https://sputnik-abkhazia.info/20260101/asyshala-iakho-shyanay-azhurnalist-eleonora-kooniaa-ashysti-leikhshaalaa-1059812430.html
Аԥсышәала иаԥхьо шәыҟанаҵы: ажурналист Елеонора Коӷониаԥҳа ашықәстәи леихшьаалақәа
Аԥсышәала иаԥхьо шәыҟанаҵы: ажурналист Елеонора Коӷониаԥҳа ашықәстәи леихшьаалақәа
Sputnik Аҧсны
Абар дырҩегьых ашықәс аихшьаалақәа раамҭа ааит. Шьҭахьҟа инҳажьит 2025-тәи ашықәс. Ацәыӡ дуқәа шацыз еиԥш, ииасыз ашықәс иацын ибзиаӡоу ахҭысқәагьы. Ажурналист... 01.01.2026, Sputnik Аҧсны
2026-01-01T12:35+0300
2026-01-01T12:35+0300
2026-01-01T12:39+0300
аԥсны
аналитикеи аиҿцәажәарақәеи
агәаанагара
аԥсны
https://cdnn1.img.sputnik-abkhazia.info/img/07e9/0c/19/1060038818_0:0:1280:721_1920x0_80_0_0_6814f45915bda5e0d83aef31b71eb37e.jpg
Абар дырҩегьых ашықәс аихшьаалақәа раамҭа ааит. Шьҭахьҟа инҳажьит 2025-тәи ашықәс. Ацәыӡ дуқәа шацыз еиԥш, ииасыз ашықәс иацын ибзиаӡоу ахҭысқәагьы. Ажурналист иуалу ажәабжь аԥхьаҩцәа рызнагароуп, аха снапы злаку аколумнизм атәы ҳҳәозар, ажәабжьҳәара мацарагьы азхом, иаҭахуп ахҭысқәа рызхәыцра, агәаанагара аиҭаҳәара, анализ азура. Ҳаҭыр зқәу Sputnik Аԥсны асаит аԥсуа хәҭа аҭааҩцәа, акәты иалшо акәтаӷь ҳәа рҳәоит, саргьы убасоуп. Исызҳәом ииасыз ашықәс азы ҵҩа змам анҵамҭақәа сыман ҳәа, аха ахыԥхьаӡара мацара сазымхәыцкәа аихшьаала ҟасҵозар, иҟан иуадаҩу, иаарласӡаны унапаҿы иузаамго атемақәа. 2025-тәи ашықәс азы аполитика иазкыз анҵамҭақәа снапы рылакымызт, еиҳарак сызҿыз алитературеи акультуреи ирыдҳәалаз ракәын. 2025 шықәсазы аԥсуа культура иаиут ацәыӡ ду, лаҵарамза 7 рзы идунеи иԥсахит 93 шықәса зхыҵуаз Аԥсны жәлар рышәҟәыҩҩы Алықьса Гогәуа. Абри ахҭыс акыр ихьааны изласыцрасыз ала, ари ашықәс азы санҵамҭақәа раԥхьа исыргыло иреиуоуп арубрика "Ҳазхысхьоу аиҭаԥхьара" аҳасабала ашәҟәыҩҩы ирҿиараҿы иалыскаауаз аҩымҭақәа ирзыскыз анҵамҭақәа. "Сара уи иԥсра епохак анҵәамҭеиԥш исыдыскылеит", - иҳәоит Гогәуа ирҿиаразы ахҳәаа сызҭаз афилологиатә ҭҵаарадыррақәа рдоктор Виачеслав Бигәаа. Даҽа дунеик ахь ицаз ашәҟәыҩҩы ирҿиареи ихаҭареи ирзыскит 13 нҵамҭа инарзынаԥшуа. Ҳәарада, макьанагьы ирацәаӡоуп Гогәуа ирҿиара иазкны иуҩыша, аха сара сгәалс хыҵхырҭас иаиуит апроза, адрама, апублицистика, апоезиа уҳәа ашәҟәыҩҩ шьахә иаҳзынижьыз амал ду ахәҭак