Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14617-ҩык ыҟоуп, ргәы бзиахеит 13650-ҩык, рыԥсҭазаара иалҵит 222-ҩык.

Ашьапылампыл азы Аԥсны XXVIII ачемпионат иалахәуп аа-командак атәыла араионқәа зегь рҟынтәи. Ачемпионат мҩаԥысуеит мшаԥымза инаркны абҵарамзанӡа.

Баслахә ақыҭан инхо Валериан Иванченко арадио Sputnik арубрика "Ақыҭа нхарҭа ҭыԥуп" аҿы еиҭеиҳәеит арахә ааӡара аус инапы шалаикыз, ақыҭаҿы аусурҭаҭыԥ аныҟам аамҭазы анхаҩы ихы зланыҟәигар илшо, насгьы уи аҿиара шибо атәы.

2021 шықәса ажьырныҳәа 1 инаркны мшаԥы 30 рҟынӡа Риҵатәи амилаҭтә реликттә парк аҭааразы иҭиин 24 миллион мааҭ рыхә раҟара абилеҭқәа.

Аинформациатә агентра Sputnik Аԥсны апресс-центр аҿы имҩаԥысит Москватәи аҳәынҭқарратә капеллеи Аԥсны Аҳәынҭқарратә камертә оркестри еицымҩаԥыргараны иҟоу аконцерт иазкыз апресс-конференциа.

Аԥсны амшынҭалара асезон официалла иаартхоит рашәара 5 рзы, Аԥсны АҶА Зышәагаа маҷу аӷбақәа рзы аҳәынҭавтоинспекциа аусзуҩцәа лаҵарамза анҵәамҭазы атәыла ақалақьқәа зегьы рҿы игәарҭоит аплиажқәа рҭагылазаашьа.

Аҵыҵындра аазрыхуа анаплакҩы Баҭал Аҩӡба арадио Sputnik аефир аҟны еиҭеиҳәеит атәыла анҭыҵ иаадрыхуа зегьы зырышьҭуа, убасгьы аҵыҵындра аарыхраҟны Аԥсны авасҩы дыҟам ҳәа зииԥхьаӡо, иара убас ашықәс иалагӡаны еиԥҟьарада уи аарыхразы игәҭакы атәы.

Аԥсны зҽаԥсазтәыз ажурналист Семион Адлеиба Аԥсуа радио акорреспондентс аус иуан 50 шықәса инареиҳаны.

Аԥсуаа ирымоу ахәыҷыхәмаррақәа рыхкқәеи рхархәашьеи ирызкуп Нарҭдырреи адәынтәи афольклорҭҵаареи рцентр аҭҵаарадырратә усзуҩ Есма Ҭодуаԥҳа ланҵамҭа.