АҞӘА, рашәара 18 - Sputnik. Аҟәа ақалақь ахада Беслан Ешба аусдҵа "Атранспорт хархәагақәа рҭалареи рҭыҵреи рҭышәныртәаларазы аҭахкаагақәа (амҩакыгақәа) рықәыргыларазы" инапы аҵеиҩит. Абри атәы аанацҳауеит ақалақь ахадара асаит.
"Амҩакыгақәа ықәыргылазааит абарҭ аҭыԥқәа рҿы: Аҟәа, Амҳаџьырқәа рыԥшаҳәеи Аидгылара амҩеи рҟны аҭахкаагақәа рыргылара аплан-схемақәа иадырбо аҳәаала", - ҳәа аҳәоит аусдҵаҿы.
Шлагбаум_Монтажная область 1
© Sputnik / Гуния Леон
Амҳаџьырқәа рыԥшаҳәаҿы лаҵарамзазы аусурақәа ирылагеит аҵладацқәа рыԥҟареи ашьаҟамҩатә хаҳәқәа рышьҭаҵареи рзы. Иара убасгьы аресторан "Амра" инаркны аресторан "Аԥра" аҟынӡа ишьҭыхым аныҟәарҭамҩа ҟаҵахоит.
Иара убас шәаԥхьар ҟалоит:
- Ацәхыԥқәа рыда, алашара ақәырԥханы: Аҟәа аԥшаҳәаҿы абульвар мҩа шьҭарҵоит