аиҭахысра. Ҳаԥхьаҟа иҵегь агәҭакқәа сымоуп бзиа избо ашәҟәыҩҩы ирҿиара иазкны. Ииасыз ашықәс акультуратә ԥсҭазаара ҳазыгьежьуазар, иҟоуп хшыҩзышьҭра зуҭаша. Сколонкақәа ҩба рзыскит, изымҩатәны Аԥсны иаахьаз аурыс классик Антон Чехов идрама "Аҷныш" ҳтеатрқәа рсценаҿы иахьцәырҵыз. Аԥсуа театр "Аҷныш" (ареж. М. Аргәынԥҳа) ахәаԥшцәа рахь ицәырнагеит жьҭаарамза анҵәамҭазы, уи инашьҭарххны абҵарамзазы РУСДРАМ аҿы имҩаԥысит "Аҷныш" (ареж. Р. Кочержевски). Избан арҭ аҩ-спектакльк срыхцәажәарц зысҭаххаз? Сгәанала ари культуратә еиндаҭлароуп. Арҿиаратә еиндаҭлара еснагь абзиара иазҳәоуп. Аԥсуа театрқәа рспектакльқәа ахҳәаа руҭозар, уацәыԥхамшьо ашәҟәыҩҩы иԥсадгьыл аҿы имҩаԥысуа атеатртә фестивальқәа рахь иугар иқәҿиарахар алшоит ҳәа схәыцуеит. Иара убас, акультуратә хҭысқәа ирыцҵо сазааҭгылеит РУСДРАМ аҿы иқәдыргылаз афранцыз шәаҳәаҩы Едит Пиаф илызку аспектакль. Ари аԥхьарбара қәҿиара дуны иалыскаауеит. Пиаф лроль анагӡаҩ Лоида Ҭырқьԥҳа лакәзар иреиӷьу актрисаны дызбоит. Угәаҵанӡа инеиуа ашансон асцена аҟынтә иааҩуан ахәмарра ацны. Аспектакль азкын Пиаф диижьҭеи 110 шықәса аҵра. Уи лашәақәа иахьагьы ауаҩы ддыргәаҭеиуеит. Ҭырқьԥҳа лакәзар лхатә цәаҩа ацны ицәырылгоит ԥсра зқәым ашәақәа.Хымԥада, атеатртә очеркқәагьы срывымсит, иуҳәаша еснагь иҟоуп азы. Аԥсны зҽаԥсазтәыз артистцәа Ҭемраз Чамагәуа, Роман Сабуа риубилеитә рыцхәқәа рыдныҳәало, рнысымҩеи рыгәҭахәыцрақәеи аԥхьаҩцәа ирыдгалан. Атеатр аҿы имҩаԥысуа ашықәс алагамҭазы иҟан агәалс ду зцыз ахҭысқәагьы, лдунеи лыԥсахит Аԥсны зҽаԥсазтәыз актриса Изольда Арухаа. Хымԥада, уи илызку анҵамҭагьы цәырган, иахьынӡасылшоз иаартны еиҭасҳәеит актриса гәыҵхас илымаз, хатәгәаԥхарала адунеи зынлыжьыз азы агәаанагара. Атеатр аӡбахә анысҳәо, ибзиаӡоу ахҭысқәа рахь иахысыԥхьаӡалоит Аԥсуа-Абаза конгресси Аԥсуа театри еицымҩаԥырго "Атеатр аҿы ахәылԥаз" зыхьӡу апроект. Уи атеатр аҩнуҵҟа ақыҭа хәыҷқәа рныҟәаны, аспектакль дырбара иазкуп. Урҭ аныҟәарақәа мҩаԥызго лаҳасабала, исҳәарц сылшоит хра злоу проектны ишыҟоу ари аус. Абиԥарақәак атеатр иҩнамлаӡакәа ирызҳар алшоит, еиҳаракгьы ақыҭақәа рҿы инхо Аҟәа хәылбыҽхала иааны аспектакльқәа рыхәаԥшразы алшра зларымам ала. Ашықәс аҩнуҵҟа Sputnik асаит аҿы Аԥсны жәлар Рџьынџьтәылатәи еибашьра атема еснагь актуалра амоуп, убри