Хәажәкыра 22 рзы иазыԥхьагәаҭоу ахада иалхрақәа уаҵәы иаашар иалагоит. Абиуллитен ԥхасҭамтәыкәа абжьы шыҭитәу, зыграждантә уалԥшьа назыгӡар зылшо, аҩныҟа абжьыҭирҭа иашьыкь зызнырго, иаиааиз ҳәа ирыԥхьаӡо уҳәа азҵаара рацәа рҭакқәа - Sputnik аматериал аҿы.

Аполитикатә ҭҵаарадыррақәа ркандидат Беслан Ҳагба арадио Sputnik аефир аҟны игәаанагара иҳәеит жәларбжьаратәи анаԥшыҩцәа Аԥсны ахада иалхрақәа рахь имаар, абжьыҭара алҵшәақәа разхаҵара ианыԥшуа-ианымԥшуа иазкны.

Ахада иеиҭалхрақәа мҩаԥысраны иҟоуп хәажәкыра 22 рзы Аԥсны, иара убас ақалақьқәа Москвеи Черқьесски.

Аԥсны Аҵара аминистр Адгәыр Какоба арадио Sputnik ишиашоу ицо аефир аҿы еиҭеиҳәеит акоронавирус иахҟьаны иаԥшьгоу аԥкрақәа ртәы, онлаин-аурокқәа рымҩаԥгара алшара ыҟоу-иҟаму. Адырраҭара аҵыхәтәаны Адгәыр Какоба ахәыҷқәеи урҭ рҭаацәеи рахь ааԥхьарагьы ҟаиҵеит.

Аԥсны ахада иеиҭалхрақәа рыламҭалазы Sputnik аколумнист Елеонора Коӷониаԥҳа дазааҭгылоит имҩаԥысыз ари алхратә кампаниа ҷыдарақәас иамаз.

Очамчыра араион ахада ихаҭыԥуаҩ Славик Қәычбериа арадио Sputnik Аԥсны аефир аҿы еиҭеиҳәеит ҳтәылаҿы ихадоу аполитикатә хҭыс - атәыла ахада иалхрақәа рымҩаԥгара ишазыҟаҵоу атәы.

Хәажәкыра 22 рзы Аԥсны аамз рыҩнуҵҟала хынтәны имҩаԥысуеит атәыла ахада иалхрақәа. Ахадарахьы анеира рҽазыршәоит Адгәыр Арӡынба, Аслан Бжьаниа, Леонид Ӡаԥшьба.

Аԥсуаа рыбзазашьа алхратә система ишаныԥшуа, насгьы Аԥсны аполитикатә еицлабра аҭоурыхи, уажәтәи аамҭазы уи амҩасшьеи ртәы арадио Sputnik ишиашоу ицо аефир аҿы игәаанагара иҳәеит Аԥсны зҽаԥсазтәыз артист Кьасоу Ҳагба.

Ҭырқәтәыла иҟоу Сақариатәи ауниверситет аԥшьбатәи акурс астудент Алиас Қәаранӡиа арадио Sputnik аефир аҟны иҳәеит уи атәылаҟны аҵараиурҭақәа зегьы акоронавирус иахҟьаны ианеиҵаха хымчыбжьа аус шырымуа. Иара иазгәеиҭеит харантәи аҵара алагалара азҵаара макьана ишыӡбам.

Жәлар рҿаԥыцтә рҿиамҭақәа ажәытәӡатәи аамҭақәа рҟынтәи ишаауагьы, иахьа уажәраанӡа иҿиоит, убри аан урҭ анцәырҵуазаалакгьы иаадырԥшуеит ианаԥҵаз аамҭа аҟазшьа. Убас, иахьа аҿиара иаҿу афольклор аҷыдарақәаки уи ацәырҵра шыҟалази атәы дазааҭгылоит афольклорист Есма Ҭодуа.

Гәдоуҭа араион Мгәыӡырхәа ақыҭа ахада Беслан Агрба арадио Sputnik аефир аҟны еиҭеиҳәеит дара рыбзазашьа атәы.

Гагратәи ашкол №1 аргылара иаҿуп урыстәылатәи афинанстә цхыраара аҳәаақәа ирҭагӡаны. Аусурақәа ирзоужьуп 337,9 миллион мааҭ.

Аԥсны Алхратә комиссиа хада аӡбарала Аԥсны Аҳәынҭқарра ахада иалхрақәа мҩаԥысраны иҟоуп 2020 шықәса хәажәкыра 22 рзы.

Аԥсны зҽаԥсазтәыз артист Кьасоу Ҳагба арадио Sputnik аефир аҟны игәаанагара иҳәеит аԥсуаа рыбзазашьа алхратә система шаныԥшуа, уажәтәи алхратә кампаниа ацашьа дшахәаԥшуа атәы.

Амцакра ҟалеит ҳәа Очамчыра ақалақь амцарцәара-еиқәырхаратә хәҭахьы аҭел иасит асааҭ 13:14 рзы иахьа, хәажәкыра 20 рзы.

Урыстәыла асанитартә ҳақьым хада Анна Попова арегионалтә мчрақәа рнапы ианылҵеит аҳәаанырцәынтә атәыла иалало зегьы акарантин иаҵадыркырц.

Аԥсны Аҳәынҭқарратә ҳазалхратә еилакы астатистикеи анализ аҟаҵареи аусбарҭа аиҳабы Асида Кәыҵниаԥҳа арадио Sputnik аефир аҟны еиҭалҳәеит иахьа адунеи аҟны аларҵәара змоу ачымазара ҿкы акоронавирус атауареикәшара, адәныҟатәи ахәаахәҭра анырра шанаҭо атәы.

Адунеизегьтәи агәабзиарахьчаратә еиҿкаара хәажәкыра 11 рзы акоронавирус COVID-19 пандемиоуп ҳәа рыланаҳәеит.

Уаанӡатәи адыррақәа рыла, акруизтә лаинер "Князь Владимир" аныҟәарақәа шазԥхьагәаҭоу еиԥш имҩаԥнагоит, акоронавирус атурқәа раахәара иаԥырхагамхеит ҳәа иазыԥхьаӡан.

Зураб Ачба ихьӡ зху Арҵаратә центр "Мир без насилия" аҟны иаԥҵоуп аволонтиортә цхыраара аштаб "АБЫРГ".