Аҭагылазаашьа ҷыдақәа рминистрра иатәу аиқәырхаратә катер раԥхьаӡа акәны Аԥсныи Урыстәылеи рымшынтә ҳәаа иахысит. Уаанӡа ус еиԥш иҟамыз алшарақәа иахьа изыбзоурахаз, уи хықәкыс иамоу атәы, насгьы уи ареис аныҟәараз ҭагылазаашьақәас иаԥҵахо атәы Sputnik арадиоефир аҿы еиҭеиҳәеит Аԥсны Аҭагылазаашьа ҷыдақәа рминистр Лев Кәыҵниа.

Рашәара 27 рзы имҩаԥысраны иҟоу афотоцәыргақәҵа "Кавказтәи аҳәырԥсарра аԥсабара" ахь инарго аусумҭақәа нарыгӡеит Кавказтәи аҳәырԥсарра аҭҵаарадырратә усзуҩцәа.

Азакәан иаҵанамкуа амигрантцәа зҭаз ашхәа Ҭырқәтәылатәи апровинциа Мугла Егеитәи амшын аԥшаҳәа иахьаҵанакуаз иӡааҟәрылеит.

Америкатәи ар Польша мрагыларатәи аҳәааҿы ф-ҭыԥк рҿы иргылахоит ҳәа аҳәамҭа ҟаиҵеит Польша Атәылахьчара аминистр Мариуш Блашьчак.

Аԥсуа бызшәа ӡырган Берлин "Аҭҵаарадыррақәа рыҵх ду" захьӡу ацәыргақәҵаҿы. Аԥсуа стенд шеиҿкааз, насгьы иарбан зҿлымҳароу уи иамаз, абри атәы арадио Sputnik Аԥсны иазеиҭалҳәеит Германиа иҟоу Аԥсны ахаҭарнак Хьыбла Амҷыԥҳа.

Хықәкырацәатәи, аҵыхәтәанӡатәи аҭыжьымҭақәа иреиуоу аҳаирпланшәарыцақәа Урыстәыла арра-космостә мчқәа ахархәаразы ироуит.

Аҟәатәи абжьаратә школ №2 аҟны амцакра ҟалеит лаҵара 2, 2019 шықәса рзы. Сааҭқәак рыла амца ырцәан.

Амотоцикл арныҟәаҩ имш аҽны арадио Sputnik Аԥсны аефир аҿы ашәаҳәаҩ, "аихатә ҽы" абзиабаҩ Ерик Миқаа еиҭеиҳәеит амотоцикл ақәтәара игәазырԥхаз.

Амшқәа ахьӡ шроузи амчыбжь ашьақәгылареи рзы дыррақәак ҳацеиҩылшоит Sputnik аколумнист Сусанна Ҭаниаԥҳа.

Рашәара 17 рзы лымшира азгәалҭоит Аԥсны Жәлар рартистка, Аҳәынҭқарратә капелла ахкы назыгӡо Манана Шамԥҳа. Ашәаҳәаҩцәа рҭаацәараҿы амузыка ишазыҟоу, насгьы лымшира шазгәалҭо атәы Манана Шамԥҳа арадио Sputnik иазеиҭалҳәеит.