аҟынтә, 2025 шықәсазы саргьы уи иазыскыз анҵамҭақәа ыҟоуп. Аибашьра еибаны иннажьыз, аха зшьапы иқәгыланы зыхшара зааӡаз аҳәса ирызкын сколонкақәа ҩба. Уаҟа еиҭаҳәоу аҭоурыхқәа ахьаа шузцәырырго еиԥш, агәеизҳарагьы рыцуп, избанзар "ԥҳәыснапыла аҷкәынцәа зааӡаз" рџьабаа бзабааны ирԥылеит уҳәар ауеит ҳзыҿцәажәоз анацәа иҳарҳәаз алкаа азаҳуазар. Еснагь сыззааҭгыло атема - аԥсуа бызшәа аҭагылазаашьа азҵаатәгьы сзаҩымсит. Уи иазыскит Ҭырқәтәылантәи зыԥсадгьыл иазыхынҳәыз ҳџьынџьуаа атәым ҳәынҭқарраҿы абызшәа ашьҭкаара рылзыршаз феноменс иамоу. Ашықәсқәа реикәшара уазхәыцуазар, сжурналисттә ԥышәаҿы избоит еснагь сыззыгьажьуа атемақәа шыҟоу, убарҭ иреиуоуп сызлацәажәоз абызшәа азҵаатәгьы. Ахатә ԥсҭазаара атәы сҳәозар, сыҷқәынцәа аҭаца дысзааргар шысҭахугьы, макьана уи ахҭыс сыԥсҭазаараҿы иҟамлац. Ҳазҭалаз ашықәс азы убри аҩыза аныҳәа сыҩны иҟаларц сазгәышьуеит. Ибзиоу ахҭысқәа ирхысыԥхьаӡалоит аԥхын ԥсшьара Кисловодск сахьыҟаз. Уи цәгьа агәабзиаразы ихәарҭоуп. Кисловодск иԥшӡоу, ицқьоу қалақьуп, иаланхо ауаа гәызианқәоуп, убри аҟынтә сыԥсшьара иреиӷьу цәаҳәаны иалыскаауеит сыԥсҭазаараҿы. Абарҭқәа рыдагьы актриса лаҳасабала ароль ҿыц сыхәмарит, уи адоуҳатә мазара аганахь исыргылоит. Михаил Рошьин "Аешелон" (ареж. М. Аргәынԥҳа) аԥхьарбара абҵарамза ахыркәшамҭаз Аԥсуа театр асцнаҿы имҩаԥысит. Уаҟа инасыгӡон ацыган ԥҳәыс Чора лроль. Схы ахәшьара асҭом, аха Чора аспектакль алахҿыхра алҭазшәа збоит. Ашықәс анҵәамҭазы хшыҩзышьҭра зуҭаша акәны сахәаԥшуеит ԥхынҷкәын мза алагамҭазы Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко аԥсуа журналистцәа ириҭаз аинтервиу. Аҵакы аиҭаҳәара салагом, аха ихаданы иалскаауеит - иҳәынҭқарратәу аканал Аԥсуа телехәаԥшреи ахатәы канал "Абазеи" еидкыланы дахьрацәажәаз. Даара иажәа абырҵкал икылхны рҭак ҟаиҵеит иманшәаламыз азҵаарақәагьы. Иубарҭан ҳтәыла иадҳәалоу азҵаатәқәа дшырзыҟаҵоу, аинформациа бзианы ишимоу. Ари ахҭыс ашықәс анҵәамҭазы Аԥсны асоциалтә ҳақәа рҿы аԥхьагылара зауз акәны иҟалеит. Аха, абарҭқәа зегь раԥхьа исыргылоит аурыс политик Кириенко амилаҭтә музыка аҩны аиҿкааразы Н. Лакәаба имҩаҿы игылоу ихатәы ҩны ҳамҭас иахьеиҭаз Д. Арухаа напхгара зиҭо О. Хәынцариа ихьӡ зху жәлар рмузыкатә рҳәагақәа роркестр. Абырзен ҭуџьар И. Алоизи Аԥсны