https://sputnik-abkhazia.info/20241228/asyshala-itsazheit-agaze-avangard-asua-sha-40-shysa-akhyit-1053244375.html
"Аԥсышәала ицәажәеит": агазеҭ "Авангард" аԥсуа ҟәша 40 шықәса ахыҵит
"Аԥсышәала ицәажәеит": агазеҭ "Авангард" аԥсуа ҟәша 40 шықәса ахыҵит
Sputnik Аҧсны
Гагра араион аҟны иҭыҵуаз агазеҭ "Авангард" адацқәа иҵегь иҵаулоуп. Ҳара иахьа 40 шықәса ахыҵит анаҳҳәо, уи иаанаго адаҟьақәа рҟны аԥсышәала акьыԥхьымҭақәа... 28.12.2024, Sputnik Аҧсны
2024-12-28T18:00+0300
2024-12-28T18:00+0300
2024-12-28T14:46+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07e8/0c/1a/1053273900_53:0:1226:660_1920x0_80_0_0_9f32a0dbfcf0e4704d0b813f4bb6111b.jpg
Гагра араион аҟны иҭыҵуаз агазеҭ "Авангард" адацқәа иҵегь иҵаулоуп. Ҳара иахьа 40 шықәса ахыҵит анаҳҳәо, уи иаанаго адаҟьақәа рҟны аԥсышәала акьыԥхьымҭақәа цәырҵуа иалагеит ауп. Аԥсуаа рзы ари хҭыс духеит. Амилаҭ хақәиҭратә қәԥара "Аидгылара" аусура анеилашуаз аамҭақәа раан, агазеҭ ҳажәлар ирҿахәҳәагахеит. "Авангард" ала ҳраион аҟны иалагеит аинформациатә еибашьра.Саида Жьиԥҳа, SputnikАгазеҭ "Авангард" аредактор хада Закан Агрба, аԥсуа ҟәша аартразы Қарҭынтәи азин аныҟала, аидкылара далагеит арҿиаратә гәыԥ. Урҭ русура шышьақәгылази, уадаҩрақәас ирԥылози, иарбан нҵамҭақәоу иаздырхиози уҳәа ртәы ргәаладыршәоит "Авангард" иазааԥсахьаз акорреспондентцәа гәыԥҩык."Акоммунисттә партиа Гагратәи араионтә Комитет актәи амаӡаныҟәгаҩ Енвер Қапбеи, аԥсуа патриотцәа гәыԥҩыки ирыбзоураны, агазеҭ "Авангард" аҟны аԥсуа ҟәша аадыртит. Аредакциахь аусура иаарыԥхьеит Белла Барцыцԥҳа, Ольга Ԥлиаԥҳа, Лиудмила Сергьегьиаԥҳа, сара. Хықәкыла снапы ианырҵеит ақыҭанхамҩа аҟәша. Мчыбжьык хынтә иҭыҵуаз ҳгазеҭ, аԥсуа цәаҳәақәа агымхарц азы, уахи-ҽни аматериалқәа реизгара ҳаҿын. Ҳредактор Закан Агрба Гагра араион ашьхақыҭақәа рахь сишьҭуан. Уаатәи абзазара зегьы ҳдаҟьақәа рҟны иааҳарԥшуан. Усҟантәи аамҭазы, арахә шырбо, шаҟа литра ахш рымҵо, дара ажәхьацәа рыҿцәажәара уҳәа, асоветуаа аинтерес рзаҵан. Иара убас азакәан еилазгози аҳәынҭқар иԥарафаҩцәеи ҭҵааны, ажәлар идҳардыруан. Иҟалалон, аматериал цәырҳамгарц азы аҵарҭыша анҳадыргалоз, ԥараны мамзар тауарны. Аԥсуаа уи ҳхы иаҭәаҳшьомызт, аха ақырҭуа журналистцәа џьоукы егьараан ҳдырԥхашьахьан. Техникатә мзызк иахырҟьаны, агазеҭ аҭыҵра аамҭа иахыԥар, Қарҭынӡа ирзынацҳатәын, иҟалон гәыбӷангьы ҟарҵар" - имариамыз ажурналистикатә ус аҟны ихы шԥишәоз далацәажәеит Гагратәи 5-тәи аԥсуа школ аҟны, аԥсуа бызшәеи алитературеи рырҵаҩыс аус зуаз, анаҩс араионтә газеҭ "Авангард" ахь корреспондентс иаарыԥхьаз Валери Орчыҟәба.