https://sputnik-abkhazia.info/20241229/nakgy-sakhymkhit-agaze-gagrskiy-vestnik-25-shysa-akhyra-iazkny-1053244547.html
"Ҽнакгьы сахьымхәит": агазеҭ "Гагрский Вестник" 25 шықәса ахыҵра иазкны
"Ҽнакгьы сахьымхәит": агазеҭ "Гагрский Вестник" 25 шықәса ахыҵра иазкны
Sputnik Аҧсны
Арҿиара знапы алакыу ауаҩы, егьа шықәсы рацәа ҵыргьы ихашҭӡом, насгьы игәалашәараҿы ихадоу аҭыԥ ааныркылоит азанааҭ ахь раԥхьатәи ишьаҿақәа ахьыҟаиҵаз... 29.12.2024, Sputnik Аҧсны
2024-12-29T16:00+0300
2024-12-29T16:00+0300
2024-12-29T16:05+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07e8/0c/19/1053252802_0:49:1280:769_1920x0_80_0_0_843bff710d3568a0e088ca01a4bed102.jpg
Арҿиара знапы алакыу ауаҩы, егьа шықәсы рацәа ҵыргьы ихашҭӡом, насгьы игәалашәараҿы ихадоу аҭыԥ ааныркылоит азанааҭ ахь раԥхьатәи ишьаҿақәа ахьыҟаиҵаз аколлектив, аԥышәа изҭаз ауаа. 2024 шықәсазы, Гагра араионтә газеҭ "Гагрский Вестник" 25 шықәса ахыҵит, урҭ рахьтә 20 шықәса араҟа корреспондентс аус зуа Саида Жьиԥҳа еиҭалҳәоит аредакциахь лнеира шыҟалази, арҭ ашықәсқәа рыҩнуҵҟа лгәалашәараҿы инхази ртәы.Саида Жьиԥҳа, SputnikГагра араионтә газеҭ "Гагрский Вестник" сынтәа 25 шықәса ахыҵит, аха уи аԥхьаҟагьы араион кьыԥхьда иҟамызт. Иара убас сынтәа 40 шықәса ҵит Гагра иҭыҵуаз агазеҭ "Авангард" аԥсышәала акьыԥхь абеижьҭеи.2004 шықәсазы Аԥснытәи аҳәынҭқарратә университет, афилологиатә факультет салганы Гаграҟа сааит. Аиашазы сара исҭахымхеит рҵаҩыс аусура. Уаанӡатәи сышкол адиректор Валери Орчыҟәба араионтә газеҭ "Гагрский Вестник" аҟны аредактор инапынҵақәа наигӡон аҟнытә, уахь снеит иҭацәу акорреспондент иштат рымоума ҳәа. Уи аҽныцәҟьа аусура сидикылеит. Абар 20 шықәсагьы нҭыкәкәа ицеит…Аредакциаҟны аусура саналагаз, агазеҭ мызкахьы ҩынтә ракәын ианҭыҵуаз. Анаҩс мчыбжьык знык ахь ҳаиасит. Аколлектив аилазаара маҷӡан. Гагра араион ахадас Асҭамыр Қьецба даныҟарҵа, агазеҭ аиҭакрақәа аныԥшит. Адекреттә ԥсшьара аҟнытә дааит аредактор Цицина Еныкьԥҳа, Валери Орчыҟәба лхаҭыԥуҩс дшьақәырӷәӷәан. "Агазеҭ ахаҭабзиара ҳраион ахаҿроуп" ҳәаны, Асҭамыр Қьецба ԥшшәы рацәала еилаԥсаз ақьаад ахь ҳаиаигеит. Ҳгазеҭ ҭыҵуан Шәача."