Басла аӡиас амшын иахьалало иӡааҟәрылаз ахыхьчаратә ргыларақәа зҵазкуа аамҭа еилкаауп
12:07 23.08.2026 (ирҿыцуп: 12:36 23.08.2026)
© Sputnik / Акоп Кущян
Анапаҵаҩра
Уажәтәи Аҟәа иахьаҵанакуа Себастополис абаа аурымқәа идыргылеит ҳера II ашәышықәсазы, аҟәара ахырӷәӷәарҭак аҳасабала.
АҞӘА, нанҳәа 23 — Sputnik. Басла аӡиас амшын иахьалало иӡааҟәрылаз ахыхьчаратә ргыларақәа ҳера V–VI ашәышықәсақәа ирыҵанакит ҳәа азгәарҭеит аҵарауаа.
Урыстәылатәии Аԥснытәии аҭҵааҩцәа 2–2,5 метра аҵаулараҿы аҭӡамцқәеи абаашқәеи ҭырҵааит ҳәа арадио Sputnik иазеиҭеиҳәеит Урыстәыла Аҭҵаарадыррақәа Ракадемиа иатәу мрагылараҭҵаара аинститут Ҟрыми Адгьылбжьарамшыни рҭоурых-археологиатә ҭҵаарақәа рцентр аиҳабы Виктор Лебедински.
Аекспедициа иналукааша ԥшаахны иҟалеит, ахырӷәӷәарҭақәа ррыцхә иашаҵәҟьа ашьақәыргылара алзыршаз иблу ақьырмыт иалху архитектуратә маҟа.
Аҵарауаа алкаа ҟарҵеит — абаа абаӷәаза ахьыҟаз аӡиас амшын иахьалало хнаҩон ҳәа.
"Басла убас имҩашьо аӡымҩас имоуп, аӷбақәа аҩнуҵҟа аҭалара алзыршо, даҽакала иуҳәозар, аӡиас ихылар алшон аӷбақәа. Уи Аҟәа абаӷәазақәа ируакзар ҟаларын", — ҳәа азгәеиҭеит Лебедински.
Аҭҵаарадырратә експедициа есышықәса имҩаԥыргоит Аԥсуаҭҵааратә институти, Аԥснытәи аҳәынҭқарратә музеии, урыстәылатәи аҵарауааи.
Урыстәылатәии Аԥснытәии аҭҵааҩцәа 2–2,5 метра аҵаулараҿы аҭӡамцқәеи абаашқәеи ҭырҵааит ҳәа арадио Sputnik иазеиҭеиҳәеит Урыстәыла Аҭҵаарадыррақәа Ракадемиа иатәу мрагылараҭҵаара аинститут Ҟрыми Адгьылбжьарамшыни рҭоурых-археологиатә ҭҵаарақәа рцентр аиҳабы Виктор Лебедински.
Аекспедициа иналукааша ԥшаахны иҟалеит, ахырӷәӷәарҭақәа ррыцхә иашаҵәҟьа ашьақәыргылара алзыршаз иблу ақьырмыт иалху архитектуратә маҟа.
Аҵарауаа алкаа ҟарҵеит — абаа абаӷәаза ахьыҟаз аӡиас амшын иахьалало хнаҩон ҳәа.
"Басла убас имҩашьо аӡымҩас имоуп, аӷбақәа аҩнуҵҟа аҭалара алзыршо, даҽакала иуҳәозар, аӡиас ихылар алшон аӷбақәа. Уи Аҟәа абаӷәазақәа ируакзар ҟаларын", — ҳәа азгәеиҭеит Лебедински.
Аҭҵаарадырратә експедициа есышықәса имҩаԥыргоит Аԥсуаҭҵааратә институти, Аԥснытәи аҳәынҭқарратә музеии, урыстәылатәи аҵарауааи.
