Ахаҵа ироль зегь раасҭа еиӷьны иназыгӡаз ҳәа РУСДРАМ атеатралтә сезон ахырқәшамҭаз иалкаахаз актиор Џьамбул Жорданиа арадио Sputnik аефир аҟны иҳәеит ахәаԥшцәа иалыркааз ироль аус шадиулоз.

Цәыббрамзазы имҩаԥысраны иҟаз 27-тәи ачемпионати атәыла Ахраҿеи рзы ахәмаррақәа ииагоуп 2020 шықәса ааԥынрахьы аклубқәа рфинанстә проблемақәа ирхырҟьаны.

Аԥсны аҳәынҭқарра ахада иусбарҭа аиҳабы ихаҭыԥуаҩ, аиурист Гиви Габниа арадио Sputnik аефир аҟны еиҭеиҳәеит азакәан инақәыршәаны аиҳабыра ҿыц шышьақәдырӷәӷәо, иара убас игәаанагара иҳәеит иааиуа хәышықәса аус зуа аминистрцәа рыхьӡқәа еилкаахар аналшо азы.

Аԥсны Жәлар рартист, аоператә шәаҳәаҩы Борис Амҷба арадио Sputnik аҟны дигәалаиршәеит аԥсуа музыкатә ҟазара арҿиараҟны зџьабаа рацәоу, Аԥсны аҳәынҭқарратә симфониатә оркестр еиҿызкааз Лев Џьергьениа.

Ԥшь-хкыкны еилоу аинтерактивтә лаҵа аус адулоуп 2019-2020 шықәсқәатәи ааамҭахҵәазы. Уаанӡатәи адыррақәа рыла Аԥсныҟа иааган х-хәҭакны иҟоу алаҵа, 15 000 цыра инарзынаԥшуа.

Аԥсны иҟоу Урыстәыла аладатәи арратә база аррамаҵзурауаа 2019 шықәсазтәи аҵарашықәс аихшьаалақәа рымҩаԥгаразы аҽазыҟаҵарақәа ирхысит.

Аԥсны ахада Рауль Ҳаџьымба жьҭаара 10 рзы Аминистрцәа реилазаара аилатәара мҩаԥигеит. Аԥсны ахада иҭоубашьҭаҵара ацеремониа мҩаԥысит жьҭаара 9 рзы.

Аԥсны ахада иҭоубашьҭаҵара ацеремониа мҩаԥысит жьҭаара 9 рзы. Аминистрцәа реилазаара аиҿкаараз аҿҳәарақәеи ииасыз ахәышықәса рыҩныҵҟа уа еиҭакрақәас иҟази ртәы Sputnik Аԥсны аматериал аҿы.

Аҭоурыхдырыҩ, ашәҟәыҩҩы Арвелод Кәыпраа 95 шықәса дшырҭагылаз иԥсҭазаара далҵит. Аҵыхәтәантәи ашықәсқәа рзы Арвелод Кәыпраа аԥсуа культура аҿиара инапы алакын, иҭижьуан архивтә документқәа.

Зыдунеи зыԥсахыз аҵарауаҩ, академик Арвелод Кәыпраа аԥсуа ҭҵаарадырраҟны илагала, иааԥсара рацәаӡоуп, абас азгәеиҭеит арадио Sputnik аефир аҭоурыхтә ҭҵаарадыррақәа рдоктор Аслан Аҩӡба.