Гагрский Вестник" аҟнытә иалагеит аиҳабыратәи абиԥареи сареи ҳаимадара. Усҟантәи аамҭақәа рзы лассы-лассы аредакциахь рматериалқәа рыманы иаҳзаауан ҳраион аинтеллигенциа ахаҭарнакцәа Закан Агрба, Лиова Гыцба, Белла Барцыцԥҳа, Слава Сақаниа, Ҭенгьиз Габуниа, Лиудмила Сергьегьиаԥҳа уҳәа аӡәырҩы. Дара акьыԥхь аҟны аԥышәа дуӡӡа змаз, аҳәынҭқарратә ҳамҭақәа ирыԥсахахьаз ракәын. Насыԥ сыман ҳәа исԥхьаӡоит, сзанааҭ аҟны санышьақәгылоз аамҭазы арҭ ауаа сганаҿы иахьыҟаз. Дара ишьҭарҵас ауасхыр ауп излҵшәахаз иахьатәи сжурналисттә еихьӡарақәа.Агазеҭ "Гагрский Вестник" адаҟьақәа рҟны араион аԥсҭазаара зегьы ааҳарԥшуан. Зарина Баснык-Коӷониа, Надежда Ҭҳагәышь, сара ҳкалам иҵыҵуан аҵарадырра, акультура, аспорт, агәабзиарахьчара уҳәа рхырхарҭақәа зныԥшуаз астатиақәа. Аҭоурыхтә хҭысқәа ррыцхәқәа раан урҭ ирзынархаз атемақәа ҳарзааҭгылон. Иаҳҳәозар – амҳаџьырра, 37-тәи ашықәсқәа, Аџьынџьтәылатәи аибашьра Ду, Аԥсны Аџьынџьтәылатәи аибашьра ...Аредакциаҿы аусура лахҿыхны имҩасуан. Аиҳарак агазеҭ амакет анеиқәҳаршәоз амш акы иалаҩашьомызт. Компиутер заҵәык акәын иҳамаз аҟнытә, ацх агәы еиҩнашаанӡа, иара зны-зынла ианҳаршуазгьы ыҟан. Зны, ныҳәак арыцхә инақәыршәаны агазеҭ ирлас иҭыжьтәын. Ауха акомпиутер апрограмма еихәлацәеит, уи атехник еиҭашьақәиргылаанӡа ишеит. Ашьыжь асааҭ жәба рзы Валери Орчыҟәба ашә аартны акабинеҭ данааҩнашыла, "оо, аферымқәа, заа шәааит" ҳәа ишџьаишьаз. Нас ацәа зыгханы иҟаз ҳҿаԥшылара аниба, "шәхаҿқәа чызшәа збоит, ишәыхьзеи" иҳәеит. Ҳааԥсаны ҳшыҟазгьы, иҳәашьа алаф шахаҳҳәаауаз ацәагьы ҳаалҵит.Аматериалқәа "анбылуаз" акрыфарагьы ҳхашҭуан. Ианҳгәалашәоз, адәқьанқәа адаркуан. Егьараан аҩны сцаны абысҭа уны, сан лыхҩарақәа адкыланы иаазгахьан. Нас ацх агәаны аџьџьаҳәа ҳаилатәаны акрыф-крыжә ҳус иацаҳҵон.Насыԥ сымоуп ҳәа исԥхьаӡоит, агазеҭ аҟны аусура саналацәажәо илахҿыхыу ахҭысқәа еиҳа иахьысгәалашәо. Акрыфара атема иацҵо, схаҿы ицәырҵит даҽа сахьак (иахьыскьыԥхьогьы стәаны сыччоит). Аредакциахь аинтервиу ҳаҭаразы лассы-лассы араион аҳаблақәеи ақыҭақәеи рхадацәеи, анаплакқәеи аусбарҭақәеи реиҳабацәеи ҳзаалон. Урҭ хаамыхаак ҳзаамгакәа ҳашәхымс ихыҵуамызт. Лыхьӡ лыжәла сҳәом, милаҭла иаԥсыуамыз ҳкорреспондентк, агазеҭ ианылҵаз астатиазы иҭабуп ҳәа лаиҳәарц пакетк кны еицырдыруаз чынуҩк дааит. Лара уи аамҭазы ҳредактор длыцны џьара дцеит. Ахаҵа дыццакуан азы, "абри лара исызлышәҭа" иҳәан апакет насиркит. Зарина Баснык-Коӷониеи сареи акаҳуа аршра ҳаҿын, "ари ахаан ак лымҟәыҵшәом, аҩныҟа