-a-ashy-aakhan-arzaabei-smyr-ieibashrat-nysyma-1039000156.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи
аналитикеи аиҿцәажәарақәеи
Аԥсны егьараан аҭоурыхтә цәқәырԥақәа ирыгәҭылак иаман. Уи иахәланарӡуан шәҩыла ҳажәлар рхаҭарнакцәа. Баша-машагьы ракәмызт, атәыла уаҵәтәи аԥеиԥш знапы ианылараны иҟаз аҵеицәа хьӡырҳәагақәа ҳацәнарӡуан. Иахьатәи сажәабжь рызкуп Бзыԥҭа аҳабла иалҵыз аби аԥацәеи Хагәшьаа. Аамҭа кьаҿ иалагӡаны аҭаацәара иацәыӡуеит аҩнаҭа ашьаҟақәа. Аҭоурых анҵоуп дара ирхылҵышьҭроу Мирена Хагәшьԥҳа лажәақәа рыла.
Бзыԥҭа аҳаблан хатә џьабаала инхоз, ахшара рацәа раб Никәала Осман-иԥа Хагәышь уаҩы диԥырхагамызт. Цәгьарак идырбалахьан ҳәа цәажәаракгьы аӡәы имаҳацыз, аха Сталини Бериеи рполитика имҩаԥнагоз арепрессиатә аамҭақәа раан ажәлар раӷа ҳәа ддырӡит. Никәала иқәрагьы маҷмызт, аха асабицәа зымшаҭоз иара дрыцҳаршьозма.
Абырг фҩык аԥацәа драбын. Иара данҭаркуаз иԥеиҳабы Лемца 27 шықәса ихыҵуан. Гал араион қыҭак аҟны ақыҭсовет ахантәаҩыс аус иуан. Аб харада ахара идҵаны ддырӡит ҳәа игәырҩоз аҭаацәа наҟ-наҟ ирзыԥшын иҵегь арыцҳарақәа. 1941 шықәсазы иалаго Аџьынџьтәылатәи аибашьра Ду ахь еиҳабы-еиҳабыла Николаи иԥацәа аарыԥхьоит. Раԥхьа дцоит Лемца, уи ишьҭагыланы Цикор ҳәа зарҳәоз Григори, Ҭаҭар ҳәа ашәҟәы ианыз рашьеи, убас Максими. Аиҵбацәа Георгии Шоҭеи рықәра аҵанакӡомызт аҟнытә аҩны инхеит.
"Санду Шьакәа Зыхәԥҳа лԥацәа аибашьра ианырга ашьҭахь амыткәма ҳәо аҩны дыҩнан. Есыҽны адәыӷбаанҿасырҭахь дцон, ишԥамаари ҳәа. Ан лцәалашәарақәа ҽеимызт аҟнытә, лгәы дартәомызт. Аибашьра анеилга, ихынҳәыз Максим заҵәык иоуп. Лемца хабарда дыбжьаӡоит, Ҭаҭар дымшынуаҩын, дызҭаз аӷба афашистцәа Керч иӡаадырҟәрылеит. Григори Германиа дҭахеит аиааира мчыбжьқәак шагыз. Уи еилкаахеит шықәсқәак раԥхьа аинтернет ала. Джуп иара ақалақь Бад-Мускау азааигәара иҟоу ақыҭа Линденхаин", - лҳәеит Николаи имаҭа Мирена Хагәшьԥҳа.
Аибашьрахь ицаз аишьцәа рахьтә Максим далахәын Кавказ ахьчара. Иара илшеит аӷацәа рҳаирплангьы аҭархара. Ҩынтә ӷәӷәала дхәын. Максим аҳамҭа ианашьаразы акомандаҟаҵара ашәҟәы ршьҭхьан Сталин иахь. Аха инапаҟынӡа иԥсы ахьынӡаҭаз имааит. Аҭаацәа алацәажәара рҭахымхеит, аха Максим ирҭараны иҟаз амедал ҽаӡәы итәитәит.
Лемца афронт ахь даныршьҭуаз дҭаацәаран, аԥеи аԥҳаи иман, аха аҷкәын ачымазара иахырҟьаны дшыхәҷыз иԥсҭазаара далҵит. Ҭаҭар иакәзар, амшынтә флот аҿы командаҟаҵаҩс имаз аурыс иԥҳа диразҟхеит. Урҭ аԥҳа дырхылҵит, аха ларгьы лықәра шмаҷӡаз лыдунеи лыԥсахит. Германиа иҭахаз Григори дҭаацәараӡамызт. Николаи егьырҭ зыԥсы ҭаны инхаз иԥацәа анцәа иџьшьаны аизҳара роуит.
Аҷкәынцәа ран Шьакәа Зыхәԥҳа абриаҟара агәаҟрақәа шылхылгазгьы, ҳазшаз ақәра ду лиҭеит. Анду еиҵагылаз лмаҭацәа рыла лгәы лҟажеит.
