https://sputnik-abkhazia.info/20250909/nepal-ayza-ministr-imaura-aanizhit-asotsialt-aa-rzinamara-iakhany-agylaraa-rzy-1057405257.html
Непал аԥыза-министр имаҵура аанижьит асоциалтә ҳақәа рзинҟамҵара иахҟьаны ақәгыларақәа рзы
Непал аԥыза-министр имаҵура аанижьит асоциалтә ҳақәа рзинҟамҵара иахҟьаны ақәгыларақәа рзы
Sputnik Аҧсны
АҞӘА, цәыббра 9 - Sputnik. Непал аԥыза-министр имаҵура аанижьит асоциалтә ҳақәа рзинҟамҵара иахҟьаны иҟалаз ақәгыларақәа инарымаданы. 09.09.2025, Sputnik Аҧсны
2025-09-09T17:04+0300
2025-09-09T17:04+0300
2025-09-09T20:29+0300
урыстәыла
ажәабжьқәа
https://cdnn1.img.sputnik-abkhazia.info/img/07e9/09/09/1057404981_0:438:720:843_1920x0_80_0_0_3a7c97e07df86af4e727b3e71ec3ce2c.jpg
АҞӘА, цәыббра 9 - Sputnik. Непал аԥыза-министр имаҵура аанижьит асоциалтә ҳақәа рзинҟамҵара иахҟьаны иҟалаз ақәгыларақәа инарымаданы. Уаанӡатәи адыррақәа рыла, атәыла ахада Рам Чандра Пауделгьы иҭыԥ аанижьит. Абри атәы АИХқәа ирыладырҵәеит аҿагылара зуаз ақәгылаҩцәа иара ирезиденциа ианыҩнала ашьҭахь. Паудел аруаа ддәыдыргеит. Анаҩс, ари аинформациа аҳәынҭқарра ахада Иусбарҭаҿы мап ацәыркит. Аимадара аминистрраҿы ашәҟәы зыҽҭазымгалацыз амаҵзурақәа рсервисқәа русура аанкылазарц аӡбара аларгалеит иҳаҩсыз амчыбжь анҵәамҭазы. Урҭ рахь иаҵанакуан аплатформақәа: Meta*, YouTube, X, Reddit, LinkedIn. Ақалақьқәа рҿы хыԥхьаӡара рацәала ауаа ақәгыларақәа ирылагеит. 22-ҩык ауаа ҭахеит аполициеи дареи реиҿагылараан, 500-ҩык рҟынӡа ахәрақәа роуит. Аиҳабыра ирыӡбеит ирыдыркылаз ақәҵара аԥыхра, аха аилаҩеиласрақәа еиқәымтәеит. Аҿагылара мҩаԥызгоз Апарламент ахыбрақәа, Иреиҳаӡоу аӡбарҭа, анапхгаратә партиа аофис, Апрокурор хада иофис, аԥыза-министр ирезиденциа амца рыцрарҵеит, афинансқәа рминистр Бишну Прасад Паудел дрыпҟеит. Катманду аҳаирбаӷәаза аркуп, аҳаирпланқәа зегьы рреисқәа аанкылоуп, Лалитпур ақалақь аҿы иҟоу абахҭаҟынтәи 1500-ҩык абаандаҩцәа бналеит. Апарламенти аҭыԥантәи анапхгаратә усбарҭақәеи рҿы аҭыԥқәа аанызкылоз аоппозициатә партиа алахәылацәа рмаҵурақәа аанрыжьит. Иҟоу адыррақәа рыла, уажәы Непал 350-400-ҩык раҟара урыстәылатәи атуристцәа ыҟоуп. Избаз изларҳәо ала, ақәгыларақәа мҩаԥызго урҭ ирылакьысуам, аха атәымтәылауаа ргәы рҽанызарц рабжьыргоит. *Meta (асоциалтә ҳақәа Facebook, Instagram) Урыстәыла аусура азин ыҟам уи екстремисттәуп ҳәа ишьаны.
https://sputnik-abkhazia.info/20250909/nepal-anyala-katmandu-iou-singkh-durbar-ikhan-shaankyla-iblit-1057410982.html
урыстәыла
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Премьер-министр Непала ушел в отставку на фоне массовых беспорядков из-за запрета соцсетей
Sputnik Аҧсны
Премьер-министр Непала ушел в отставку на фоне массовых беспорядков из-за запрета соцсетей
2025-09-09T17:04+0300
true
PT1S
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
АҞӘА, цәыббра 9 - Sputnik. Непал аԥыза-министр имаҵура аанижьит асоциалтә ҳақәа рзинҟамҵара иахҟьаны иҟалаз ақәгыларақәа инарымаданы.
Уаанӡатәи адыррақәа рыла, атәыла ахада Рам Чандра Пауделгьы иҭыԥ аанижьит. Абри атәы АИХқәа ирыладырҵәеит аҿагылара зуаз ақәгылаҩцәа иара ирезиденциа ианыҩнала ашьҭахь.
Паудел аруаа ддәыдыргеит. Анаҩс, ари аинформациа аҳәынҭқарра ахада Иусбарҭаҿы мап ацәыркит.
Аимадара аминистрраҿы ашәҟәы зыҽҭазымгалацыз амаҵзурақәа рсервисқәа русура аанкылазарц аӡбара аларгалеит иҳаҩсыз амчыбжь анҵәамҭазы. Урҭ рахь иаҵанакуан аплатформақәа: Meta*, YouTube, X, Reddit, LinkedIn.
Ақалақьқәа рҿы хыԥхьаӡара рацәала ауаа ақәгыларақәа ирылагеит. 22-ҩык ауаа ҭахеит аполициеи дареи реиҿагылараан, 500-ҩык рҟынӡа ахәрақәа роуит.
Аиҳабыра ирыӡбеит ирыдыркылаз ақәҵара аԥыхра, аха аилаҩеиласрақәа еиқәымтәеит. Аҿагылара мҩаԥызгоз Апарламент ахыбрақәа, Иреиҳаӡоу аӡбарҭа, анапхгаратә партиа аофис, Апрокурор хада иофис, аԥыза-министр ирезиденциа амца рыцрарҵеит, афинансқәа рминистр Бишну Прасад Паудел дрыпҟеит. Катманду аҳаирбаӷәаза аркуп, аҳаирпланқәа зегьы рреисқәа аанкылоуп, Лалитпур ақалақь аҿы иҟоу абахҭаҟынтәи 1500-ҩык абаандаҩцәа бналеит.
Апарламенти аҭыԥантәи анапхгаратә усбарҭақәеи рҿы аҭыԥқәа аанызкылоз аоппозициатә партиа алахәылацәа рмаҵурақәа аанрыжьит.
Иҟоу адыррақәа рыла, уажәы Непал 350-400-ҩык раҟара урыстәылатәи атуристцәа ыҟоуп. Избаз изларҳәо ала, ақәгыларақәа мҩаԥызго урҭ ирылакьысуам, аха атәымтәылауаа ргәы рҽанызарц рабжьыргоит.
*Meta (асоциалтә ҳақәа Facebook, Instagram) Урыстәыла аусура азин ыҟам уи екстремисттәуп ҳәа ишьаны.