илгоит, шаҟа ҭоу абалдыруеи сҳәан, ф-цырак азефир апакет иҭызгеит. Заринеи сареи ҩба-ҩба акаҳуа иацаҳжәит, ҩ-цырак Цицина Еныкьԥҳа дааир илфап ҳәа лкәалап иҭасҵеит. Сааҭк ашьҭахь ҳредактори ани ҳколлегеи аныхынҳә, иаҳҳәеит "абри апакет бара бзы инрыжьит" ҳәа. Лара лгәы иаахәаны данҭаԥшы, "азефири акаҳуеи" ҭоуп лҳәан, "шәысҭ шәаргьы" ҳәа шаҟа илымҳәашаз, инаганы леишәа инхәыҵалыргылеит. Ус ҳаштәаз, ҳредактор лкәалап анаалырт, сара лгәҽанҵара сахьымӡеит, "ари абаанагеи" ҳәа "изӷьычыз азефир" ааҭылгеит. Ари аҭагылазаашьа убриаҟара иччархәхеит, аха ҳҽарԥсны ҳтәеит. Ачыс иазыҳарамыз ҳколлега уи алагьы маҷк даҳбжьеит.Агаеҭ адаҟьақәа рҿы иаҳкьыԥхьуан Араион еизара адепутатцәа рықәҵарақәа. Акоммуналтә усбарҭақәа иааргон ауал зқәу рсиақәа. Аҩнуҵҟатәи аусқәа рминистрра, Гагратәи араионтә усбарҭа есымзатәи аҳасабырба ҳзаарышьҭуан. Уахык агазеҭ аҭыжьра ианамшыз, уи аҳасабырба ҳшаԥхьоз ҳгәыӷьит. Ԥхынран. Ацәгьоурақәа зегьы аҭыԥантәи ахацәа ԥыҭҩыки акурорт иаҭааз аҳәсеи реибадырреи, нас ирыхҭибахази ирызкхеит. Аиаша шәасҳәап, абас илахҿыхыз ацәгьоурақәа уаҳа ишыҟамлац. Иахьатәи ҳаамҭа ҽакхеит…"Гагрский Вестник" мышьҭабзиала сазнеит ҳәа исԥхьаӡоит. Араҟа сшыҟаз, ааԥхьара сырҭоит ҿыц Гагра иаартхаз араионтә телехәаԥшрахьы дикторс. 17 шықәса ицәгьа ибзиа ҳажәлар ажәабжьқәа рызназгон. Аҵыхәтәантәи ҩышықәса ателехәаԥшраҿы редакторс сыҟоуп. Иара убас аредакциа исзаанартит даҽа мҩак. 2014 шықәсазы, Аԥсны аусура иалагаз жәларбжьаратәи аинформациатә маҵзура Спутник Аԥсны аԥсуа ҟәшахьы саарыԥхьоит. Бжьышықәса Гагрантәи, агазеҭ "Аԥсны" аредакциахь ажәабжьқәа сшьҭуан. "Гагрский Вестник" аҟны исоуз аԥышәа иабзоурны, изныкымкәа Аԥсны Ажурналистцәа реидгыла имҩаԥнагоз ареспубликатә еицлабрақәа рҿы сусумҭақәа рыхә ҳаракны иршьахьеит.Агазеҭ иахьагьы ишҭыҵыц иҭыҵуеит. Аха уаанӡа иамаз агьама ацәыӡит. Изааӡари, аинтернет иахәаҽуа иалагеит ақьадтә кьыԥхь. Ус егьа иҟазаргьы, "напылаҩыра былӡом". "Гагрский Вестник" - ари ҳраион аҭоурых иашьагәыҭуп. Мышкызны архив аартны иагәылаԥшуа ибарҭахоит, шьаҿа-шьаҿа иахьатәи ҳҳәынҭқарра ҿыц шышьақәгылози ишҿиауази. Уи иашаҳаҭцәоу ҳарҭ ажурналистцәагьы, знымзар зны аӡәы иҭабуп ҳәа ҳаиҳәозар акәхап…
https://sputnik-abkhazia.info/20241228/asyshala-itsazheit-agaze-avangard-asua-sha-40-shysa-akhyit-1053244375.html
