14:23 20 Жьҭаара 2018
Ишиашоу ицо аефир
  • USD65.81
  • EUR75.32
Ансамбль  Апхьарца

Аԥсны алахәхоит адыгаа ркультура жәларбжьаратәи афестиваль

© Sputnik / Томас Тхайцук
Акультура
Икьаҿу ахьарԥш аиура
510

Адыга культура жәларбжьаратәи афестиваль мҩаԥысраны иҟоуп 2018 шықәса жьҭаара 2-6 рзы, Адыгатәыла 27 шықәса ахыҵра аныҳәа аҳәаақәа ирҭагӡаны.

АҞӘА, жьҭаара 2 – Sputnik. Оҭар Хәынцариа ихьӡ зху жәлар ринструментқәа роркестр алахәхоит Маиҟәаԥ имҩаԥысраны иҟоу Адыга культура VIII жәларбжьаратәи афестиваль ҳәа ааицҳауеит аоркестр анапхгаҩы Денис Арухаа.

"Ҳара ҳзы ари хҭыс дууп — раԥхьаӡа акәны атәыла анҭыҵтәи гастрольқәоуп. Афестиваль аԥҟарақәа инарықәыршәаны, ҳара адыга, аԥсуа мелодиақәа наҳагӡоит", — иҳәеит Арухаа.

Аԥснытәи аколлектив ықәгылараны иҟоуп Адыгеиск. Уа ақалақь Амш азгәарҭоит.

"Аколлектив зегь зцом. Аиҿкааҩцәа коллективцыԥхьаӡа иалахәу рхыԥхьаӡара 15-ҩык рҟынӡа иԥыркит. Аха ҳара апрограмма иалаҳҵоит ҳмилаҭтә инструментқәа зегьы рыхәмарра", — иҳәоит иара.

Арухаа адыга-черқьес жәлар ркультура афестиваль алахәхара иазкны: хҭыс дууп>>

Денис Арухаа иазгәеиҭеит афестиваль ишалахәхо адунеи зегьы аҟынтәи адыга диаспора рхаҭарнакцәа.

"Аԥсны анҭыҵ ақәгылара аҭакԥхықәра ду аҵоуп. Ҳгәыӷуеит ахәаԥшыҩцәа ҳақәгылара ахәшьара бзиа арҭап ҳәа", — азгәеиҭоит аоркестр анапхгаҩы.

Адыга культура VIII жәларбжьаратәи афестиваль аҳәаақәа ирҭагӡаны Аҳәынҭқарратә филармониаҟны имҩаԥгахоит Аҳәынҭқарратә жәлар рашәаҳәаратә, рыкәашаратә ансамбль "Исламеи" асахьаркыратә напхгаҩы, акомпозитора Аслан Нехаи 75-шықәса ихыҵра иазку аиубилеитә хәылԥазы.

Иара убасгьы аныҳәа апрограммаҿ иҟоуп афестиваль аконкурстә программақәа, аноминациақәа: "Авокал", "Ахореографиа", "Жәлар ринструментқәа" рыла.

Жьҭаара 3 рзы Т. М. Керашев ихьӡ зху Адыгатәи агуманитартә ҭҵаарақәа ринститут аҟны имҩаԥгахоит анаука-практикатә конференциа: "Адыги: проблемы сохранения культурного наследия и этнической самобытности" атемала.

Афестиваль аан имҩаԥысуеит иара алахәылацәа амилаҭтә цәамаҭәа рышәҵаны ақалақь ралсра.

Афестиваль хыркәшахоит Аҳәынҭқарратә филармониаҟны амастер-классқәеи арҿиаратә еиԥыларақәеи рыла. Иара убри амш аҽны афестиваль алахәылацәа Адыгатәыла егьырҭ ақалақьқәеи араионқәеи ирҭаауеит.

Ихадоу атемақәа