Абарҭ ашықәсқәа рзы, ҳмилаҭ аганахь, ӷәӷәала аполитика хәашь амҩаԥгара рҽазыршәеит ақырҭцәа. Аԥсуа школ аҟны, Жәлар Рфорум "Аидгылара" алахәцәа лассы-лассы еизо иалагеит. Активистцәа иреиуаз Валери Орчыҟәба аредакциа инаваргыланы, ақырҭцәа рполитика аҿагылара аҭаразы аԥсуа патриотцәа имҩаԥыргоз акциақәа зегьы ихы рылаирхәон."1990 шықәсазы, Гагратәи астадион аҟны аԥсуааи-ақырҭцәеи ӷәӷәала еиҿагылеит. Сҩызцәа Лиудмила Сергьегьиаԥҳаи, Белла Барцыцԥҳаи, сареи ҳауаажәлар ҳахьрылагылаз азы, изныкымкәа апрокуратурантәи иааны ҳҿахәы ҳҿырххьан" - аҭоурыхтә хҭысқәа дырзааҭгылоит иара.Аԥсны Аџьынџьтәылатәи аибашьра ҟалаанӡа, Ҭоԥуриа зыжәлаз ақырҭуа журналистк Гагра иҭижьуа далагеит "Карибҷа" ҳәа аԥсуаа ҳганахь апровокациатә статиақәа знылоз агазеҭ. Уи аҿагылара аҭаразы Жәлар Рфорум "Аидгылара" активист Ҭенгьиз Габуниа иаԥшьгарала, "Аԥсуаа рыбжьы", "Взгляд" ҳәа захьӡыз ихьыԥшым ҩ-газеҭк аҭыҵра иалагеит."Агазеҭ маӡала Белла Барцыцԥҳа лыҩны ишьҭаҳҵон. Уантәи лашьа Артиом имашьынала анаплакқәа зегьы ирылаҳарҵәон" - иҳәоит Валери Орчыҟәба.Усҟантәи аамҭазы агазеҭ "Авангард" ахь ааԥхьара зауз Лиудмила Сергьегьиаԥҳа, арадиодырраҭара "ицәажәоит Гагра" аҟынгьы корреспондентс дыҟан. Лхала еизылгон аефир ахь илшьҭыша аматериалқәа.Ақырҭцәа ирҿагыларц, Аԥсны араионқәа рҟны аԥсуа активистцәа иааибыҳәаны аполитикатә амлашьратә акциа мҩаԥыргеит. Убасҟан Лиудмила Сергьегьиаԥҳа, уахи-ҽни, Гагратәи акинотеатр аҿаԥхьа итәақәаз рыҿцәажәара агазеҭ ианылҵуан, араиодырраҭарахь илышьҭуан."Ашықәсқәа сынырзыхынҳәуа, ибзианы исгәалашәоит, ҳаҷкәынцәа ишырҳәоз, иаҭаххозар рыԥсы шахҭнырҵо, аха ақырҭцәа ҳџьынџьдгьыл аҟны ԥшәымара шрырымҭо" - аҭоурыхтә хҭысқәа дырзааҭгылеит ажурналист.Лиудмила Сергьегьиаԥҳа иазгәалҭоит агазеҭ "Авангард", х-бызшәакны ишҭыҵуазгьы, аԥсуаа зқәиҭыз ацәаҳәақәа зынӡа ишмаҷыз. Ишнеиуаз арадиодырраҭара аԥырхоит аԥсуаарыбжьы мыцхәы игоит ҳәа иԥхьаӡаны.