атеатр иргылахьан, анаҩсан, уи аҩыза ахҭысқәа уԥыломызт ҳтәылаҿы. "Сазхәыцуан сабду иҩны аиҭашьақәыргылара шаҭахыу, аха акы сааннакылон. Сазхәыцуан Аҟәа агәаны, "ахьтәы ҭыԥ" ҳәа иахьашьҭоу аурыс чынуаҩ иҩны гылазаауеит, иҩбахаз, уи аҩны шықәсык ахьтә жәеиза мзы иаркызаауеит. Уи иашахомызт сгәанала. Иҟасҵашаз сыхәшьадит Хәаԥ сасра санымҩахыҵ (Арухаа ргәараҭахь - аред.)", - иҳәеит Кириенко хыхь сызлацәажәоз аинтервиу аҿы. Зхатә харџь ала акультуратә хыбрақәа зыргыло ауаа иахьа иуԥылом, убри аҟнытә ари ахҭыс ихаданы иалыскаауеит ииасыз ашықәс азы, амал змоу аԥсуаа рзгьы иҿырԥшыганы иҟаларц сҭахуп. Ҽаанбзиала шәнеиааит ҳаҭыр зқәу ҳдаҟьа аҭааҩцәа. Аԥсышәала иаԥхьо шәыҟанаҵы ҳара ҳзы игәахәароуп, уи иаҳнаҭоит агәыӷра аҭагылазаашьа шуашәшәыроугьы аԥсшәа аԥсы ҭазаауеит ҳәа. Ҽаанбзиала!
https://sputnik-abkhazia.info/20251102/asazaara-aagasra-ianasyz-aspektakl-anysh-akharbara-maysit--1058734836.html
https://sputnik-abkhazia.info/20251220/aasara-zzymdyrua-abzhy-edit-piaf-rusdram-astsenay-1059864614.html
https://sputnik-abkhazia.info/20251027/abyzsha-akhchara-asadgyl-akhchara-iayzoup-zourykh-sadgyl-akh-ikhynyz-asuaa-rysha-1058543821.html
https://sputnik-abkhazia.info/20251125/1059283701.html
Sputnik Аҧсны
media@sputniknews.com
+74956456601
MIA „Rossiya Segodnya“
2026
Елеонора Коӷониаԥҳа
https://cdnn1.img.sputnik-abkhazia.info/img/102002/80/1020028073_1000:0:5016:4016_100x100_80_0_0_fa9e562a2e09e5b7f5ebc8753d4339c1.jpg
Елеонора Коӷониаԥҳа
https://cdnn1.img.sputnik-abkhazia.info/img/102002/80/1020028073_1000:0:5016:4016_100x100_80_0_0_fa9e562a2e09e5b7f5ebc8753d4339c1.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Елеонора Коӷониаԥҳа
https://cdnn1.img.sputnik-abkhazia.info/img/102002/80/1020028073_1000:0:5016:4016_100x100_80_0_0_fa9e562a2e09e5b7f5ebc8753d4339c1.jpg
аналитикеи аиҿцәажәарақәеи, агәаанагара, аԥсны
аналитикеи аиҿцәажәарақәеи, агәаанагара, аԥсны
Абар дырҩегьых ашықәс аихшьаалақәа раамҭа ааит. Шьҭахьҟа инҳажьит 2025-тәи ашықәс. Ацәыӡ дуқәа шацыз еиԥш, ииасыз ашықәс иацын ибзиаӡоу ахҭысқәагьы. Ажурналист иуалу ажәабжь аԥхьаҩцәа рызнагароуп, аха снапы злаку аколумнизм атәы ҳҳәозар, ажәабжьҳәара мацарагьы азхом, иаҭахуп ахҭысқәа рызхәыцра, агәаанагара аиҭаҳәара, анализ азура.
