Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Афымцадәыӷба "Диоскуриа" уаҵәы инаркны Аԥсныҟа аныҟәара иалагоит

© Sputnik / Илья Питалев / Амедиаҵәахырҭахь аиасраВ Сухум прибыл первый электропоезд "Ласточка" из Сочи
В Сухум прибыл первый электропоезд Ласточка из Сочи - Sputnik Аҧсны, 1920, 30.04.2025
Анапаҵаҩра
АҞӘА, мшаԥы 30 - Sputnik. Акурорт Имеретински Аҟәеи еидызҳәало жәларбжьаратәи афымцадәыӷба "Диоскуриа" уаҵәы инаркны Аԥсныҟа аныҟәара иалагоит.
Актәи амаршрут "Адлер – Аҟәа – Адлер" ала апассаџьырцәа ирыцны аныҟәара мҩаԥыргоит ахәыҷқәа рааӡараз абжьгаҩцәа – апроект "Детские навигаторы" алахәылацәа. Урҭ Аиааира агара 80 шықәса ахыҵра иазкны аҟазара-классқәа мҩаԥыргоит.
Афымцадәыӷба EP2DM еиқәыршәоуп аҳауа-хылаԥшрала, USB-қәа, аинвалидцәа рзы ашьҭыхгақәа, амаланыҟәақәа рзы аибаркыгақәа рыла. Авагонқәа дырԥшӡеит урыстәылатәии аԥснытәии асахьаҭыхыҩцәа.
Аусмҩаԥгатә рхы аладырхәуеит иреиҳау ачынуаа, "Урыстәылатәи аихамҩақәа" рдиректор хада ихаҭыԥуаҩ Иван Колесников дназлоу.
Акурорт Имеретинск – Аҟәа ахь абилеҭқәа рыҭира мшаԥы 21 рзы иалагеит. Адәыӷбақәа бжьалоит ҽнак ҩынтә, Абааҭа, Гагрыԥшь, Гагра, Бзыԥҭа, Гәдоуҭа, Ԥсырӡха, Афон ҿыц рҿы иааҭгылалоит.
Ажәабжьқәа зегьы
0