Жданов ихьӡ зху Ленинградтәи аҳәынҭқарратә университет, ажурналистикатә факультет аушьҭымҭа, "Агазеҭ уси, аиқәыршәареи, аҭыжьреи" азанааҭ зауз Цицино Еныкьԥҳа лырҿиаратә мҩа алагеит 1989 шықәса инаркны агазеҭ "Авангард" ала. Еилашуаз аусуратә мшқәеи, аиҳабы илеишәа џьбареи, раԥхьатәи аматериалқәеи рышьҭа ду нрыжьит лара лгәалашәараҿы.Убасҟан иаԥҵахаз аҭагылазаашьа иахырҟьаны Закан Агрба имаҵура нижьыр акәхеит. Хара имгакәа, агазеҭ аредакторс дшьақәырӷәӷәан Ольга Ԥлиаԥҳа. Агазеҭ ҭыҵуан мчыбжьык хынтә, атираж жәаф нызқь цыра ыҟан. Ажурналистцәа ззаҭгылоз атемақәа еиуеиԥшымызт, акурорттә сезон инаркны ақыҭанхамҩанӡа. Адҵа иацәхьаҵуаз акорреспондентцәа гәыбӷан роуан аусура амхра аҟынӡа."Исгәалашәоит зны саныҷаԥшьоз, статиак ахьӡ агха аманы ицеит. Нбанк аҭыԥан ҩба ҟалеит. Шарԥазынӡа, акорректор Манана Агрԥҳаи сареи имцхәхаз анбан ашәыга ахьаҳшьуан. Шәара шәазхәыц-жәаф нызқь екземплиар закәу… Уи збаз атипрографиа аиҳабы, милаҭла иақырҭуаз "иаачҳа, иаарласны бгәаҟрақәа нҵәоит, аԥсуа ҟәша зынӡа иҟалаӡом" ҳәа сеиҳәеит. Хымԥада ажәа иаҭаскит "иаанагои ари" ҳәа сиҿагылеит, аха аҭак сиимҭеит. Хара имгакәа иалагеит Аџьынџьтәылатә еибашьра", - еиҭалҳәоит ажурналист.Донецктәи аҳәынҭқарратә университет иалганы, аҭоурыхҭҵааҩи ажурналисти рзанааҭқәа зманы Гаграҟа иааз Бадра Аиба аусура далагеит агазеҭ "Авангард" аҟны корреспондентс. 1989 шықәсазы, Жәлар рфорум "Аидгылара" иалаз арԥыс ибзианы идыруан иҳаланхоз ақырҭцәа рыгәҭакқәа. Аполитикатә еиҿыхарақәа ианрылага, ажурналист қәыԥш истатиақәа рҿы ижәлар ринтересқәа ӡыригон, дрықәыӡбуан ҳҭоурых аҵәаӷәа ахьызшьарц иашьҭаз ақырҭуа милаҭ ахаҭарнакцәа.1989 шықәсазы, Гагра ақалақь, акинотеатр аҿаԥхьа ачгара итәаз аԥсуа ҷкәынцәа уахи-ҽни изҷаԥшьоз рыгәҭа далан Бадрагьы."Сара хықәкыс исыман акциа алахәцәа срыҿцәажәаны, ргәы иҵхоз ҳажәлар рызнагара. Ибзианы дысгәалашәоит ачгара итәаз рхыԥхьаӡараҿы иҟаз Витали Кациа. Иара иҳәон аԥсуаа рзинқәа шьақәгылаанӡа игыларангьы ишыҟам. "Ҳаԥсы ҳхыҵыргьы, Аԥсны аԥсуаа ишыртәу агәра дҳаргоит" ҳәа иҿан ажәаны". Агазеҭ аԥсуа ҟәша аԥынгылақәа арҭон. Аиҳарак 1989 шықәсазы аполитикатә цәа зхаз ҳастатиақәа алыхәҭа икылырхуан. Ус ишыҟазгьы иҳалҳаршон ҳаззықәԥоз ахықәкы аԥхьаҩцәа рызнагара. Ақьаад аҿы каламла ҳаибашьуан", - еиҭеиҳәоит Бадра.Ирацәаҩуп агазеҭ "Авангард" иазааԥсаз аԥсуа журналистцәа. Урҭ рахьтә иҟоуп зыдунеи зыԥсаххьоу. Иахьа зыԥсы ҭаны иҟоу, уажәыгьы рымч рылша рыжәлар рымаҵ аура иазкуп.
