Ҟарачы-Черқьесиантәи Аԥсны ахақәиҭтәразы 27 шықәса раԥхьа абри амш азы хатәгәаԥхарала иааз дыруаӡәкуп Леон иорден занашьоу Роберт Ашба. Иара игәалаиршәоит уи ахҭыс шыҟалаз атәы.

1961 шықәсазы Џьгьардантәи Гагра араион, Алықьса Канџьариа дызхагылаз Гантиадитәи (иахьа Цандрыԥшьтәи) ашкол-интернат №1 ахь арҵаҩы-ааӡаҩыс иаашьҭыз, еиԥмырҟьаӡакәа 55 шықәса апедагогикатә стаж змоу, иахьа зымшира азгәазҭо Аԥсны зҽаԥсазтәыз арҵаҩы Валентина Кәыта-иԥҳа Ашәԥҳа иаҳзеиҭалҳәеит ари амҩа дшанылаз атәы.

Зураб Ачба ихьӡ зху Аҵаратә центр "Ақәымчра змам адунеи" аиҳабы Далила Ԥлиаԥҳа арадио Sputnik Аԥсны аефир аҿы азиндырҩы, ауаажәларратәи аполитикатәи усзуҩ Зураб Ачба дылгәалалыршәо илҳәеит иара еснагь аҿар ирызку аполитикатә клуб аиҿкаара игәы ишҭаз.

Ихәыҷымкәа идухахьада?! Аха аибашьра аамҭа иааннажьыз ашәахсҭақәа, зхәыҷра адунеи хысбыжьла иҭәыз ашықәсқәа зхызгахьоу шаҟа ирацәаҩузеи. Ахәыҷреи аибашьреи еиҿагыло амчқәа, ахәыҷреи аҭынчреи ирхылҵуа аԥсҭазаара ирызкуп Сырма Ашәԥҳа ланҵамҭа.

Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара раҳҭоит, алкаа рзыҟаҳҵоит.

Нанҳәа 15 рзы Аԥсны иазгәарҭоит Хатәгәаԥхарала иеибашьуаз имш. Убри инадҳәаланы аҳәаанырцә инхо ҳџьынџьуаа аибашьраан рыԥсадгьыл ахьчараз раара шыҟалаз, насгьы уи ажәабжь шрыдыркылаз иазкны арадио Sputnik Аԥсны аефир аҿы ҳиҿцәажәеит аиҭагаҩ, ауаажәларратә усзуҩ Октаи Ҷкотуа.

Иахьа, нанҳәа 15 рзы адунеи атәылақәак рҟны иазгәарҭоит Археолог имш. Ҭырқәтәылантәи Аԥсныҟа ихынҳәыз ҳџьынџьуаҩ Еџье Ҭраԥшьԥҳа дархеологуп. Лара ари изанааҭ ахьышьҭылхыз зыбзоуроу, лыԥсадгьыл ахь лаара шыҟалаз, насгьы ара лнапы злаку уҳәа ртәы ҳадылгалоит ажурналист Сырма Ашәԥҳа.

2012 шыкәса раахыс есышықәса нанҳәа 15 рзы Аԥсны иазгәарҭоит Хатәгәаԥхарала иеибашьуаз имш

Нанҳәа 15 рзы Аԥсны иазгәарҭоит Аԥсны жәлар Рџьынџьтәылатә еибашьра иадҳәалоу арыцхәқәа инарылукаауа – Хатәгәаԥхарала иеибашьуаз имш.

Акомпозитор, апианист, агәыԥ "Мирайф" ашьаҭаркҩы Армен Мерабов иаалырҟьаны иԥсҭазаара далҵит.