01:48 18 Нанҳәа 2019
Ишиашоу ицо аефир
  • USD66.00
  • EUR73.22
аԥсыӡкра

Аспиннинг ала аԥсыӡкразы иаарту ачемпионат Ҩыԥсара аӡиас аҟны имҩаԥгахоит

CC0
Аԥсны
Икьаҿу ахьарԥш аиура
6 0 0

Аспиннинг ала аԥсыӡкразы аиндаҭларақәа ирылахәуп Аԥсны, Урыстәыла, Донецк, Луганск ркомандақәа.

АҞӘА, нанҳәа 5 – Sputnik, Бадраҟ Аҩӡба. Аспиннинг ала аԥсыӡкразы аиндаҭларақәа, Аԥсны имҩаԥысраны иҟоуп нанҳәа 16-18 рзы иҳәеит Sputnik аинтервиу азҭаз Аԥсны аԥсыӡкреи ашәарыцареи рыспортхкы афедерациа ахада Альберт Бондаренко.

"Иахьатәи аамҭазы 21 команда ашәҟәы иҭааҩхьеит. Урҭ рҟынтәи х-командак Аԥснытәи командақәоуп. Командацыԥхьаӡа хҩык-хҩык алахәуп. Ачемпионат мҩаԥыргоит Бзыԥтәи аиҩхаа, Ҩыԥсара аӡиас аҿы. Аӡиас х-зонакны еихшаны 500 кьыла акалмаҳа ҭарҵоит. Иара Бзыԥ аӡиас аҿы иааӡоуп", - иҳәеит иара.

Аспиннинг ала аԥсыӡкразы аиндаҭларақәа ирылахәуп Аԥсны, Урыстәыла, Донецк, Луганск ркомандақәа. Иара хәынтәуп имҩаԥыргоижьҭеи.

"Аԥҟарақәа жәларбжьаратә аԥҟарақәа ирықәшәоит. Алахәылацәа "иукит-иоуушьҭит" аԥҟара иқәныҟәоит", - иҳәеит Аԥсны аԥсыӡкреи ашәарыцареи рыспортхкы афедерациа ахада Альберт Бондаренко.

Убри аан аԥсыӡ зкыз ауаҩы инапаҿы иааникылар ҟалом.

"Аԥсыӡ знык унапаҿы иукыр иԥсуеит. Иҷыдоу амакәанқәа рыла икны, аӡбаҩ идырбоит. Ашәҟәы иааҭагаланы иаразнак аӡахьы идырхынҳәуеит", - иҳәеит Бондаренко.

Аӡбаҩцәа Урыстәылантәи иааԥхьахоит.

Аспиннинг ала аԥсыӡкразы аиндаҭларақәа, Аԥсны имҩаԥысраны иҟоуп нанҳәа 16-18 рзы.

Иара убас шәаԥхьар ҟалоит:

Ихадоу атемақәа

  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    23
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    146
  • Иҟоума даҽа ҳәынҭқаррак рхада ртәыла агәы злеисуа абызшәа изымдыруа? Далырхуама уи иҩыза, хшыҩла дкәадамзаргьы? Ауаажәларра рыбжьара агәынамӡара зызцәырнагаз акандидатцәа злахәыз аефиртә аамҭа аԥҟарақәа еиҭакрақәас ԥхьаҟа ирылагалатәузеи? Абарҭ азҵаарақәа дрылацәажәоит Sputnik аколумнист Елеонора Коӷониаԥҳа.

    50