https://sputnik-abkhazia.info/20241001/khat-khaaa-kharshny-aiaaira-aigyron-valeri-orchyba-igalasharaa-1052360970.html
https://sputnik-abkhazia.info/20190629/Ikhatrou-akura-agazet-Gagrskiy-vestnik-20-shykusa-akhycit-1027771861.html
https://sputnik-abkhazia.info/20240213/asua-bzhy-argon-gagra-aamala-zny-aradio-aus-shauaz-aty-1050035355.html
https://sputnik-abkhazia.info/20190914/Aiba-1989-shysazy-agaze-Avangard-adaaa-ry-kalamla-aibashuan-1028374682.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи
аналитикеи аиҿцәажәарақәеи
Гагра араион аҟны иҭыҵуаз агазеҭ "Авангард" адацқәа иҵегь иҵаулоуп. Ҳара иахьа 40 шықәса ахыҵит анаҳҳәо, уи иаанаго адаҟьақәа рҟны аԥсышәала акьыԥхьымҭақәа цәырҵуа иалагеит ауп. Аԥсуаа рзы ари хҭыс духеит. Амилаҭ хақәиҭратә қәԥара "Аидгылара" аусура анеилашуаз аамҭақәа раан, агазеҭ ҳажәлар ирҿахәҳәагахеит. "Авангард" ала ҳраион аҟны иалагеит аинформациатә еибашьра.
Агазеҭ "Авангард" аредактор хада Закан Агрба, аԥсуа ҟәша аартразы Қарҭынтәи азин аныҟала, аидкылара далагеит арҿиаратә гәыԥ. Урҭ русура шышьақәгылази, уадаҩрақәас ирԥылози, иарбан нҵамҭақәоу иаздырхиози уҳәа ртәы ргәаладыршәоит "Авангард" иазааԥсахьаз акорреспондентцәа гәыԥҩык.
"Акоммунисттә партиа Гагратәи араионтә Комитет актәи амаӡаныҟәгаҩ Енвер Қапбеи, аԥсуа патриотцәа гәыԥҩыки ирыбзоураны, агазеҭ "Авангард" аҟны аԥсуа ҟәша аадыртит. Аредакциахь аусура иаарыԥхьеит Белла Барцыцԥҳа, Ольга Ԥлиаԥҳа, Лиудмила Сергьегьиаԥҳа, сара. Хықәкыла снапы ианырҵеит ақыҭанхамҩа аҟәша. Мчыбжьык хынтә иҭыҵуаз ҳгазеҭ, аԥсуа цәаҳәақәа агымхарц азы, уахи-ҽни аматериалқәа реизгара ҳаҿын. Ҳредактор Закан Агрба Гагра араион ашьхақыҭақәа рахь сишьҭуан. Уаатәи абзазара зегьы ҳдаҟьақәа рҟны иааҳарԥшуан. Усҟантәи аамҭазы, арахә шырбо, шаҟа литра ахш рымҵо, дара ажәхьацәа рыҿцәажәара уҳәа, асоветуаа аинтерес рзаҵан. Иара убас азакәан еилазгози аҳәынҭқар иԥарафаҩцәеи ҭҵааны, ажәлар идҳардыруан. Иҟалалон, аматериал цәырҳамгарц азы аҵарҭыша анҳадыргалоз, ԥараны мамзар тауарны. Аԥсуаа уи ҳхы иаҭәаҳшьомызт, аха ақырҭуа журналистцәа џьоукы егьараан ҳдырԥхашьахьан. Техникатә мзызк иахырҟьаны, агазеҭ аҭыҵра аамҭа иахыԥар, Қарҭынӡа ирзынацҳатәын, иҟалон гәыбӷангьы ҟарҵар" - имариамыз ажурналистикатә ус аҟны ихы шԥишәоз далацәажәеит Гагратәи 5-тәи аԥсуа школ аҟны, аԥсуа бызшәеи алитературеи рырҵаҩыс аус зуаз, анаҩс араионтә газеҭ "Авангард" ахь корреспондентс иаарыԥхьаз Валери Орчыҟәба.
Абарҭ ашықәсқәа рзы, ҳмилаҭ аганахь, ӷәӷәала аполитика хәашь амҩаԥгара рҽазыршәеит ақырҭцәа. Аԥсуа школ аҟны, Жәлар Рфорум "Аидгылара" алахәцәа лассы-лассы еизо иалагеит. Активистцәа иреиуаз Валери Орчыҟәба аредакциа инаваргыланы, ақырҭцәа рполитика аҿагылара аҭаразы аԥсуа патриотцәа имҩаԥыргоз акциақәа зегьы ихы рылаирхәон.
