Урыстәыла Аԥсны иазаанашьҭит 30 ак иҷыдоуи амедицинатәи техника
14:47 25.09.2026 (ирҿыцуп: 16:08 25.09.2026)
© Sputnik / Томас Тхайцук
Анапаҵаҩра
АҞӘА, цәыббра 25 — Sputnik. Урыстәыла Аԥсны иазаанашьҭит 30 ак иҷыдоуи амедицинатәи техника.
Аимдаратә церемониа рхы аладырхәит ареспублика ахада Бадра Гәынба, Урыстәыла Аиҳабыра рхантәаҩы ихаҭыԥуаҩ Денис Мантуров.
Ҳамҭас Аԥсны иаиуит:
Аимдаратә церемониа рхы аладырхәит ареспублика ахада Бадра Гәынба, Урыстәыла Аиҳабыра рхантәаҩы ихаҭыԥуаҩ Денис Мантуров.
Ҳамҭас Аԥсны иаиуит:
Ашколтә автобусқәа 9;
Ацхыраара ласы амашьынақәа 7, ареанимациатә машьынақәа 2;
2 аидарақәҵага маҷ, акоммуналтә машьынақәа 2;
Амцарцәаратә автоцистернақәа 2, амцарцәара-еиқәырхаратә мотоциклқәа 2;
4 катерк.
Аҳәынҭқарра ахада ари ахҭыс даҽазныкгьы Аԥсни Урыстәылеи реинырра иамоу аҩаӡара ҷыда ишышьақәнарӷәӷәо азгәеиҭеит.
Аҳәынҭқарра ахада ари ахҭыс даҽазныкгьы Аԥсни Урыстәылеи реинырра иамоу аҩаӡара ҷыда ишышьақәнарӷәӷәо азгәеиҭеит.
"Аҵара, амедицина, ауааԥсыра рыдгылара реиԥш иҟоу аусхкқәа ҳаизыҟазаашьақәа рыҩаӡара аазырԥшуа роуп", — иҳәеит иара.
Гәынба урыстәыла ахада Владимир Путин Аԥсны иазыҟаиҵо адгыларазы ҭабуп ҳәа изынаицҳауеит, агәыӷра ааирԥшит атехника ареспублика атәылауааи атәыла асасцәеи реизҳазыӷьаразы ихәарҭахап ҳәа.
Урыстәыла аҟынтәи атехника ҷыда Аԥсны аҭара — ари апатуқәҵареи агәреибагаратә еизыҟазаашьақәеи ирдыргоуп иҳәеит Урыстәылатәи Афедерациа аԥыза-министр актәи ихаҭыԥуаҩ Денис Мантуров.
Иара ихы алаирхәит 30 цыра атехника аимдара ацеремониа. Аԥсны иазаашьҭу атехника иаҵанакуеит: ацхырааралас амашьынақәа, АҶА-еи акоммуналтә маҵзурақәеи рзы атранспорт.
"Агәра ганы сыҟоуп ас еиԥш иҟоу агәцаракра ҳаиҩызаратә еизыҟазаашьақәа рыҿиара ишазеиӷьу", — ҳәа азгәеиҭеит иара.
Мантуров Аԥсны ауааԥсыра ирыдиныҳәалеит иааиуа аныҳәақәа— Аҟәа ахақәиҭтәра Амши Аиааира Амши.
