Урыстәыла аквотақәа рыла аҵараҵаразы арзаҳалқәа рыдкылара иалагеит
© Sputnik / Томас Тхайцук
Анапаҵаҩра
АҞӘА, жьҭаара 8 - Sputnik. Россотрудничество Урыстәыла анапхгара иаԥнаҵаз аквота аҳәаақәа ирҭагӡаны аҳәаанырцәтәи атәылауааи аџьынџьуааи рҟынтәи арзаҳалқәа рыдкылара иалагеит.
Аԥсны иҟоу Россотрудничество Ахаҭарнакра излаанацҳауала аԥснытәи абитуриентцәа рзы 110 квота азоужьуп.
2025-2026 шықәсазы адкылара ауснагӡа инақәыршәаны, аквотақәа абарҭ ахырхарҭақәа рыла еихшоуп:
акомпиутертәи аинформациатәи аҭҵаарақәа, акомпиутертәи аҳасабра, аинформациатә шәарҭадара – 10;
Адгьылҭҵаареи абиологиатә ҭҵаарақәеи – 2;
архитектура, адизаин – 4;
аргыларатә техникеи атехнологиеи – 5;
аелектроника, арадионџьныри акоммуникациатә системақәеи, амеханикатә нџьныри – 7;
аекономика – 1;
авиациа – 24;
амедецина – 11;
аҳазалхратә ус – 5;
аихамҩа – 22;
Акультура Аминистрра ала аҟазаратә занааҭқәа - 3;
АИХ-и аинформациа-библиотекатә уси – 3;
аҵареи апедагогикатә ҭҵаарақәеи – 3;
абызшәадырреи алитератураҭҵаареи – 3;
аспирантура – 12;
аординатура – 6;
аԥышәахысра – 8;
амагистратура – 4.
Урыстәыла иреиҳау аҵараиурҭақәа рҿы хәыда-ԥсада аҵара аиура аиндаҭлараз акандидатцәа азҵаабӷьыц-рзаҳалқәа хадырҭәаароуп.
Ахаҭарнакра аусуратә мшқәа рзы аилацәажәарақәа мҩаԥнагоит асааҭ 15:00 - 16:00 рзы Аҟәатәи аофис аҿы (аинрал Дбар имҩа, 3).