Ҳаҭыр зқәу Sputnik Аԥсны асаит аԥсуа хәҭа аҭааҩцәа, акәты иалшо акәтаӷь ҳәа рҳәоит, саргьы убасоуп. Исызҳәом ииасыз ашықәс азы ҵҩа змам анҵамҭақәа сыман ҳәа, аха ахыԥхьаӡара мацара сазымхәыцкәа аихшьаала ҟасҵозар, иҟан иуадаҩу, иаарласӡаны унапаҿы иузаамго атемақәа.
2025-тәи ашықәс азы аполитика иазкыз анҵамҭақәа снапы рылакымызт, еиҳарак сызҿыз алитературеи акультуреи ирыдҳәалаз ракәын. 2025 шықәсазы аԥсуа культура иаиут ацәыӡ ду, лаҵарамза 7 рзы идунеи иԥсахит 93 шықәса зхыҵуаз Аԥсны жәлар рышәҟәыҩҩы Алықьса Гогәуа. Абри ахҭыс акыр ихьааны изласыцрасыз ала, ари ашықәс азы санҵамҭақәа раԥхьа исыргыло иреиуоуп арубрика "Ҳазхысхьоу аиҭаԥхьара" аҳасабала ашәҟәыҩҩы ирҿиараҿы иалыскаауаз аҩымҭақәа ирзыскыз анҵамҭақәа. "Сара уи иԥсра епохак анҵәамҭеиԥш исыдыскылеит", - иҳәоит Гогәуа ирҿиаразы ахҳәаа сызҭаз афилологиатә ҭҵаарадыррақәа рдоктор Виачеслав Бигәаа. Даҽа дунеик ахь ицаз ашәҟәыҩҩы ирҿиареи ихаҭареи ирзыскит 13 нҵамҭа инарзынаԥшуа. Ҳәарада, макьанагьы ирацәаӡоуп Гогәуа ирҿиара иазкны иуҩыша, аха сара сгәалс хыҵхырҭас иаиуит апроза, адрама, апублицистика, апоезиа уҳәа ашәҟәыҩҩ шьахә иаҳзынижьыз амал ду ахәҭак аиҭахысра. Ҳаԥхьаҟа иҵегь агәҭакқәа сымоуп бзиа избо ашәҟәыҩҩы ирҿиара иазкны.
Ииасыз ашықәс акультуратә ԥсҭазаара ҳазыгьежьуазар, иҟоуп хшыҩзышьҭра зуҭаша. Сколонкақәа ҩба рзыскит, изымҩатәны Аԥсны иаахьаз аурыс классик Антон Чехов идрама "Аҷныш" ҳтеатрқәа рсценаҿы иахьцәырҵыз. Аԥсуа театр "Аҷныш" (ареж. М. Аргәынԥҳа) ахәаԥшцәа рахь ицәырнагеит жьҭаарамза анҵәамҭазы, уи инашьҭарххны абҵарамзазы РУСДРАМ аҿы имҩаԥысит "Аҷныш" (ареж. Р. Кочержевски). Избан арҭ аҩ-спектакльк срыхцәажәарц зысҭаххаз? Сгәанала ари культуратә еиндаҭлароуп. Арҿиаратә еиндаҭлара еснагь абзиара иазҳәоуп. Аԥсуа театрқәа рспектакльқәа ахҳәаа руҭозар, уацәыԥхамшьо ашәҟәыҩҩы иԥсадгьыл аҿы имҩаԥысуа атеатртә фестивальқәа рахь иугар иқәҿиарахар алшоит ҳәа схәыцуеит.
