Урыстәыла Амилаҭтә филармониатә оркестр, Аҳәынҭқаррратә камертә оркестр "Виртуозы Москвы" асахьаркыратә напхгаҩы, адирижиор хада Владимир Спиваков диижьҭеи 75 шықәса ҵит. Уи иконцерт Аԥсны имҩаԥызгахьоу амузыкаҭҵааҩы Есма Џьниаԥҳа арадио Sputnik аҟны уи лгәалалыршәеит.

Искандер ихьӡ зху Аурыс ҳәынҭқарратә драматә театр актиор, арежиссиор Џьамбул Жорданиа арадио Sputnik аефир аҟны иазгәеиҭеит Чехов ихьӡ зху Москватәи асахьаркыратә театр Аԥсны агастрольқәа ҳҟазаразы ихҭыс дууп ҳәа.

Аԥсны алахәуп италиатәи ақалақь Диаманте аҿы цәыббра 11 - 15 рзы имҩаԥысуа "Апырпыл Жәларбжьаратәи афестиваль".

Шьамтәылеи Иорданиеи рҳәааҿ иҟоу алагерь Рукбан макьанагьы атеррористцәа ахылаԥшра арҭоит. Урыстәылатәи аруаа ишырҳәо ала урҭ напхгара рырҭоит ЕАА арратә гарнизон.

Арҭ амшқәа рзы 30 шықәса ҵуеит Гагра ақалақь, акинотеатр аҿаԥхьа имҩаԥгаз амлашьратә акциа аахижьҭеи. 1989 шықәсазы Қырҭтәыла Аԥсны имҩаԥнагоз азакәандаратә политика аҿагыларазы Гагреи, Гәдоуҭеи, Пицундеи, Тҟәарчали млашьра итәеит аԥсуа милаҭ-хақәиҭратә қәԥара алахәцәа гәыԥҩыла. 12 мшы Гагра ақалақь акинотеатр аҿаԥхьа еиҿкааз амлашьра иалахәыз, Леон иорден занашьоу Ремиз Цкәуа арадио Sputnik аефир аҟны еиҭеиҳәеит уи акциала СССР Иреиҳаӡоу Аилак адепутатцәа ишыддырбаз ҳмилаҭ рыԥсадгьыл аҟны рзинқәа шыԥкыз.

60 шықәса раԥхьа аппарат "Луна-2" Амзаҟынӡа инаӡеит. Иара уахь инанагеит ашьапылатә мпыл еиԥшны иҟаҵаз ампышҭа ҭацәқәа 3, урҭ иаарыкәыршаны "СССР" , "СССР. Сентябрь 1959" ҳәа аҩырақәа рнын.

Еиҳарак ауаа рацәа азгәаҭан амаршрутқәа Москва, Санкт-Петербург, Екатеринбург, Казань, Новосибирск, Сҭампыл, Ереван, Тель-Авив, Ташкент, Минск.

Араион ҿыц, Ажәытә ҳабла, "Колос", ВИЕМ, Турбаза рраионқәа рҟны цәыббра 12 рзы асааҭ 0:00 - 19:00 аӡы аанкылоуп.

Арҭ амшқәа рзы Гагра араион Лӡаа ақыҭа азааигәара амшын аҟны амашәыр иақәшәаз ҩыџьа Узбекистан атәылауаа рыԥсы еиқәырхан. Уи рылшеит Аԥсны Аҭагылазаашьа ҷыдақәа рминистрра иатәу, зышәагаа маҷу аӷбақәа хылаԥшра рызҭо аҳәынҭқарратә инспекциа алеитенант Никита Габниа иҩызцәеи иареи. Арадио Sputnik Аԥсны аефир аҟны Никита Габниа еиҭеиҳәеит амшын иагоз ауаа шеиқәдырхаз.

Очамчыра араион Аӡҩыбжьа ақыҭан аҭыхра иаҿуп 1941-1945 шш. рызтәи Аџьынџьтәылатә еибашьра ду иазку афильм.

Аԥсны зҽаԥсазтәыз акультура аусзуҩ, Дырмит Гәлиа ихьӡ зху Аҳәынҭқарратә премиа алауреат, Аԥсны Жәлар рартист, ашәаҳәаҩ, адирижиор, раԥхьатәи аԥсуа композитор Ражден Гәымба диижьҭеи цәыббрамза 12 рзы иҵит 93 шықәса.

Apple iPhone анӡырырга ашьҭахь алаҳәаратә саитқәа рҟны ицәырҵит агаджет аахәаразы аҭыԥ аанкылараз алаҳәарақәа.

Аԥсны иҟоу Урыстәыла Аладатәи арратә округ аруаа агәаҭарақәа рҳәаа иҭагӡаны арратә техникеи абџьари рыла ашьхаратә ҭыԥқәа рҟны азыҟаҵарақәа раан аракетатә комплексқәа "Штурм-С" рыла "аӷа" икәылӡтәы техника аԥырырхит.

Иалта имҩаԥысуаз Жәларбжьаратәи афестиваль "Звездный путь" аҿы аԥсуа артистцәа иаадырԥшыз аихьӡарақәа ртәы арадио Sputnik Аԥсны иазеиҭеиҳәеит ашәаҳәаҩ Ҭимур Ҭаниа.

Аԥсуаҭҵааратә институт аҟны иӡырган Урыстәыла Мрагылараҭҵаара аинститут аҟны иҭыжьыз "Мраҭашәаратәи Кавказ а-ХIХ-тәи ашәышықәса актәи азбжа" захьӡу аизга. Урыстәылатәи аофицар Лисовскии атопограф Чуркини рархивтә материалқәа рыла еизгоу ашәҟәы еиқәлыршәеит аҭоурыхтә ҭҵаарадыррақәа ркандидат, Урыстәылатәи аҭҵаарадыррақәа ракадемиа иатәу Мрагылараҭҵаара аинститут анаукатә усзуҩ еиҳабы Лариса Ҵәыџьԥҳа.

Атәыла ахада иалхразы аҩбатәи атур аан атәыла ахада бжьеиҳала далхызарц аӡбра аднакылеит Аԥсны АКХ абжьыҭарақәа рыламҭалаз. Аҵыхәтәантәи аихшьаалақәа рыла аиааира игеит Рауль Ҳаџьымба.

"Аџьырмыкьа-Ажәытә ҳабла" амаршрут ала автобусқәа аныҟәара иаҟәыҵны иҟоуп 2012 шықәса раахыс.

Жәларбжьаратәи афестиваль "Звездный путь" мҩаԥысуеит Иалта, цәыббра 7 - 11 рзы.

Аробот "Федор" ԥсаххоит аус зыдулара иаҿу аробот ала.

Иосиф Кобзон Аԥсны изныкымкәа даҭаахьан. Цәыббра 16 2008 шықәса рзы Ахақәиҭра ашҭаҿы аконцерт мҩаԥигеит. Иахьа иԥсы ҭаны дыҟазар 82 шықәса ихыҵуазаарын.