"1990 шықәсазы, Гагратәи астадион аҟны аԥсуааи-ақырҭцәеи ӷәӷәала еиҿагылеит. Сҩызцәа Лиудмила Сергьегьиаԥҳаи, Белла Барцыцԥҳаи, сареи ҳауаажәлар ҳахьрылагылаз азы, изныкымкәа апрокуратурантәи иааны ҳҿахәы ҳҿырххьан" - аҭоурыхтә хҭысқәа дырзааҭгылоит иара.
Аԥсны Аџьынџьтәылатәи аибашьра ҟалаанӡа, Ҭоԥуриа зыжәлаз ақырҭуа журналистк Гагра иҭижьуа далагеит "Карибҷа" ҳәа аԥсуаа ҳганахь апровокациатә статиақәа знылоз агазеҭ. Уи аҿагылара аҭаразы Жәлар Рфорум "Аидгылара" активист Ҭенгьиз Габуниа иаԥшьгарала, "Аԥсуаа рыбжьы", "Взгляд" ҳәа захьӡыз ихьыԥшым ҩ-газеҭк аҭыҵра иалагеит.
"Агазеҭ маӡала Белла Барцыцԥҳа лыҩны ишьҭаҳҵон. Уантәи лашьа Артиом имашьынала анаплакқәа зегьы ирылаҳарҵәон" - иҳәоит Валери Орчыҟәба.
Усҟантәи аамҭазы агазеҭ "Авангард" ахь ааԥхьара зауз Лиудмила Сергьегьиаԥҳа, арадиодырраҭара "ицәажәоит Гагра" аҟынгьы корреспондентс дыҟан. Лхала еизылгон аефир ахь илшьҭыша аматериалқәа.
Ақырҭцәа ирҿагыларц, Аԥсны араионқәа рҟны аԥсуа активистцәа иааибыҳәаны аполитикатә амлашьратә акциа мҩаԥыргеит. Убасҟан Лиудмила Сергьегьиаԥҳа, уахи-ҽни, Гагратәи акинотеатр аҿаԥхьа итәақәаз рыҿцәажәара агазеҭ ианылҵуан, араиодырраҭарахь илышьҭуан.
"Ашықәсқәа сынырзыхынҳәуа, ибзианы исгәалашәоит, ҳаҷкәынцәа ишырҳәоз, иаҭаххозар рыԥсы шахҭнырҵо, аха ақырҭцәа ҳџьынџьдгьыл аҟны ԥшәымара шрырымҭо" - аҭоурыхтә хҭысқәа дырзааҭгылеит ажурналист.
Лиудмила Сергьегьиаԥҳа иазгәалҭоит агазеҭ "Авангард", х-бызшәакны ишҭыҵуазгьы, аԥсуаа зқәиҭыз ацәаҳәақәа зынӡа ишмаҷыз. Ишнеиуаз арадиодырраҭара аԥырхоит аԥсуаарыбжьы мыцхәы игоит ҳәа иԥхьаӡаны.
Жданов ихьӡ зху Ленинградтәи аҳәынҭқарратә университет, ажурналистикатә факультет аушьҭымҭа, "Агазеҭ уси, аиқәыршәареи, аҭыжьреи" азанааҭ зауз Цицино Еныкьԥҳа лырҿиаратә мҩа алагеит 1989 шықәса инаркны агазеҭ "Авангард" ала. Еилашуаз аусуратә мшқәеи, аиҳабы илеишәа џьбареи, раԥхьатәи аматериалқәеи рышьҭа ду нрыжьит лара лгәалашәараҿы.
"Раԥхьаӡа аусура санҭыҵ, аԥсуааи ақырҭцәеи рыбжьара аиҿыхарақәа ирылагахьан. Ҳгазеҭ "Авангард" аԥсышәала, урысшәала, қырҭшәала иҭыҵуан аҟнытә, аколлектив ҳабжьарагьы аизыҟазаашьақәа рххан. Исгәалашәоит аԥсышәала аматериалқәа акьыԥхь ианазҳархиоз, ақырҭуа ҟәша аредактор ажәак бжьамыжьқәа аиҭагара шҳадылцалоз. Усҟан агазеҭ апатриотизм иахәшҭааран. Лассы-ласс адаҟьақәа рҟны ажәлар рҿахәы рҳәон амилаҭ-хақәиҭратә қәԥара аиҿкаара активистцәа Борис Кьехьыриԥа, Лев Гыцба, Илиа Канџьариа уҳәа. Ари агазеҭ аҟны аҭак рырҭон ақырҭуа ԥхьагылаҩцәа. Ажәакала, уи аамҭазы акьыԥхьтә еиҿыхарақәагьы цон", - имариамыз аҭоурыхтә ӡеибафарақәа ирымҽханакыз раԥхьатәи лусуратә шьаҿақәа дырзааҭгылоит Цицино Еныкьԥҳа.