Иара убас, акультуратә хҭысқәа ирыцҵо сазааҭгылеит РУСДРАМ аҿы иқәдыргылаз афранцыз шәаҳәаҩы Едит Пиаф илызку аспектакль. Ари аԥхьарбара қәҿиара дуны иалыскаауеит. Пиаф лроль анагӡаҩ Лоида Ҭырқьԥҳа лакәзар иреиӷьу актрисаны дызбоит. Угәаҵанӡа инеиуа ашансон асцена аҟынтә иааҩуан ахәмарра ацны. Аспектакль азкын Пиаф диижьҭеи 110 шықәса аҵра. Уи лашәақәа иахьагьы ауаҩы ддыргәаҭеиуеит. Ҭырқьԥҳа лакәзар лхатә цәаҩа ацны ицәырылгоит ԥсра зқәым ашәақәа.
Хымԥада, атеатртә очеркқәагьы срывымсит, иуҳәаша еснагь иҟоуп азы. Аԥсны зҽаԥсазтәыз артистцәа Ҭемраз Чамагәуа, Роман Сабуа риубилеитә рыцхәқәа рыдныҳәало, рнысымҩеи рыгәҭахәыцрақәеи аԥхьаҩцәа ирыдгалан. Атеатр аҿы имҩаԥысуа ашықәс алагамҭазы иҟан агәалс ду зцыз ахҭысқәагьы, лдунеи лыԥсахит Аԥсны зҽаԥсазтәыз актриса Изольда Арухаа. Хымԥада, уи илызку анҵамҭагьы цәырган, иахьынӡасылшоз иаартны еиҭасҳәеит актриса гәыҵхас илымаз, хатәгәаԥхарала адунеи зынлыжьыз азы агәаанагара.
Атеатр аӡбахә анысҳәо, ибзиаӡоу ахҭысқәа рахь иахысыԥхьаӡалоит Аԥсуа-Абаза конгресси Аԥсуа театри еицымҩаԥырго "Атеатр аҿы ахәылԥаз" зыхьӡу апроект. Уи атеатр аҩнуҵҟа ақыҭа хәыҷқәа рныҟәаны, аспектакль дырбара иазкуп. Урҭ аныҟәарақәа мҩаԥызго лаҳасабала, исҳәарц сылшоит хра злоу проектны ишыҟоу ари аус. Абиԥарақәак атеатр иҩнамлаӡакәа ирызҳар алшоит, еиҳаракгьы ақыҭақәа рҿы инхо Аҟәа хәылбыҽхала иааны аспектакльқәа рыхәаԥшразы алшра зларымам ала.
Ашықәс аҩнуҵҟа Sputnik асаит аҿы Аԥсны жәлар Рџьынџьтәылатәи еибашьра атема еснагь актуалра амоуп, убри аҟынтә, 2025 шықәсазы саргьы уи иазыскыз анҵамҭақәа ыҟоуп. Аибашьра еибаны иннажьыз, аха зшьапы иқәгыланы зыхшара зааӡаз аҳәса ирызкын сколонкақәа ҩба. Уаҟа еиҭаҳәоу аҭоурыхқәа ахьаа шузцәырырго еиԥш, агәеизҳарагьы рыцуп, избанзар "ԥҳәыснапыла аҷкәынцәа зааӡаз" рџьабаа бзабааны ирԥылеит уҳәар ауеит ҳзыҿцәажәоз анацәа иҳарҳәаз алкаа азаҳуазар.
Еснагь сыззааҭгыло атема - аԥсуа бызшәа аҭагылазаашьа азҵаатәгьы сзаҩымсит. Уи иазыскит Ҭырқәтәылантәи зыԥсадгьыл иазыхынҳәыз ҳџьынџьуаа атәым ҳәынҭқарраҿы абызшәа ашьҭкаара рылзыршаз феноменс иамоу. Ашықәсқәа реикәшара уазхәыцуазар, сжурналисттә ԥышәаҿы избоит еснагь сыззыгьажьуа атемақәа шыҟоу, убарҭ иреиуоуп сызлацәажәоз абызшәа азҵаатәгьы.
