Бадра Гәынбеи Денис Мантурови ахәаахәҭра-економикатә усеицура иалацәажәеит
13:36 25.09.2026 (ирҿыцуп: 13:47 25.09.2026)
© telegram sputnik_apsny_info
Анапаҵаҩра
АҞӘА, цәыббра 25 — Sputnik. Аԥсны ахада Бадра Гәынбеи Урыстәыла Аиҳабыра рхантәаҩы актәи ихаҭыԥуаҩ Денис Мантурови ахәаахәҭра-економикатә усеицура иалацәажәеит.
"Аԥсни Урыстәылеи реинырра ахырхарҭақәа зегьы рҿы даара адинамика аҵаны иҿиоит: арратә усхкы, аекономика аганахьала аусеицура, асоциалтә усхкы. Иҭабуп ҳәа шәасҳәар сҭахын аусеицуразы, иазгәасҭар сҭахын Владимир Владимир-иԥа Путин ҳазхьирԥшыз адинамика иабзоураны акыр шықәса инеиԥынкыланы апрактикаҿы инаҳагӡо аидгыларатә еизыҟазаашьақәа шышьақәгыло", — ҳәа азгәеиҭеит Гәынба.
Аганқәа иазгәарҭеит аусутә еимадарақәа рырҭбаара ишацхраауа аицуснагӡатәқәа рымҩаԥгара. Хазы лымкаала иазгәарҭеит мшаԥымзазы имҩаԥысыз АЖәАФ-2026 аҵакы.
"Иарбоу атема Аԥсны аекономика хра злоу, аинвестициатә гәазыҳәара змоу амодель аԥҵаразы ҳтәылақәа имҩаԥырго аусеицура ҳасаб азуны, еиҳарак актуалра аҵаны иҟоуп. Уи, ахәҭакахьала, аҵыхәтәантәи ахәышықәса рыҩнуҵҟа 2,5-нтә рҟынӡа еиҳахаз ҩ-ганктәи атауареикәыршара хра аманы ианыруеит", — иҳәеит Денис Мантуров.
"Иарбоу атема Аԥсны аекономика хра злоу, аинвестициатә гәазыҳәара змоу амодель аԥҵаразы ҳтәылақәа имҩаԥырго аусеицура ҳасаб азуны, еиҳарак актуалра аҵаны иҟоуп. Уи, ахәҭакахьала, аҵыхәтәантәи ахәышықәса рыҩнуҵҟа 2,5-нтә рҟынӡа еиҳахаз ҩ-ганктәи атауареикәыршара хра аманы ианыруеит", — иҳәеит Денис Мантуров.
