Аҟәа Ахақәиҭра ашҭаҿы аныҳәатә концерт мҩаԥысит
14:47 09.05.2026 (ирҿыцуп: 16:00 09.05.2026)
© Sputnik
Анапаҵаҩра
АҞӘА, лаҵара 9 — Sputnik. Аҟәа Ахақәиҭра ашҭаҿы аныҳәатә концерт мҩаԥысит.
Аиааира амш 81 шықәса ахыҵра иазкны ахәаԥшцәа рҿаԥхьа иқәгылеит аԥсуа естрадатә шәаҳәаҩцәа Нарсоу Абыхәба, Мадина Кәарацхьелиаԥҳа, Ильда Қәычбериаԥҳа, Хаҭуна Ҭарԥҳа, Авто Конџьариа, Саида Агрԥҳа, Акапелла "Лаит", ахәыҷтәы вокалтә студиақәа, акәашаратә ансамбльқәа.
Ашәаҳәаҩцәа инарыгӡеит аибашьраантәи ашәақәа "Блокадныи вальс", "Сини платочек", "Баллада о матери", "Тучи в голубом", "Девчата", иара убас "День Победы".
Аконцерт еиҿыркааит Аҟәа ахадареи, жәларбжьаратәи апатриоттә еиҿкаара "Аиааира 9/45", АНО "Евразиа".
Сынтәа ҩышықәсоуп "Аиааира 9/45" еиуеиԥшым атәылақәа рҿы Лаҵара 9 рзы мҽхакы ҭбаала аныҳәа мҩаԥнагоижьҭеи ҳәа азгәеиҭеит Урыстәыла Аҳәынҭдума ахантәаҩы ихаҭыԥуаҩ, жәларбжьаратәи апатриоттә еиҿкаара анапхгаҩы Борис Чернышов.
"Аиааира Дуӡӡа 81 шықәса ахыҵра аҽны, ҳара ҳгеографиа ҳарҭбаауеит: жәабала атәылақәа рҿы аусмҩаԥгатәқәеи аконцертқәеи мҩаԥысуеит, урҭ рхыԥхьаӡараҿы иҟоуп Аԥсны, Киргизиа, Таџьикистан, Узбекистан, Китаи, иара убас мраҭашәаратәи атәылақәа жәпакы. Ҳара иаҳбоит адунеи зегь аҿы ҳаиԥш ихәыцуа ауаа рхыԥхьаӡара еиҳа-еиҳа ишеизҳауа — ари аиҿкаара амч аиуеит, избанзар иахьа аҵабырг иадгыло рацәаҩуп. Мраҭашәара ҳҭоурых аныхра ианаҿу аамҭазы, ҳара абиԥарақәа рыбжьара ацҳа ӷәӷәақәа ҳаргылоит", — иҳәеит иара.
Аиааира амш 81 шықәса ахыҵра иазкны ахәаԥшцәа рҿаԥхьа иқәгылеит аԥсуа естрадатә шәаҳәаҩцәа Нарсоу Абыхәба, Мадина Кәарацхьелиаԥҳа, Ильда Қәычбериаԥҳа, Хаҭуна Ҭарԥҳа, Авто Конџьариа, Саида Агрԥҳа, Акапелла "Лаит", ахәыҷтәы вокалтә студиақәа, акәашаратә ансамбльқәа.
Ашәаҳәаҩцәа инарыгӡеит аибашьраантәи ашәақәа "Блокадныи вальс", "Сини платочек", "Баллада о матери", "Тучи в голубом", "Девчата", иара убас "День Победы".
Аконцерт еиҿыркааит Аҟәа ахадареи, жәларбжьаратәи апатриоттә еиҿкаара "Аиааира 9/45", АНО "Евразиа".
Сынтәа ҩышықәсоуп "Аиааира 9/45" еиуеиԥшым атәылақәа рҿы Лаҵара 9 рзы мҽхакы ҭбаала аныҳәа мҩаԥнагоижьҭеи ҳәа азгәеиҭеит Урыстәыла Аҳәынҭдума ахантәаҩы ихаҭыԥуаҩ, жәларбжьаратәи апатриоттә еиҿкаара анапхгаҩы Борис Чернышов.
"Аиааира Дуӡӡа 81 шықәса ахыҵра аҽны, ҳара ҳгеографиа ҳарҭбаауеит: жәабала атәылақәа рҿы аусмҩаԥгатәқәеи аконцертқәеи мҩаԥысуеит, урҭ рхыԥхьаӡараҿы иҟоуп Аԥсны, Киргизиа, Таџьикистан, Узбекистан, Китаи, иара убас мраҭашәаратәи атәылақәа жәпакы. Ҳара иаҳбоит адунеи зегь аҿы ҳаиԥш ихәыцуа ауаа рхыԥхьаӡара еиҳа-еиҳа ишеизҳауа — ари аиҿкаара амч аиуеит, избанзар иахьа аҵабырг иадгыло рацәаҩуп. Мраҭашәара ҳҭоурых аныхра ианаҿу аамҭазы, ҳара абиԥарақәа рыбжьара ацҳа ӷәӷәақәа ҳаргылоит", — иҳәеит иара.