https://sputnik-abkhazia.info/20190629/Ikhatrou-akura-agazet-Gagrskiy-vestnik-20-shykusa-akhycit-1027771861.html
https://sputnik-abkhazia.info/20240227/rakhaati-aperiodikat-kykh-agaze-asny-105-shysa-akhyit-1050274942.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи
аналитикеи аиҿцәажәарақәеи
Арҿиара знапы алакыу ауаҩы, егьа шықәсы рацәа ҵыргьы ихашҭӡом, насгьы игәалашәараҿы ихадоу аҭыԥ ааныркылоит азанааҭ ахь раԥхьатәи ишьаҿақәа ахьыҟаиҵаз аколлектив, аԥышәа изҭаз ауаа. 2024 шықәсазы, Гагра араионтә газеҭ "Гагрский Вестник" 25 шықәса ахыҵит, урҭ рахьтә 20 шықәса араҟа корреспондентс аус зуа Саида Жьиԥҳа еиҭалҳәоит аредакциахь лнеира шыҟалази, арҭ ашықәсқәа рыҩнуҵҟа лгәалашәараҿы инхази ртәы.
Гагра араионтә газеҭ "Гагрский Вестник" сынтәа 25 шықәса ахыҵит, аха уи аԥхьаҟагьы араион кьыԥхьда иҟамызт. Иара убас сынтәа 40 шықәса ҵит Гагра иҭыҵуаз агазеҭ "Авангард" аԥсышәала акьыԥхь абеижьҭеи.
2004 шықәсазы Аԥснытәи аҳәынҭқарратә университет, афилологиатә факультет салганы Гаграҟа сааит. Аиашазы сара исҭахымхеит рҵаҩыс аусура. Уаанӡатәи сышкол адиректор Валери Орчыҟәба араионтә газеҭ "Гагрский Вестник" аҟны аредактор инапынҵақәа наигӡон аҟнытә, уахь снеит иҭацәу акорреспондент иштат рымоума ҳәа. Уи аҽныцәҟьа аусура сидикылеит. Абар 20 шықәсагьы нҭыкәкәа ицеит…
Аредакциаҟны аусура саналагаз, агазеҭ мызкахьы ҩынтә ракәын ианҭыҵуаз. Анаҩс мчыбжьык знык ахь ҳаиасит. Аколлектив аилазаара маҷӡан. Гагра араион ахадас Асҭамыр Қьецба даныҟарҵа, агазеҭ аиҭакрақәа аныԥшит. Адекреттә ԥсшьара аҟнытә дааит аредактор Цицина Еныкьԥҳа, Валери Орчыҟәба лхаҭыԥуҩс дшьақәырӷәӷәан. "Агазеҭ ахаҭабзиара ҳраион ахаҿроуп" ҳәаны, Асҭамыр Қьецба ԥшшәы рацәала еилаԥсаз ақьаад ахь ҳаиаигеит. Ҳгазеҭ ҭыҵуан Шәача.
"Гагрский Вестник" аҟнытә иалагеит аиҳабыратәи абиԥареи сареи ҳаимадара. Усҟантәи аамҭақәа рзы лассы-лассы аредакциахь рматериалқәа рыманы иаҳзаауан ҳраион аинтеллигенциа ахаҭарнакцәа Закан Агрба, Лиова Гыцба, Белла Барцыцԥҳа, Слава Сақаниа, Ҭенгьиз Габуниа, Лиудмила Сергьегьиаԥҳа уҳәа аӡәырҩы. Дара акьыԥхь аҟны аԥышәа дуӡӡа змаз, аҳәынҭқарратә ҳамҭақәа ирыԥсахахьаз ракәын. Насыԥ сыман ҳәа исԥхьаӡоит, сзанааҭ аҟны санышьақәгылоз аамҭазы арҭ ауаа сганаҿы иахьыҟаз. Дара ишьҭарҵас ауасхыр ауп излҵшәахаз иахьатәи сжурналисттә еихьӡарақәа.
