Микрофон  - Sputnik Аҧсны, 1920
Арадио

Агрба абаҟақәа реиҭашьақәыргылара иазкны: аҟәрышь рыҩбагьы ирзырхахоит

Агрба абаҟақәа реиҭашьақәыргылара иазкны: аҟәрышь рыҩбагьы ирзырхахоит
Анапаҵаҩра
Аџьынџьтәылатә еибашьра дуӡӡа аҟны иҭахаз Аԥсны аҵеицәа ирызку абаҟақәа реиҭашьақәыргылара аус хацдыркуеит Урыстәыла иҟанаҵо ацхыраара иабзоураны. Арзаҳалқәа алаҵоуп, инхаз аус ахацыркроуп. Аамҭа маҷ иалагӡаны аус аиҿкаара ахьынӡазалыршахо, специалистцәас иадгалахо, насгьы ари азҵаара актуалра ахьынӡацу атәы арадио Sputnik иазеиҭеиҳәеит арзаҳал алазҵаз ақыҭақәа иреиуоу Мгәыӡырхәа ахада Беслан Агрба.
Мгәыӡырхәа иалҵыз рахьынтә Аџьынџьтәылатә еибашьра Ду аан иҭахеит 100-ҩык. Урҭ зегьы ргәалашәара аҳаҭыраз ақыҭан игылоуп абаҟа, уи иавагылоуп Аԥсны жәлар рџьынџьтәылатә еибашьраан иҭахаз ирызкугьы. Мгәыӡырхәа иазырхахоу аҟәрышь ала, ҩбаҟак реиҭашьақәыргылара азгәаҭан иҟоуп, ҳәа адырра ҟаиҵеит Агрба.
"Аамҭа маҷуп иаанхаз аҟынтә, аԥара аиаанӡа ҳәа ҳаԥшӡам. Уажәнатә ҳрылагахьеит аицәажәаракәа аусурақәа зазыгӡо рзы, амаҭәахә аԥшааразы", - ҳәа иҳәеит Агрба.
Ақыҭа ахада иажәақәа рыла, Аиааира ду 80 шықәса ахыҵра инамаданы, иазгәаҭоуп аныҳәа ирҭбааны аԥылара.
Аицәажәара инеиҵыхны шәазыӡырҩыр шәылшоит аудиофаил аҿы хыхь.
Ажәабжьқәа зегьы
0