Убасҟан иаԥҵахаз аҭагылазаашьа иахырҟьаны Закан Агрба имаҵура нижьыр акәхеит. Хара имгакәа, агазеҭ аредакторс дшьақәырӷәӷәан Ольга Ԥлиаԥҳа. Агазеҭ ҭыҵуан мчыбжьык хынтә, атираж жәаф нызқь цыра ыҟан. Ажурналистцәа ззаҭгылоз атемақәа еиуеиԥшымызт, акурорттә сезон инаркны ақыҭанхамҩанӡа. Адҵа иацәхьаҵуаз акорреспондентцәа гәыбӷан роуан аусура амхра аҟынӡа.
"Исгәалашәоит зны саныҷаԥшьоз, статиак ахьӡ агха аманы ицеит. Нбанк аҭыԥан ҩба ҟалеит. Шарԥазынӡа, акорректор Манана Агрԥҳаи сареи имцхәхаз анбан ашәыга ахьаҳшьуан. Шәара шәазхәыц-жәаф нызқь екземплиар закәу… Уи збаз атипрографиа аиҳабы, милаҭла иақырҭуаз "иаачҳа, иаарласны бгәаҟрақәа нҵәоит, аԥсуа ҟәша зынӡа иҟалаӡом" ҳәа сеиҳәеит. Хымԥада ажәа иаҭаскит "иаанагои ари" ҳәа сиҿагылеит, аха аҭак сиимҭеит. Хара имгакәа иалагеит Аџьынџьтәылатә еибашьра", - еиҭалҳәоит ажурналист.
Донецктәи аҳәынҭқарратә университет иалганы, аҭоурыхҭҵааҩи ажурналисти рзанааҭқәа зманы Гаграҟа иааз Бадра Аиба аусура далагеит агазеҭ "Авангард" аҟны корреспондентс. 1989 шықәсазы, Жәлар рфорум "Аидгылара" иалаз арԥыс ибзианы идыруан иҳаланхоз ақырҭцәа рыгәҭакқәа. Аполитикатә еиҿыхарақәа ианрылага, ажурналист қәыԥш истатиақәа рҿы ижәлар ринтересқәа ӡыригон, дрықәыӡбуан ҳҭоурых аҵәаӷәа ахьызшьарц иашьҭаз ақырҭуа милаҭ ахаҭарнакцәа.
1989 шықәсазы, Гагра ақалақь, акинотеатр аҿаԥхьа ачгара итәаз аԥсуа ҷкәынцәа уахи-ҽни изҷаԥшьоз рыгәҭа далан Бадрагьы.
"Сара хықәкыс исыман акциа алахәцәа срыҿцәажәаны, ргәы иҵхоз ҳажәлар рызнагара. Ибзианы дысгәалашәоит ачгара итәаз рхыԥхьаӡараҿы иҟаз Витали Кациа. Иара иҳәон аԥсуаа рзинқәа шьақәгылаанӡа игыларангьы ишыҟам. "Ҳаԥсы ҳхыҵыргьы, Аԥсны аԥсуаа ишыртәу агәра дҳаргоит" ҳәа иҿан ажәаны". Агазеҭ аԥсуа ҟәша аԥынгылақәа арҭон. Аиҳарак 1989 шықәсазы аполитикатә цәа зхаз ҳастатиақәа алыхәҭа икылырхуан. Ус ишыҟазгьы иҳалҳаршон ҳаззықәԥоз ахықәкы аԥхьаҩцәа рызнагара. Ақьаад аҿы каламла ҳаибашьуан", - еиҭеиҳәоит Бадра.
Ирацәаҩуп агазеҭ "Авангард" иазааԥсаз аԥсуа журналистцәа. Урҭ рахьтә иҟоуп зыдунеи зыԥсаххьоу. Иахьа зыԥсы ҭаны иҟоу, уажәыгьы рымч рылша рыжәлар рымаҵ аура иазкуп.