Агазеҭ "Гагрский Вестник" адаҟьақәа рҟны араион аԥсҭазаара зегьы ааҳарԥшуан. Зарина Баснык-Коӷониа, Надежда Ҭҳагәышь, сара ҳкалам иҵыҵуан аҵарадырра, акультура, аспорт, агәабзиарахьчара уҳәа рхырхарҭақәа зныԥшуаз астатиақәа. Аҭоурыхтә хҭысқәа ррыцхәқәа раан урҭ ирзынархаз атемақәа ҳарзааҭгылон. Иаҳҳәозар – амҳаџьырра, 37-тәи ашықәсқәа, Аџьынџьтәылатәи аибашьра Ду, Аԥсны Аџьынџьтәылатәи аибашьра ...
Аредакциаҿы аусура лахҿыхны имҩасуан. Аиҳарак агазеҭ амакет анеиқәҳаршәоз амш акы иалаҩашьомызт. Компиутер заҵәык акәын иҳамаз аҟнытә, ацх агәы еиҩнашаанӡа, иара зны-зынла ианҳаршуазгьы ыҟан. Зны, ныҳәак арыцхә инақәыршәаны агазеҭ ирлас иҭыжьтәын. Ауха акомпиутер апрограмма еихәлацәеит, уи атехник еиҭашьақәиргылаанӡа ишеит. Ашьыжь асааҭ жәба рзы Валери Орчыҟәба ашә аартны акабинеҭ данааҩнашыла, "оо, аферымқәа, заа шәааит" ҳәа ишџьаишьаз. Нас ацәа зыгханы иҟаз ҳҿаԥшылара аниба, "шәхаҿқәа чызшәа збоит, ишәыхьзеи" иҳәеит. Ҳааԥсаны ҳшыҟазгьы, иҳәашьа алаф шахаҳҳәаауаз ацәагьы ҳаалҵит.
Аматериалқәа "анбылуаз" акрыфарагьы ҳхашҭуан. Ианҳгәалашәоз, адәқьанқәа адаркуан. Егьараан аҩны сцаны абысҭа уны, сан лыхҩарақәа адкыланы иаазгахьан. Нас ацх агәаны аџьџьаҳәа ҳаилатәаны акрыф-крыжә ҳус иацаҳҵон.
Насыԥ сымоуп ҳәа исԥхьаӡоит, агазеҭ аҟны аусура саналацәажәо илахҿыхыу ахҭысқәа еиҳа иахьысгәалашәо. Акрыфара атема иацҵо, схаҿы ицәырҵит даҽа сахьак (иахьыскьыԥхьогьы стәаны сыччоит). Аредакциахь аинтервиу ҳаҭаразы лассы-лассы араион аҳаблақәеи ақыҭақәеи рхадацәеи, анаплакқәеи аусбарҭақәеи реиҳабацәеи ҳзаалон. Урҭ хаамыхаак ҳзаамгакәа ҳашәхымс ихыҵуамызт. Лыхьӡ лыжәла сҳәом, милаҭла иаԥсыуамыз ҳкорреспондентк, агазеҭ ианылҵаз астатиазы иҭабуп ҳәа лаиҳәарц пакетк кны еицырдыруаз чынуҩк дааит. Лара уи аамҭазы ҳредактор длыцны џьара дцеит. Ахаҵа дыццакуан азы, "абри лара исызлышәҭа" иҳәан апакет насиркит. Зарина Баснык-Коӷониеи сареи акаҳуа аршра ҳаҿын, "ари ахаан ак лымҟәыҵшәом, аҩныҟа илгоит, шаҟа ҭоу абалдыруеи сҳәан, ф-цырак азефир апакет иҭызгеит. Заринеи сареи ҩба-ҩба акаҳуа иацаҳжәит, ҩ-цырак Цицина Еныкьԥҳа дааир илфап ҳәа лкәалап иҭасҵеит. Сааҭк ашьҭахь ҳредактори ани ҳколлегеи аныхынҳә, иаҳҳәеит "абри апакет бара бзы инрыжьит" ҳәа. Лара лгәы иаахәаны данҭаԥшы, "азефири акаҳуеи" ҭоуп лҳәан, "шәысҭ шәаргьы" ҳәа шаҟа илымҳәашаз, инаганы леишәа инхәыҵалыргылеит. Ус ҳаштәаз, ҳредактор лкәалап анаалырт, сара лгәҽанҵара сахьымӡеит, "ари абаанагеи" ҳәа "изӷьычыз азефир" ааҭылгеит. Ари аҭагылазаашьа убриаҟара иччархәхеит, аха ҳҽарԥсны ҳтәеит. Ачыс иазыҳарамыз ҳколлега уи алагьы маҷк даҳбжьеит.