Ахатә ԥсҭазаара атәы сҳәозар, сыҷқәынцәа аҭаца дысзааргар шысҭахугьы, макьана уи ахҭыс сыԥсҭазаараҿы иҟамлац. Ҳазҭалаз ашықәс азы убри аҩыза аныҳәа сыҩны иҟаларц сазгәышьуеит. Ибзиоу ахҭысқәа ирхысыԥхьаӡалоит аԥхын ԥсшьара Кисловодск сахьыҟаз. Уи цәгьа агәабзиаразы ихәарҭоуп. Кисловодск иԥшӡоу, ицқьоу қалақьуп, иаланхо ауаа гәызианқәоуп, убри аҟынтә сыԥсшьара иреиӷьу цәаҳәаны иалыскаауеит сыԥсҭазаараҿы.
Абарҭқәа рыдагьы актриса лаҳасабала ароль ҿыц сыхәмарит, уи адоуҳатә мазара аганахь исыргылоит. Михаил Рошьин "Аешелон" (ареж. М. Аргәынԥҳа) аԥхьарбара абҵарамза ахыркәшамҭаз Аԥсуа театр асцнаҿы имҩаԥысит. Уаҟа инасыгӡон ацыган ԥҳәыс Чора лроль. Схы ахәшьара асҭом, аха Чора аспектакль алахҿыхра алҭазшәа збоит.
Ашықәс анҵәамҭазы хшыҩзышьҭра зуҭаша акәны сахәаԥшуеит ԥхынҷкәын мза алагамҭазы Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко аԥсуа журналистцәа ириҭаз аинтервиу. Аҵакы аиҭаҳәара салагом, аха ихаданы иалскаауеит - иҳәынҭқарратәу аканал Аԥсуа телехәаԥшреи ахатәы канал "Абазеи" еидкыланы дахьрацәажәаз. Даара иажәа абырҵкал икылхны рҭак ҟаиҵеит иманшәаламыз азҵаарақәагьы. Иубарҭан ҳтәыла иадҳәалоу азҵаатәқәа дшырзыҟаҵоу, аинформациа бзианы ишимоу. Ари ахҭыс ашықәс анҵәамҭазы Аԥсны асоциалтә ҳақәа рҿы аԥхьагылара зауз акәны иҟалеит. Аха, абарҭқәа зегь раԥхьа исыргылоит аурыс политик Кириенко амилаҭтә музыка аҩны аиҿкааразы Н. Лакәаба имҩаҿы игылоу ихатәы ҩны ҳамҭас иахьеиҭаз Д. Арухаа напхгара зиҭо О. Хәынцариа ихьӡ зху жәлар рмузыкатә рҳәагақәа роркестр. Абырзен ҭуџьар И. Алоизи Аԥсны атеатр иргылахьан, анаҩсан, уи аҩыза ахҭысқәа уԥыломызт ҳтәылаҿы. "Сазхәыцуан сабду иҩны аиҭашьақәыргылара шаҭахыу, аха акы сааннакылон. Сазхәыцуан Аҟәа агәаны, "ахьтәы ҭыԥ" ҳәа иахьашьҭоу аурыс чынуаҩ иҩны гылазаауеит, иҩбахаз, уи аҩны шықәсык ахьтә жәеиза мзы иаркызаауеит. Уи иашахомызт сгәанала. Иҟасҵашаз сыхәшьадит Хәаԥ сасра санымҩахыҵ (Арухаа ргәараҭахь - аред.)", - иҳәеит Кириенко хыхь сызлацәажәоз аинтервиу аҿы. Зхатә харџь ала акультуратә хыбрақәа зыргыло ауаа иахьа иуԥылом, убри аҟнытә ари ахҭыс ихаданы иалыскаауеит ииасыз ашықәс азы, амал змоу аԥсуаа рзгьы иҿырԥшыганы иҟаларц сҭахуп.
Ҽаанбзиала шәнеиааит ҳаҭыр зқәу ҳдаҟьа аҭааҩцәа. Аԥсышәала иаԥхьо шәыҟанаҵы ҳара ҳзы игәахәароуп, уи иаҳнаҭоит агәыӷра аҭагылазаашьа шуашәшәыроугьы аԥсшәа аԥсы ҭазаауеит ҳәа. Ҽаанбзиала!
