Гәдоуҭа аԥшаҳәа аиҭашьақәыргылара ԥхынгәы 5-нӡа ахыркәшара азгәаҭоуп
14:45 23.06.2026 (ирҿыцуп: 14:48 23.06.2026)
© Foto / Пресс-служба президента Абхазии
Анапаҵаҩра
АҞӘА, рашәара 23 — Sputnik. Гәдоуҭа аԥшаҳәа аиҭашьақәыргылара ԥхынгәы 5-нӡа ахыркәшара азгәаҭоуп ҳәа Sputnik иазеиҭеиҳәеит ақалақь аԥшаҳәа аҭыԥхәҭа аиҭашьақәыргыларазы аҭакԥхықәра зду Сергеи Маношин.
Аусурақәа ирылагеит лаҵарамза раԥхьатәи амшқәа рзы. Ари аамҭа иалагӡаны ақәаршҩцарҭақәа ԥсахын, акоммуникациақәа шьҭаҵан, аԥшаҳәа аиҳарак аҿы ашьаҟамҩатә хаҳәҟьаԥс шьҭаҵан, абагьыр амармалташьла ичаԥан.
Уи адагьы, иргылоуп амфитеатрқәа ҩба, асцена, ахәыҷтәы хәмарырҭа, атренажиорқәа ахьыҟоу аспорттә шҭаҳәыԥш.
"Араҟа архитектуратә бетон иалху атәарҭа ҿыцқәа ргылахоит, абаӷәазаҿы иҟоу амфитеатр аҿаԥхьа аԥсшьарҭа ҭыԥқәа ҟалоит, аконцертқәа, аспорттә усқәа рымҩаԥгара алшоит", — ҳәа азгәеиҭеит Маношин.
Аԥшаҳәа азеиԥш аура 600 метра иҟоуп. Ахархәара змоу аматериалқәа рыхәҭак Аԥсны иҭыжьын, рыхәҭак Урыстәылантәи иааган.
Аиҭашьақәыргылара аҩбатәи ахәҭа аҳәаақәа ирҭагӡаны асқьала еиҭашьақәыргылахоит. Уажәы уаҟа агәаҭарақәа мҩаԥысуеит, уи аихшьаалақәа рыла апроект-харџьынҵатә шәҟәқәеи аусурақәа рынагӡара аҿҳәареи шьақәдыргылоит иҳәеит Маношин.
Аиҭашьақәыргылара ашьҭахь асқьала атуристтә ӷбақәеи акатерқәеи рыдкылара алшоит ҳәа азгәаҭоуп. Иара убасгьы, уаҟа иқәыргылахоит арыцқьаратә система иаҿаку ахацәа, аҳәса, аинвалидцәа рзы амодультә шьышьмаҭрақәа ҳәа иҳәеит иара
Аусурақәа ирылагеит лаҵарамза раԥхьатәи амшқәа рзы. Ари аамҭа иалагӡаны ақәаршҩцарҭақәа ԥсахын, акоммуникациақәа шьҭаҵан, аԥшаҳәа аиҳарак аҿы ашьаҟамҩатә хаҳәҟьаԥс шьҭаҵан, абагьыр амармалташьла ичаԥан.
Уи адагьы, иргылоуп амфитеатрқәа ҩба, асцена, ахәыҷтәы хәмарырҭа, атренажиорқәа ахьыҟоу аспорттә шҭаҳәыԥш.
"Араҟа архитектуратә бетон иалху атәарҭа ҿыцқәа ргылахоит, абаӷәазаҿы иҟоу амфитеатр аҿаԥхьа аԥсшьарҭа ҭыԥқәа ҟалоит, аконцертқәа, аспорттә усқәа рымҩаԥгара алшоит", — ҳәа азгәеиҭеит Маношин.
Аԥшаҳәа азеиԥш аура 600 метра иҟоуп. Ахархәара змоу аматериалқәа рыхәҭак Аԥсны иҭыжьын, рыхәҭак Урыстәылантәи иааган.
Аиҭашьақәыргылара аҩбатәи ахәҭа аҳәаақәа ирҭагӡаны асқьала еиҭашьақәыргылахоит. Уажәы уаҟа агәаҭарақәа мҩаԥысуеит, уи аихшьаалақәа рыла апроект-харџьынҵатә шәҟәқәеи аусурақәа рынагӡара аҿҳәареи шьақәдыргылоит иҳәеит Маношин.
Аиҭашьақәыргылара ашьҭахь асқьала атуристтә ӷбақәеи акатерқәеи рыдкылара алшоит ҳәа азгәаҭоуп. Иара убасгьы, уаҟа иқәыргылахоит арыцқьаратә система иаҿаку ахацәа, аҳәса, аинвалидцәа рзы амодультә шьышьмаҭрақәа ҳәа иҳәеит иара