Агаеҭ адаҟьақәа рҿы иаҳкьыԥхьуан Араион еизара адепутатцәа рықәҵарақәа. Акоммуналтә усбарҭақәа иааргон ауал зқәу рсиақәа. Аҩнуҵҟатәи аусқәа рминистрра, Гагратәи араионтә усбарҭа есымзатәи аҳасабырба ҳзаарышьҭуан. Уахык агазеҭ аҭыжьра ианамшыз, уи аҳасабырба ҳшаԥхьоз ҳгәыӷьит. Ԥхынран. Ацәгьоурақәа зегьы аҭыԥантәи ахацәа ԥыҭҩыки акурорт иаҭааз аҳәсеи реибадырреи, нас ирыхҭибахази ирызкхеит. Аиаша шәасҳәап, абас илахҿыхыз ацәгьоурақәа уаҳа ишыҟамлац. Иахьатәи ҳаамҭа ҽакхеит…
"Гагрский Вестник" мышьҭабзиала сазнеит ҳәа исԥхьаӡоит. Араҟа сшыҟаз, ааԥхьара сырҭоит ҿыц Гагра иаартхаз араионтә телехәаԥшрахьы дикторс. 17 шықәса ицәгьа ибзиа ҳажәлар ажәабжьқәа рызназгон. Аҵыхәтәантәи ҩышықәса ателехәаԥшраҿы редакторс сыҟоуп. Иара убас аредакциа исзаанартит даҽа мҩак. 2014 шықәсазы, Аԥсны аусура иалагаз жәларбжьаратәи аинформациатә маҵзура Спутник Аԥсны аԥсуа ҟәшахьы саарыԥхьоит. Бжьышықәса Гагрантәи, агазеҭ "Аԥсны" аредакциахь ажәабжьқәа сшьҭуан. "Гагрский Вестник" аҟны исоуз аԥышәа иабзоурны, изныкымкәа Аԥсны Ажурналистцәа реидгыла имҩаԥнагоз ареспубликатә еицлабрақәа рҿы сусумҭақәа рыхә ҳаракны иршьахьеит.
Агазеҭ иахьагьы ишҭыҵыц иҭыҵуеит. Аха уаанӡа иамаз агьама ацәыӡит. Изааӡари, аинтернет иахәаҽуа иалагеит ақьадтә кьыԥхь. Ус егьа иҟазаргьы, "напылаҩыра былӡом". "Гагрский Вестник" - ари ҳраион аҭоурых иашьагәыҭуп. Мышкызны архив аартны иагәылаԥшуа ибарҭахоит, шьаҿа-шьаҿа иахьатәи ҳҳәынҭқарра ҿыц шышьақәгылози ишҿиауази. Уи иашаҳаҭцәоу ҳарҭ ажурналистцәагьы, знымзар зны аӡәы иҭабуп ҳәа ҳаиҳәозар акәхап…
