Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсныҟа иааит Ҟрым аспорт азы аминистрра аделегациа

© Sputnik / Томас Тхайцук Круглый стол о сотрудничестве в сфере физической культуры и спорта между Республикой Абхазия и Республикой Крым
Круглый стол о сотрудничестве в сфере физической культуры и спорта между Республикой Абхазия и Республикой Крым - Sputnik Аҧсны, 1920, 12.12.2022
Анапаҵаҩра
НовостиTelegram
Ҟрымтәи аделегациа Аҟәа аспорттә ргыларақәа – астадион "Динамо", Ареспубликатә стадион, Ареспубликатә хәыҷы-қәыԥштә спортшкол ирҭаараны иҟоуп.
АҞӘА, ԥхынҷкәын 12 – Sputnik, Бадраҟ Аҩӡба. Аҿари аспорти рзы Аԥсны Аҳәынҭқарратә еилакы ахаҭарнакцәеи Ареспублика Ҟрым аспорт азы аминистрра ахаҭарнакцәеи реиԥылара мҩаԥысит ԥхынҷкәын 12 рзы.
"Шәара ҳара иаҳзааигәоу, иаҳҩызоу республикоуп. Ҳара иҳалшо зегь ҟаҳҵалоит ҳаиԥыларақәа наҟ-ааҟгьы иаҳзыфеидо, ԥхьаҟатәи абиԥарақәа ирзеиӷьхаша алҵшәақәа аарышьҭларц", - лҳәеит Аҿари аспорти рзы Аԥсны Аҳәынҭқарратә еилакы ахантәаҩы аамҭала инапынҵақәа назыгӡо Мадина Воуԥҳа.
Ареспублика Ҟрым аспорт азы аминистр Ольга Торубарова ҭабуп ҳәа ахылҳәааит еиҿкаау аиԥылараз.
"Иахьатәи аамҭазы аспорт аҿы еиԥш егьырҭ аусхкқәа рҟынгьы жәларбжьаратәи аизыҟазаашьақәа акыр рыҵаркуеит. Раԥхьа иргыланы аҭынчра аиҿкааразы. Ари иахьа анапхгараҿы иҟоу ауаа ирус хаданы ишьоуп", - ҳәа лҳәеит лара.
Торубарова иара убасгьы иазгәалҭеит аделегациа Аԥсныҟа ишааз аиҩызаратә еизыҟазаашьақәа, еиҵагыло абиԥарақәа рыспорттә ааӡара рырҿиара алыршаразы.
Джемал Губаз - Sputnik Аҧсны, 1920, 07.12.2022
Аԥсны
Аҿари аспорти русқәа рзы Аҳәынҭеилакы аиҳабы Џьемал Гәбаз имаҵзураҟынтәи ихы дақәиҭтәуп
Аиԥылараан Аҳәынҭеилакы аспорт аҟәша аиҳабы Жанна Занҭариаԥҳа иазгәалҭеит аспорт аҿиаразы Аԥсны атрадициа дуқәа шамоу, ареспублика ишааӡаз иналукааша аспортсменцәа, аолимпиатә чемпионцәагьы налаҵаны.
"Рыӡбахә мҳәакәа узрывсуам аолимпиатә чемпионцәа – Дорохов, Лиугаило, ахаан иаҳхамшҭуа Виктор Санеев, Саида Гәынԥҳа уҳәа егьырҭ ҳахьӡырҳәагақәагьы. Ҳаспорт ҩ-аамҭакны аҽеихнашоит: "СССР аныҟази" "СССР анхыбгалеи" ҳәа. 30 шықәса ҵуеит ҳаибашьра еилгеижьҭеи. Иара убриаҟара ҵуеит ҳаспорт ашьҭыхра ҳҽазаҳшәоижьҭеи", - ҳәа лҳәеит лара.
Аибашьра анырра бааԥс шанаҭазгьы аспорт аҿиара Аԥсны иамоуп аихьӡарақәа маҷымкәа, Денис Царгәыш иолимпиатә медал еиԥшқәоу ҳәа лҳәеит Занҭариаԥҳа.
Ажәабжьқәа зегьы
0