Аԥсны Росгосцирк агастрольқәа ирылагоит рашәара 12 рзы
12:33 04.06.2026 (ирҿыцуп: 13:44 04.06.2026)
© Sputnik / Томас Тхайцук
Анапаҵаҩра
Ацирк "Игәымшәоу Еҵәаџьаа" агастрольқәа мҩаԥысуан ареспубликаҿы 2025 шықәса рашәара 14 инаркны цәыббра 21 рҟынӡа.
АҞӘА, рашәара 4 — Sputnik. Аԥсны Росгосцирк агастрольқәа ирылагоит рашәара 12 рзы аангыларҭа Кьалашәыр аҿаԥхьа.
Аԥсны акультура аминистрра акультуреи аҟазареи рыҟәша аспециалист хада Милана Хәаџьааԥҳа лажәақәа рыла, Росгосцирки аусбарҭеи аиқәшаҳаҭра рнапы аҵарит АЖәАФ аҳәаақәа рҿы.
Аԥсны акультура аминистрра акультуреи аҟазареи рыҟәша аспециалист хада Милана Хәаџьааԥҳа лажәақәа рыла, Росгосцирки аусбарҭеи аиқәшаҳаҭра рнапы аҵарит АЖәАФ аҳәаақәа рҿы.
"Ҵыԥх, Росгосцирк агастрольқәа Аԥсны қәҿиарала имҩаԥысит, ақәгыларақәа реихшьаалақәа рыла, урыстәылатәи ҳколлегацәа рықәгыларақәа ирыҭныҵыз 14,2 млн мааҭ Нестор Лакәаба ихьӡ зху амузеи аиҭашьақәыргыларазы иахырыԥхьаӡалеит. Агастрольтә сезон ҿыц ишьақәгылахьоу, хра злоу аусеицура иацнаҵоит", — ҳәа азгәалҭеит лара.
Ацирк-шапито администратор Вера Мешьчанова илҳәеит ақәгыларақәа аԥхын зегьы ишымҩаԥысло. Ари аамҭа иалагӡаны ацирк 30 қәгылара азгәаҭоуп. Апрограмма "Ацирк алаԥшхырԥара" аԥхьарбара мҩаԥгахоит рашәара 12 асааҭ 17:00 рзы.
"Ҵыԥх иҳауз аԥышәала еилаҳкаауеит ахәашеи, асабшеи, амҽышеи ахәылԥазтәи ақәгыларақәа еиҳа еиӷьны ишцоу. Апрограмма ҩ- сааҭк, антракт аманы ицоит", — азгәалҭеит Мешьчанова.
"Ҵыԥх иҳауз аԥышәала еилаҳкаауеит ахәашеи, асабшеи, амҽышеи ахәылԥазтәи ақәгыларақәа еиҳа еиӷьны ишцоу. Апрограмма ҩ- сааҭк, антракт аманы ицоит", — азгәалҭеит Мешьчанова.
Аԥстәыбжьаҩ Мурад Хадыров еиҭеиҳәеит ацирк апрограмма атәы.
"Даара ирацәахоит аекзотикатә ԥстәқәа — алышькьынтыр, абнаҳәынаԥқәа, апарпарқәа, алемурқәа уҳәа убас иҵегьы. Акробатқәа рҟынтәи ҳара иҳамоуп иуадаҩу амаанақәа назыгӡо ашахақәныҟәаҩцәа, аеквилибрист, аҳауатә гимнастцәа, ажонглиор", — иҳәеит иара.
"Даара ирацәахоит аекзотикатә ԥстәқәа — алышькьынтыр, абнаҳәынаԥқәа, апарпарқәа, алемурқәа уҳәа убас иҵегьы. Акробатқәа рҟынтәи ҳара иҳамоуп иуадаҩу амаанақәа назыгӡо ашахақәныҟәаҩцәа, аеквилибрист, аҳауатә гимнастцәа, ажонглиор", — иҳәеит иара.
